تكفون ساعدونى أبى مدرسة ثنائية اللغة بسرعة

[kakawaq8]

السلام عليكم شلونكم يا أحلى أولياء أمور وأحلى أمهات
:gathering:

حبايبى مالى الا أنتوا محتاسة ولدى للحين ماسجلته
السنة اللى فاتت كان بال English Playgroup
بس أنا مانى مرتاحة للمدرسة بالنسبة للابتدائى وحابة أخليه يحول مدرسة ثانية
اذا عندكم فكرة عن مدرسة ثنائية اللغة وقوية وبنفس الوقت أسعارها معقولة يا ليت تفيدونى
لانى قبل 3 اسابيع مريت على مدرسة الغانم ثنائية اللغة كانت مسكرة وما تفتح الا بتاريخ 13 /9
خايفة أنطر وتالى يكون ماعندهم مكان للولد وأخاف أخليه بمدرسته للسنة الياية وبعدين أنقله محد يقبله ؟!
والله حدى مكتئبة أدرى وايد تأخرت على التسجيل بس شسوى ريلى من فترة عقب ما الطيور طارت بأرزاقها ياى يقولى أنا خايف على الولد من المدرسة شكلها مو قوية

تكفون لا تطنشونى والله حدى تعبانة نفسيا ساعدونى ناطرتكم :0bee2e8d89:

 

[*نور الكويت*]

الله يعينج والله وهقه
بس اللي اعرفه انه اغلب المدارس خاصه ثنائية اللغه سكرت باب التسجيل
ولدج اي صف ؟
آنا من رايي انج تخلينه هالسنه واتدرسينه عدل خاصه اللغه الأنجليزية
وتنقلينه السنه اليايه

 

[kakawaq8]

اهى اهى اهى :krkrkr::krkrkr::krkrkr:
واااااااااااااى والله أدرى بس قلت يمكن ألاقى مدرسة على حظى التسجيل عندها للحين مو فل
حبيبتى ولدى هالسنة يروح أولى ابتدائى

اليوم دقيت على مدرسة المعالى وقالى الحارس ان الادارة دوامهم 15/8 مادرى 15 /9 الله العالم !
مشكورة يا حياتى

سورى يا قلبى ماشكرتج على المرور عسى الله لا يردلج طلب ان شاء الله
على الأقل أحسن من ال 20 وحدة اللى دخلوا وطلعوا من غير اى تعليق ونعم الخوات 000 :eh_s(14):

 

[Accepted]

في مدرسة كل يوم يدزون بروشور ان تسجيلهم ما خلص . اعتقد اسمها السالمة ثنائية اللغة جربي اتصلي فيهم
عسى الله يكتب الي فيه الخير.. لا بضيق خلقج بدور لج الاعلان لاني شفته اليوم..

 

[Accepted]

بدء التسجيل في مدرسة السالمية ثنائية اللغة لمرحلتي الروضة والابتدائي والتي تقدم لطلابها :
منهج التعليم الامريكي
نظام التعلم الالكتروني
برامج اكاديمية متوازنة، رياضية و إبداعية في اللغة العربي والانجليزية والتربية الاسلامية
التعليم بطريقة مبتكرة
مبنى مدرسة حكومي
الاهتمام بالفنون

التسجيل في مقر المدرسة، السالمية ش مغيرة إبن شعبة
تلفون: 25644178 – 25616828
فاكس: 25676838
www.salmiya.edu.kw

 

[lyale]

جربي المدرسه الامريكيه ثنائية اللغه اتصلي الاداره موجوده من 9 الي 1 اتوقع التسجيل مفتوح اتصلي مو خسرانه شي

 

[lyale]

http://www.abs.edu.kw/index.html
هذاا سايتهم

 

[ReeMaN]

عندج مدرسه الحياة ثنائيه اللغه يم الجامعه الامريكيه بالسالميه نظام امريكي مالت الدكتور ابراهيم الخليفي وايد ممتازه وقويه

 

[kakawaq8]

جزاكم الله خير حبايبى ماقصرتوا والله قدها وقدود بنات ديرتى أدرى فيكم تحبون تساعدون
للأسف اليوم بس شفت الرسائل لأنى هاليومين كنت حدى مشغولة وماعندى وقت أفتح الابتوب:0bee2e8d89:
غير هذا ولدى مدرسته نظام بريطانى صعب عليه أنقله أمريكى أخاف يتخسبق
عموما أنا اليوم رحت سجلته بمدرسته وبمر عليهم قبل نهاية الشهر عشان أسدد لهم باجى فلوس الدفعة الأولى ولو أنى مانى مقتنعة بالمدرسة لكن لاحول ولا قوة أنا وايد تأخرت بالتسجيل
بس ان شاء الله اذا الله سهل ببلش مع ولدى كورس عربى وانجليزى مكثف عشان ان شاء الله السنة الياية لى بغيت أسجله بمدرسة ثنائية اللغة
تكون اللغات عنده زينة

 

[سمبوسه2]

دسمان ثنائية اللغه زينه

 

[مشرومه]

الله يعينج اكثر المدارس صكروا باب التسجيل .. مدرسة دسمان مصكرين بعد .. عندهم اكتفاء .. جربي المعالي مافيها ضغط وايد وانشاءالله يقبلونه .الابتدائي 1700 دينار