تكفون ردو علي ممكن يغلط السونار

[مطيرية كيوت]

بنات تكفون اللي غلط معاها السونار تكتب تجربتها انا تبارك الرحمن عندي عيال وخاطري في بنوتة البسها واكشخها والبسها شباصات وتشيلني في كبرتي وتوني مسوية سونارعادي وانا بالرابع وقالولي ولد وانا شفت العضو التناسلي مبين بوضوح بس اعتقد انة استحاله يكون مبين بوضوح اكيد فية شي غلط

 

[84 Miss Chocolate]

كل شي جايز و عادي السونار يغلط بس اذا الدكتور أكد جنس الجنيين احتمال قليل يتغير و الله يسهل عليييج .

 

[مالك شبيه]

حبيبتي دام شفتي الجهاز التناسلي مااتوقع غلط

ان شالله يكون من العيال البارين فيج

وبعد ماتولدين سوي طريقه اللي تجيبين فيها بنت بعد الله سبحانه

 

[ندى88]

كلهم نعمه من الله قولي يالله عطني الطفل السليم حسن الخليقه والخلق واذا الله كاتبلج البنت الله يرزقج

 

[أفانين]

حريم واجد ولدوا غير عن اللي شافوه بالسونار فالعلم عندالله وحده الله يهون عليج ويرزقج بالذرية الصالحةوالله سبحانه حكيم باللي يرزقه للانسان

 

[كتـ زوجي ـكوته]

الحمدلله

 

[جوزائيه مغروره]

اغلطوا بالسونار مع اخوي الكبير قالوا بنت لي اخر لحظه وطلع ريال ههههههههههههه

وانا بعد قالوا لي صبي بس قالت يمكن هذا الحبل السري ولا حاط ايده وعطوني موعد وانشالله باجر موعدي علشان اتاكد زياده

 

[++The DuchesS++]

الله يسهل عليج ان شاء الله

 

[مطيرية كيوت]

مشكورين حبايبي اللي ردو واتمنى اللي مروا بتجارب يكتبونها

 

[أم^تركي]

والله مع تطور السونارات الحين قليل الغلط شوفي السونار الجاي
ولد بنت المهم الصلاح و الهداية بارين في والدينهم

 

[أم راما السعودي]

والله انا يااختي ... اف بنتي بالشهر الرابع

أكدتلي الدكتوره انو ولد

وعلى قولتك ورتني العضو التناسلي واستغربت كيف مبين؟؟؟؟

وأخرتها طلع الحبل السري

ترى دايم يغلطون في الرابع تأكدي في الخامس افضل شي

والله يرزقك باللي تمنين يارب...

 

[حوور العين]

ممكن اذا كانت بنت وجهازها التناسلي حجمه كبير يقولون ولد بس الغالبية يكون مضبوط السونار مع التطور والمهم سلامتج وسلامة المولود

 

[احساس الشعور]

تمنى الصحه والعافيه للطفل والله يمكن يكون ولد صالح

لا تفكريين بالجنس فكرى هل سيكون فى خير وصالح لج ادعيله وهو فى بطنج وقولى دعاءززوجة عمران {إِذْ قَالَتِ امْرَأَةُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي إِنَّكَ أَنتَ السَّمِيعُ الْعَلِيمُ}


* لماذا لا تنذرين ما في بطنك مجاهداً أو عالماً أو داعية أو عابداً.. كما فعلت الموفقات؟!

آسفه على الاطاله واتمنى انج ماتزعليين من كلامى

 

[fatma]

الله يرزقج باللي تتمنينه يارب

 

[ام عمار]

بتحصل اخطاء بس احتمال الخطأ ضعيف وكلهم نعمة من الله

 

[the^mother]

نادر جدا جدا ما يغلط السونار وخاصه بالولد لان الولد يبين قبل البنت

والحمدلله كلهم خير وبركة عسى الله يصلحهم جميع

 

[حشمه]

كذا مره نسمع عن وحده غلط معاها السونار

والله كريم وردي تاكدي بعد بجم شهر سوي سونار بالسادس او السابع

 

[داريني]

حبيبتي بنت ولا ولد
كلهم فيهم الخير والبركه واهم شي الصحه والعافيه

 

[um hajer]

الله يسهل عليج غناتي ويرزقج بالذرية الصالحة والصحة التامة، ونصيحتي لج لا تفكرين وايد بالجنس، اي شي من الله حياه الله، وانا عن نفسي ما غلط معاي السونار في البنتين، ما ادري عن البنات الباجيات

الله يوفقج ويرزقج بالذريه الصالحة (بنات واولاد)

 

[فلانه_الفلاني]

انا في بجري قالولي بنت في مستشفى الهادي , بس عقب قمت أراجع عند دكتوره معصومه مخصيد , ووقت السونار قالتلي عرفتي شنو فيج : قلتلها اي بنت , جان تقولي منو يقولج هذا بنت لااا هذا وليد :eh_s(6):

يعني مو شرط , بس اللي اعرفه ان البنت وايد يحتارون فيها , بس الولد بسرعه يعرفون انه ولد من أعضاءه التناسليه

وانشالله سونارج غلط وتطلع فيج بنت :eh_s(6):​