تكفون خواتي ابي رايكم

[منيتي اسعده]

بنااااااااااااااات تكفووووووووووووووووون
والله محتاجه لمساعدتكم
انا متزوجه من 9 شهور
ولي الحين ماحملت
الحمدلله علي كل حال

بس ريلي متشفق على شوفه عياله
يعورني قلبي اذا شفت نظرته لليهال الصغار
اهو يحاول مايحسسني بهالشي
ويقول الحمدلله تونا والعمر جدامنا
بس انا حاسه فيه

ودي اروح الطبيب بس امي تقولي ليش مستعيله
عادي اكيد طبيعي لي سنه طبيعي


وانا خايفه اروح الطبيب يقولي فيني شي والله صرت اوسوس
تكفوووووووووووووون
نصحوني أروح الطبيب ولا انطر مثل ماتقول امي
امي تقول خيره لج خصوصن اني لي الحين ادرس بعدي ماتخرجت
بس والله اوسوس واحاتي
ويتقطع قلبي احس جني حارمه ريلي من شي يبيه وميت عليه

شراااااااااااااااايكم اروح الطبيب ولا انطر؟؟؟؟؟
وطبيعي 9 شهور بدون حمل
انا حاسه باكتئاب موطبيعي توها نازله الدوره علي من يومين
الحمدلله علي كل حال

 

[afesa]

لا اختي عاادي لا تحاتين ,, جدامك وقت والحين اشوف تو الناس على مراجعه الطبيب وفيه بنات وايد يحملون عقب سنه وسنتين وانتي مو بايدك ولا تحسسين نفسك بالذنب على شي موانتي السبب فيه ...وانشالله تحملين ...وتترسين البيت يهال ..

 

[DooLy88]

حده طبيعي وعادي - نطري عادي بعدين فحصي وان شالله مافيج الا العافية والله يرزق كل محرومة اللهم آمين

 

[ام كوشه منكووشه]

رد : تكفون خواتي ابي رايكم

طبيعي ياقلبي لاتحاتين في ناس وايد ماتحما الا عقب السنه بس مايمنع انج تروحين تفحصين سبحان الله الواحد مايعلم الغيب وفرصه دام توا يايتج الدوره لان في فحص يسونه باليوم ال 12 من الدوره حق التبويض سويه وشوفي منتي خسرانه وانشالله قريب تحملين

 

[Om Ghanem 75]

أنا أشوف ان توه مبجر على المحاتاة ، وحدة من أهلي ظلت سنتين أو يمكن 3 سنين ما حملت و الحين ما شاء الله عندها 4 ، أتوقع حتى لو رحتي الطبيب بيقولج تو الناس ، بس اذا انت جذي تحاتين ما في مانع تروحين بس تجيكين يعني تطمنين على نفسج ان كل شي سليم ان شاء الله

و الله يرزقج الذرية الصالحة و يطمن قلبج يا رب

 

[غلاتي ديرتي]

الله يرزقج الذريه الصالحه ياااارب وتوو النااس حبوبه الناس سنه سنتين بعدين يفكرون بالحمال واذا الله كااتبه لج بتحملين


وانشالله نفرح فيج قريب

 

[حبـ admant ـك]

طبيعي حبيبتي لي بعد السنه
بعدها تروحين الطبيب
بس اذا انتي تحاتين وخايفه روحي الطبيب عشان تتطمنين
بس نصيحه شيلي فكره الحمال من راسج وشغلي روحج في شي ثاني
وباذن الله بتحملين
رفيجتي كانت كل شهر تشتري اختبار الحمل عبالها حامل
وفي شهر بس نست السالفه انشغلت بامتحانات الجامعه
في هالشهر اللي نست فيه حملت سبحان الله

 

[روحي ابوي]

البنات ماقصرواااا،،، الله رزقج ان شاء الله

 

[Princess Lady]

مره سمعت في the doctors ان اذا الوحده مرت عليها 6 شهور ما حملت لازم تراجع الطبيب

انتي كيفج استخيري وشوفي

 

[كنوشة 2009]

اهو عادي بس اذا انت تبين تتطمنين روحي فحصي وان شاء الله تكون هذه آخر دورة وتحملين الشهر القاددم

 

[Tom ♥ Jerry]

.

عادي عادي حيآتي لا اتكبرين الموضوع !
اصلا آنتي الحين بحآله طبيعيه ..
الي مو طبيعي أنج اذا كملتي سنه و مآ يبتي عيال
يعني بعـد 3 اشهر اذا ظل الحآل على مآهو !
روحي الطبيب يمكن في شي بسيط و ينحل و السلام عليكمـ
و بعدين صح كلآم ريلج أنتوآ توكمـ صغار و الحياه جدآمكمـ

بنت خالتي كآنت جي 8 شهـور ظلت بدون حمآل ..
و يوم رآحت الطبيب قآلها ردي لمآ تكملين سنه بالضبط تعالي !
و قبل لا تكمل سنه سبحآن الله و لا اهي حآمل ..
كل شي على الله يا قلبي
شوفي الله متى قآسم لكمـ .. و الله يوفقج و يهنييج يارب

=)
.

 

[.،:"$الـعـوبــــة$":،.]

هو من ناحية تو الناس فعلا عادي توالناس ، ودامك تدرسين بعد ! يمكن خيرة سبحان الله !!
بس عشان تطمنين قلبك ، روحي عيادة نسا وحللي احتياط وإن شاء الله مافيك الا العافية ،،​

 

[dectora 7elwa]

هالسوالف والفحوصات تاخذ وقت
الدوره اليايه اذا ياتج روحي المستوصف وطلبي تحليل هرمونات بسكااات ويوم 21 من الدوره سوي تحليل هرمون التبويض وعلى ما تيمعين النتائج يكون طاف شهر اذا ماكو شي ان شاء الله خليج ساكته واذا لاسمح الله اكوشي اهني روحي مع امج وفحصي وعسا الله يرزقج الذريه الصالحه وما تييج هالشهر

 

[ابلة لولوة]

والله خيرة حبيبتي لاتحترين انتي قاعده تدرسين

ليش مستعيله ؟

ربي يرزقج الذريه الصالحه

 

[حجيه هيونه]

اذا كل هذا تحاتين ومتضايقه خلاص روحي افحصي منتي خسرانه شي


والله يرزقج بالعيال الصالحين يارب

 

[lovely jojo]

الحل انج اتراجعين الطبيب..

 

[*ريما*]

رد : تكفون خواتي ابي رايكم

صج تو الناس
بس اذا تبغين تتطمنين روحي احسن
والله يرزقك بالذرية الصالحة

 

[احلى سماء]

مافيها شي لو رحتي طبيب وفحصتي
اذا عندج الدوره مو منتظمه روحي الطبيب ينظمها عشان تحملين
لا يلعبون عليج ابر وكلوميد وتنشيط مبايض
بس قولي لهم بنظم الدوره
سوي تحاليل هرمونات شوفي هرموناتج وسوي سونار ع المبايض والرحم مع مسحة لعنق الرحم لان يمكن يكون فيج التهاب ومانع الحمل
والالتهاب حله سهل يعطونج غسول وتحاميل للالتهاب وبسرعه يروح

 

[منيتي اسعده]

حبايبي ماقصرتو فيكم الخير والله كلكم ذوق
لا الحمدلله الدوره منتظمه
بس شوي اللي حاز بخاطري ان بنفس شهر عرسي
كان معاي بنفس االشهر خمس بنات رفيجاتي
ثنتين منهم ولدو مشالله
وثنتين حملو مشالله
ووحده احملت وتعورت
الله يرزقهم كلهم
عشان جذي قعدت احاتي ليش كلهم الا انا
طبيعي؟؟؟؟؟؟؟

 

[Killer^Girl]

تو الناس
طبيعي لاتحاتين
الله يرزقج انشالله