تكفون حبايبي ابي مساعدتكم ؟

[قلبك حلالي]

السلام عليكم ورحمة الله وبركاته


مسائكم ورد


خواتي انا عندي مشكله صار لي 10 شهور متزوجه وللحين ماحملت

بصراحه انا بالنسبة لي عاادي احس تو بدري بس زوجي يبي ووده بطفل يونسنا

واللي يقهر اكثر انو اهله دايم يسالونه ماحملت وهو يضيق صدره اقوله مو بيدي هذا امر الله :eh_s(2):

ودايم تصير بيني وبينه مشاكل بسبب هالموضوع

ورحت المستشفي لان دورتي مو متنظمه وكشفت علي وقالت معك تكيسات وعطتني حبوب منظم الدوره وحبوب منشط كلوميد وبعد مااخذتهم طلعلي كيس بعد عالمبيض وقالت لي مايصلح تاخذين هالشهر كلوميد لانو طلعلك كيس وعطتني حبوب والحمدلله راح هالكيس وبعدين مارحت لها وتاخرت علي الدوره شهرين ماجات ورحت للدكتوره وسوت لي تحليل حمل وطلع مافيه حمل وعطتني حبوب انزلها وهذ الحين اخذه

وهذا مشكلتي وياليت احد يساعدني بنصيحه او تعرفون دكتوره شاطره اروح لها تكون في الاحساء
واسفه عالاطاله وبكون شاكره لكم خواتي من جد نفسيتي تعبت:eh_s(11):

 

[دانة الدنيا144]

حبيبتي ودي افيدج بس ما اعرف بالمنطقه هذي مستشفيات

ربي يسهل عليج

 

[!! الشمــوخ!!]

وعليكم السلام ورحمة الله وبركاااااته
اهليين غاليتي لايضيق صدررك تووك عرووس ولاحقه
اجل وش تقولين للي لهم 10 و12 سنه ماحملوآ ربي يرزقهم بالقريب العاجل:eh_s(2):
ولاتهتمين بكلام النااس طنششي
وحاوولي ماتفكرين بهالمووضوع كثثيرر لاجل ترتاح نفسيتك
واكثرررري من الاستغفاااار فهو مفتااح للاقفاااال
ربي يقر عييينك بماايرضيك ويسخر لك زوجك يااارب
مودتــــــــــي:eh_s(7):​

 

[قلبك حلالي]

يعطيكم العافية

عارفة انو بدري وتوني بس عشان زوجي دايم تفكيره بموضوع الحمل :eh_s(2):

 

[قلبك حلالي]

وينكم بنات معقوله محد مر عليه هالشئ:eh_s(16):

 

[الأميرة كيرارا]

حبيبتي لا تحاتين بتحملين إنشالله
بس لا يحنون على راسج
عشر شهوووور تو الناس
و بالنسبة للتكيس نص البنات فيهم و ما يمنع الحمل صبري اشوي و الله بيرزقج

 

[قلبك حلالي]

مشكوره اختي عاد في الحنه مايقصرون امس تهاوشت معه بسبتهم لارحت لهم

يقولون ماحملتي والا يلا حملي انا اعصب وانقهر لانو مو بيدي

والدكتوره تقول انو التكيس سبب لك ضعف في التبويض

مره سويت عندها كشف وقالت مافيه والا البويضه حجمها ١١ ومره ١٣ وانا اللي اعرفه انو لازم تصير
حجمها ١٨ عالاقل


واشكرك مره ثانيه

 

[أم سيف وسلطان]

عليج بالاستغفار وقيام الليل وقراءة سورة البقره

وكلي كل شي صحي وابتعدي عن الحلويات

 

[قاهره عذالي]

اهم شي تنظمين دورتج
وتخفيفين وزنج
وتهتمين وقت الدورخ من مردود ودوا الغوري واللهوم هالشغلات تلقينها عند العطار
ودوري بقوقل علاج للتكيس
انا اللي نفعني عشبة البردقوش من شاي العويد يبيعونها على شكل كراتين شاي
نظمت هرموناتي وريحتني حيل
والمنظم استمري عليه 3 شهور وتنتظم دورتج على طول

 

[قاهره عذالي]

مشكوره اختي عاد في الحنه مايقصرون امس تهاوشت معه بسبتهم لارحت لهم

يقولون ماحملتي والا يلا حملي انا اعصب وانقهر لانو مو بيدي

والدكتوره تقول انو التكيس سبب لك ضعف في التبويض

مره سويت عندها كشف وقالت مافيه والا البويضه حجمها ١١ ومره ١٣ وانا اللي اعرفه انو لازم تصير
حجمها ١٨ عالاقل


واشكرك مره ثانيه

لا تردين عليهم
لاتصيرين حساسه معاهم
ترا هم مو ميتين عليج انج تحملين
بس جذيه بيغثونج
ولا تهاوشين مع زوجج ولاتجيبين الطاري
قوليلهم تو الناس وكل شي بايد الله
انا ما اخلق الجاهل
الله اللي يكتب لي نصيب بالجهال او لاء

انا نفسج اكلت كلوميد مرتين وبويضاتي حدهم حجم 16 وما تقدر الدكتور تعطيني ابرة تفجير

والحين قاعده اجرب العلاج الشعبي

ومن قبل جربت عسل الفايز للمراه حلو

بس يبي استمرار 3 شهور ع الاقل مع مثل ما قلت لج البردقوش

وصار الحين عندي مبيض سليم ومبيض فيه تكيس خفيف اللي هو المبيض اليسار اما اليمين سليم ومافيه شي

والله كريم حبيبتي

حنا نبي صبر ومتابعه وياما حريم تكيس عالجوا واحملوا واترسوا بيوتهم عيال

 

[قلبك حلالي]

يعطيكم العافية ماقصرتو خواتي

بس ودي اعرف كيف استخدم عشبة البردقوش

 

[So MuCh PaIn]

سويي سيرج بالنت عن دكتور شاطر بالاحسا او حطي موضوع بمنتدى عالم حواء وانشالله ربي بيكرمج ويرزقج ونسمع خبر حمالج

 

[قاهره عذالي]

تلقيينه بالعطار على شكل اكياس شاي
تسخنين ماي وتحطينه بكوب وتحطين كيس البردقوش وتنطرين 5 دقايق وتحلينه بسكر وتشربينه
مرتين الى 3 مرات باليوم

 

[ma7rooma]

اختي ربي يرزقج يارب انا مثلج اهل زوجي يحنون وهو يحن بس شنسوي مو بيدنا للحين ربنا ماقسم لنا ان شاء الله ربي يرزقج ويرزق كل محرومه ويرزقني

 

[قلبك حلالي]

يعطيك العافية حبيبتي بس وش فايدة البردقوش

 

[قاهره عذالي]

ينظم الهرمونات ويفيد حالات التكيس لما تستمرين فيه وموصي فيه الرسول اللهم صلي وسلم عليه حطي بقوقل فوائد البردقوش واقري

 

[الطــــرقا]

الله يرزقج بالحمل السليم

 

[جديده 1]

اختي حللي عن هرمون الحليب " البرولاكتين "
خلي زوجك يحلل عن حيواناته المنويه
حللي عن الغدد النخاميه و الدرقيه
جربي الجلوكوفاج للتكيسات و اسألي الدكتور عنهم
ان كنتي سمينه حاولي تضعفين لان المتن يسبب تكيسات و خمول بالمبيض
حاولي تحللين عن انسداد قنوات فالوب و هو تحليل الصبغه
الجماع لازم بأيام التبويض و بعد الجماع حطي تحت ظهرك مخده او ثنتين و ارفعي رجلينك على تاج السرير عالاقل نص ساعه
و يقال بأن افضل وضعيه للحمل هي وضعيه السجود .
لاتغسلين بأي غسول طبي قبل الجماع او بعده الا بفتره .
ويقال بأن عشبه المدينه أو القشعه تنظف الرحم و تنشط المبيض
http://www.q8yat.com/t842186.html
هذا رابط لاحد العضوات .. موفقه يااااااااارب​

موفقه يااااارب

 

[قلبك حلالي]

مشكورة اختي وانا سويت التحاليل قالت هرمون الحليب شوي مرتفع بس عادي وعطتني حبوب لهرمون الحليب

وبعد زوجي سوا التحاليل وسليم
وبخصوص الغسول الطبي انا استخدمه الدكتوره قالت لي استخدميه مرتين بايوم تقول يعطي ريحه حلوه والله شكلها تلعب علي هالدكنوره تبي فلوس وبس:eh_s(16):

 

[سعودية بالكويت]

صباح الخير ..

ألجأي لله رب العباد وخلاق النطف في الأرحام أولا وقبل ماتفكرين

أي دكتور تروحين لأنه هو اللي بيدلك ويسخر لك طريق الحمل

ولاياثر عليك كلام اللي حولك ثقي بداخلك ثقة تامة بأن هذا الأمر بيد

رب العالمين وبيرزقك الذرية على قد ثقتك فيه سبحانه ..

والله حنا محتاجين نذكر أنفسنا إن هذا أختبار وحنا الكسبانين من الصبر

أما رزق الذرية أو أجر الصبر والله مايضيع أجر مسلم ولايحرمنا ذرية

قرة لأعيننا

معليش قرقت كثير بس والله داخلي أحس إني متفائلة وأبيكم معي تتفائلون

يارب يارحيم ياكريم​