تكفون انصحوني

[كتكوته عسوله]

صباح الخير والورد والجوري والعسل خواتي شلونكم ان شاء الله تكونون بخير وصحه يارب
خواتي ما ادري اذا كان موضوعي بمحله والا لا بس حبيت اخذ رايكم بشغله ...
انا ودي بالبيع والشرا يعني تجاره بس اول مره بحياتي اتاجر وما عندي خبره ولا عندي احد يعرف بهالمجال فابيكم تنصحوني جزاكم الله خير انا امس شريت جم عباة من مشغل وحده تفصل عبايات وتبيع واسعارها حيل مناسبه وفكرت اني اخذ منها كميه وابيعها سواء هني بالمنتدى او برا ... بس انا خايفه يطيحون بجبدي فشرايكم الله يخليكم انصحوني
والاستخاره ما اقدر لأن الدوره مشرفه وشكرا لكم

 

[دلوعه زوجها]

حبيبتي كبدايه اشتريلج كميه بسيطه ما تتجاوز ال ٣٠ عبايه وجربي تمشينهم علي رفيجاتج واهلج وجيرانج او صديقاتج بالدوام شفتيهم مشو كلهم انشالله
تطلبين دبل الكميه وتنوعين بالموديلات وتنزلين فيهم معرض ويااا كثر المعارض عندنا وانشالله الله يوفقج وتنجحين بمشروعج
ونصيحه مني لا تزيدين علي سعر القطعه غير ٥٠ ٪ كبدايه ولما تمشي امورج انشالله ويصير عندج زباين حزتها تقدرين تزيدين السعر علي كيفج
وحاولي تنوعين بالموديلات عشان الناس اذواقها مختلفه وصعبه يعني اللي يعجبج مايعجب غيرج دايما واذا نزلتي معارض حاولي تحطين اشياء ثانيه مع العبي يعني اكسسوارات؛ بخور ؛عطور ؛ جناط ، يعني اللي تحسين انه يمشي ومطلوب حطي منه وبعدين راح تركزين علي شي واحد بس لما تشوفين شنو اكثر شي مشي معاج
والله يوفقج انشالله

 

[دلوعه زوجها]

حبيبتي كبدايه اشتريلج كميه بسيطه ما تتجاوز ال ٣٠ عبايه وجربي تمشينهم علي رفيجاتج واهلج وجيرانج او صديقاتج بالدوام شفتيهم مشو كلهم انشالله
تطلبين دبل الكميه وتنوعين بالموديلات وتنزلين فيهم معرض ويااا كثر المعارض عندنا وانشالله الله يوفقج وتنجحين بمشروعج
ونصيحه مني لا تزيدين علي سعر القطعه غير ٥٠ ٪ كبدايه ولما تمشي امورج انشالله ويصير عندج زباين حزتها تقدرين تزيدين السعر علي كيفج
وحاولي تنوعين بالموديلات عشان الناس اذواقها مختلفه وصعبه يعني اللي يعجبج مايعجب غيرج دايما واذا نزلتي معارض حاولي تحطين اشياء ثانيه مع العبي يعني اكسسوارات؛ بخور ؛عطور ؛ جناط ، يعني اللي تحسين انه يمشي ومطلوب حطي منه وبعدين راح تركزين علي شي واحد بس لما تشوفين شنو اكثر شي مشي معاج
والله يوفقج انشالله

 

[احلى ساروو]

رد : تكفون انصحوني

موفقه انشالله مثل ما قالت اختي دلوعه زوجها واذا حابه تبلشين بالمكيااج بعد ترى مربح للايه وعن تجربه شخصيه حييييييييييييل شفت الدبل

واذا حابه اوفرلج مكياج ماك الغني عن التعريف انا حاضره على الخاااااااااااااااص

 

[ام ورود مول]

حبيبتي نصيحتي لج لا تشترينهم منها...بالذات العبي لان المقاسات مختلفة
اتفقي معاها انج تعرضينهم لها ( سواء بالمعارض او بالمنتدى) وتزيدين بالسعر الاصلي وتتاخذين عمولتج اذا انباعوا بأذن الله واللي ما ينباع تردينه لها

وتقدرين تشتركين هني بالمنتدى بعضوية سيدة اعمال وتعرضينهم والعبي عليها اقبال كبير بالذات اذا كانت موديلات غريبة وبسعر مناسب

ولا تبلشين بشي الا وانتي عندج خبرة فيه

مثال اذا انتي ما تعرفين انواع المكياج او استخداماتها ما ينفع تتاجرين فيها

يعني قصدي اشتغلي بالشي اللي عندج فكرة كافية عنه او مهتمة فيه

والله يوفقج يارب