تكفون انصحوني دكتور سامح صادق شقالي؟؟؟؟؟؟

[ذلتهم عيوني]

مرحبا جميعا الموجودين والغايبين عندي استشاره ولاعليكم امر
انا يابنات بصراحه خشمي فيه اعوجاج علخفيف بس باين ومشوهني نوعا ما
وخايفه لايزيد مع مرور الايام المهم اخذت موعد عند الجراح المعروف سامح صادق
وقالي محتاجه عمليه واستعجلني فيها لانه بيسافر
وانا بصراحه محتاره انتو شرايكم يابنات اسويها عنده او اروح عند احد ثاني امجرب؟؟؟؟؟؟؟؟؟؟؟؟؟
فيدوني الله يوسعلكم دنيا واخره اميييييين

 

[كيك وحلاو]

رد : تكفون انصحوني دكتور سامح صادق شقالي؟؟؟؟؟؟

لأ لأ ماانصحج بهالدكتور التجاري والنصاب
اشكره تجاري انا مسويه عنده شفط وشد الله لايوريج بطني خريطه
لا وحلمات صدري وحده غير عن الثانيه
يعطيج حجي حلو بس بعد العمليه تنصدمين تقولين وين الكلام اللي قاله لي قبل العمليه
والله بس يستلم لفلوس ماتشوفين رقعة ويهه كله مشغول ومستعيل
نصيحه روحي عند غيره

 

[ذلتهم عيوني]

مشكور اختي كيك وحلاوه تصدقين اليوم رحت لغيره وهو الدكتور خالد الصبيح
وقلتله اللي قاله لي دكتور سامح ضحك وقالي ماكو شي اسمه كاميرا يدخلها ويبرد العظمه هذا بس بيقنعج تسوين عنده وخلاص
المهم انا حيل ارتحت لكلام دكتور خالد الصبيح بس اللي خلاني اتردد خوفي من انه يتغير خشمي حيل ويبين اني مسويه تجميل وانا ماودي احد يدري تدرون مجتمعنا هنيه مجتمع القيل والقال وجاهز حق التعييب وبعدين انا مومحتاجه لان خشمي صغير والمشكله بس بالعظمه اللي فوق بارزه شوي والدكتور قالي مايقدر مايصغر اللي تحت لان الخشم مرتبط فبعضه من فوق لتحت بناااااااات الله يخليكم لاتخيبون املي ابيكم تردون علي احد شايف شغل الدكتور الصبيح يبين طبيعي ولا تجميل
تكفون ردو لان ماعندي وقت غير هالشهر ولازم اقرر
تكفون ردو ناطرتكم وبدعيلكم وانا دايما دعواتي باذن الله مستجابه

 

[حلاا الدنيا]

استخيري اختي قبل كل شي
واذا موواضح خشمج لاتلعبين فيه