تكفون انصحوني اتخذ هالخطوه ولا لا ..؟

[الزين كويتي]

مرحبا يا أحلى كويتيات ....







انا قبل لا اكتب موضوعي احترت وايد :bbbiu:
وقلت مالي غير خواتي بنات المنتدى يشيرون علي .. انا سلمكم الله ودي اسوي ورق عنب وابيع لأن انا اتميز فيه لدرجة ان رفيجات خواتي دايم يطلبون مني اني ابيع لهم ويقولون مستعدين نسويلج دعايه ومرات ابيع لهم ومرات اعتذر وفي كل مره احد يذوق شغلي يطلبني اسويله من حمواتي وحمولتهم الخ وجد من كثر ماقالولي بيعي غيرج يبيعه وما ينوكل فكرت بالموضوع وبديت افكر فيه من سنه..
انا ماني عارفه شرايكم اتخذ هالخطوه؟؟ والي جربتها تنصحني اتوكل على الله واعتمد..؟
وبالنسبه للمندوب شلون اخترتيه ؟؟
((انا فكرت ابتدي بمنطقتي اول وشوف ردة الفعل شنو..؟ واذا مشى شغلي ونسقة مع مندوب زين اتوسع..؟
تكفون ابي تجاربكم نصايحكم وناطره ردودكم الي اتمنى ماتبخلون فيها علي..:e3:

 

[متجولة *]

الله يوفقج

اول خطوه سوى اعلان بالمنتدى قولي ورق عنب من ام فلان لأهالي المنطقه .....التوصيل
تعاملين مع تكسي بالمنطقه

وليش لا الحياة تجارب وفرص اذا ماانجحت الفكره على الاقل ما خسرتي

 

[وضح النقى]

رد : تكفون انصحوني اتخذ هالخطوه ولا لا ..؟

بالتوفيق~~> عاد انا اموووت عالورق عنب راح اكون من زباينج

 

[ناعمه بس خوافه]

رد : تكفون انصحوني اتخذ هالخطوه ولا لا ..؟


بما انج تعرفيين والي ذاقووه مدحووه حيييل انا اقوول تووكلي ع الله وسوووي

واناا بكوون من زباينج موووفقه

 

[om deaj]

توكلي على الله وجيكي الخاص

 

[مناير خزنة التاير]

توكلي على الله
وبعدين هالشي انتي ماراح تلتزمين فيه يعني تبين تاخذين طلبيات تاخذين ماتبين تقدرين تعتذرين
وما تحتاجين دعايه ولا شي
ابدي بلي ذايق شغلج .. يعني رفيجات خواتج و حمولتج و اللي يبون يشترون منج
قدري تكلفتج و المواعين المستخدمة القصدير او البايركس
ولا حتى مو ضروري مندوب يقدرون ياخذونه من بيتج لانج تعرفينهم و تقدرين توصلينه لهم لي بيتهم اذا عندج سايق
هذي حق البدايه
والله يرزقج و يفتحها عليج
موفقه

 

[وضح النقى]

رد : تكفون انصحوني اتخذ هالخطوه ولا لا ..؟

آآآب ... شصار معاج حبيبتي ؟


نبي نذوق شغلج :ggdw:

 

[عهدالرياض]

اب اب
الله يوفقك,,

 

[alotroja]

ابدي وخلي اتكالج علي الله