تكفون اللي خبرة بالضع تدخل الله يجزاها خير

[Reham 84]

بنات انا بغربه وهذا اووول طفل لي الحمدلله
عندي كم سؤال الله يعافيكم

انا لما ولدت كان وزنه 3 و800
رحنا الدكتورة اوول موعد كان عمره شهر بس كان وزنه 4 و800 تقريبا
والحين كمل 3 شهوور ووزنه مو راضي يتغير كمل 5 كيلو بس
طبيعي الشي هذا ؟؟
يعني شهريين مازاد الا كم غرام بس
انا اسمع انه الطفل بهالعمر يكبر بسرعه زاد بشهرين 200 غرام بس

السؤال الثاني
الحين توه كمل 3 شهور وماايرضى ينسدح لااازم يبي يقعد مايرتاح الا اذا قعدته
في وحده شافتني وهاوشتني تقول توه صغير يضر ضهره
طيب شسوي اذا سدحته يصرخ ويرفع راسه وايدينه كنه اللي يبي يقوم فهمتوني!!
مين كانت تقعد ولدها بحضنها ؟؟

السؤال الثالث يضحك شوي

هههههههه يحب يطالع التلفزيون عادي؟؟ احس بياثر على مخه
احاول العبه واكلمه وحطيت له الالعاب اللي تجي زي تحطينه فوقه وهو منسدح يطالعها دقيقتين ويرجع يطالع التلفزيون هههههه
حاولت اطفي التلفزيون يصيح ادمن الاخ

واخر سؤال ادري طوولت عليكم
لسه مايمد ايده
اذا حطيت قدامه العاب او مسكت له لعبه بس يطالعها مايحاول يمد ايده عشان يمسكها
الدكتورة خوفتني تقول المفروض يعرف يمد ايده ويمسك بهالعمر

وسلامتك
معليش بنات طولت عليكم
مشكوورين مقدما :eh_s(17):
​

 

[Reham 84]

سوري اقصد بالموضوع
الرضع
انا كاتبه الضع هههههههه

 

[حرم راشد الماجد]

هلا حبيبتي انتي جنج انا من الفراغه كنت متابعه بنتي واناجرها على كل حركه واوزنها بالاسبوع الواحد 3 مرات لووووووووووووووول


المهم عقب وديتها حق دكتور اطفال قلت له بنتي ما تمتن فقال لي الاتي


تحسبين وزن الياهل مره كل شهر وتشوفين هل زاد 200 غرام في كل شهر طبعا لين يكمل 6 شهور بعدها لازم يزيد كل شهر 400 كيلو غرام ( بسبب الاكل )

هذي شغله الشغله الثانيه تشوفين هل نشاط الياهل طبيعي ؟ هل الياهل يحن وايد ومن غير سبب ؟ اذا كان جذي هذا معناته ان مو قاعد يشبع من الحليب اللي تعطينه اياه

ثاني شي بالنسبه للقعده انا بنتي كانت مثل ولدج ما تبي تنسدح وانا كله رازتها ماشاء الله عليها مافيها الا العافيه وامي تقول ان كلنا كنا جذي ما نبي ننسدح ومافينا الا العافيه


ثالث شي التلفزيون مااااااااا نصحج تخلين ولدج يجابله هو ياهل مستانس عالاضاءه والالوان مايدري ان هالتلفزيون يضره لان التلفزيون وخصوصا التلفزيونات الحديثه البلازما والاتش دي فيهم ويفز قوي عالمخ ويتلف خلايا الدماغ عشان جذي يفضل حتى لما يكبر ما تخلينه يجابل التلفزيون حرام هو بطور النمو


رابعا هو مستانس عالتلفزيون لان فيه الوان واضاءه فبدلي هالشي بالالعاب اللي يسمونها لوحه الانشطه يكون فيها الوان واشياء تشب وتطفي ومنها هو يتعلم اللمس والتركيز يزيد عنده



اتمنا اكون فدتج حبيبتي

 

[ام ميميتو]

بالنسبه حق الوزن اذا كان حجمه زين و يرضع عدل لا تشيلين هم عادي فديته انا ولدي كان ما يرضى ينام كله يرفه راسه يبي يقوم هههههههههه الله يخليه لج انتي نيميه على ايدج و رفعي راسه بس لا تقعدينه وايد حرام بس انا ولد كان عمره شهرين كان ريلي كله يقعد بحضنه بس الحمدلله مافي شي الحين عمره 10 شهور و ظهره مافي شي الحمدلله الله يخليه لج و يبعد عنه العين و الحسد بس لا تقعدينه جدام احد عشان لا يحسدونه انا لما كنت اطلع مكان ما اقعده كلش

 

[Reham 84]

يابعد عمري يابنات الله يجزاكم خير طمنتوووني والله

حمدلله احس حجمه زين وبحاول دايما اطفي التلفزيون
ام ميميتو وحرم راشد الماجد ماقصرتوا والله الله يجزاكم خير