تكفون اللي تعرف تفيدني ......................

[اموولي]

قوة كويتيات


تكفون ولدي عمرة 3 اسابيع متروس وجة حبوب حمراء راسها ابيض ابي كريم زين يودية هالحبوب اللي فية

انتظركم

 

[aso00ora]

هلا حبيبتي

مسكين صغيرون ودييه الطبيب اخاف الحليب مومناسبه

الطبيب يفيدج اكثر من البنات لانه ولدج صغيرون

 

[بحرينية كووووووول]

الطبيب يفيدج ياياقلبي

 

[اموولي]

مشكورين حبايبي
بس ما ودي اودية للدكتور من الحين

 

[خذاني الشوق]

حبيبتى اذا ع الحبوب ولد اختى كان جذي وكان بسبة الحليب وقال دكتور عطوه حليب تركيبة الحساسيه والابيض اللي براسها اغلب الجهال يصير فيهم جذي اخذي زيت زيتون الطخي راسها فيه غرقيه وتعرفين المشط مال الجهال الابيض اللي جنه فرشة اسنان دائري مشطي راسها فيه ع الخفيف يوميا وهو عليه الدهن مع الاستمرار بيروح امي جذي تسوى مع عيالنا والحمدالله راح

 

[بشه المنفشه]

عادي لا تحطين شي هذي هرموناتج تكون بجسم البيبي وشوي شوي تروح

 

[ســتارز]

يمكن فيه صفقة يعني تغير الجو عليه بسرعة

مثلا كان دافي وفصختي ملابسة مو بالتدريج فتغير عليه الجو من دفا حيل لبرد

لا تجربين كريم امسحي على وجهه ماي دافي

والافضل تودينه لطبيب الاطفال يمكن اللي فيه حساسية جلدية ولازم علاج مناسب لها

الله يشفيه

 

[برميتا]

إذا ماتسبحينه كل يوم
مسحي ويهه بقطنة فيها ماي دافي
وحطي له نقطة صغيرة من كريم ألفاكورت

ولا تحاتين حبوبتي شي عادي الحبوب