تكفون اللي بيقول يحق لها تتزوج لا يدخل الموضوع شكراً

[دموع الظلام]

[FONT=&quot]السلام [/FONT]
[FONT=&quot]
[/FONT]
[FONT=&quot]أنا امي احين مسافره ويقولون بترجع بعد أربع شهور

[/FONT]
[FONT=&quot]و أنا عايشه و مو عايشه معاها يعني اي قطوه صغيره بالشارع [/FONT]
[FONT=&quot]بتكون مستانسه أكثر مني لان عندها أم تحس فيها [/FONT]
[FONT=&quot]لكن أمي أنا اخر همها [/FONT]
[FONT=&quot] أمي منفصله من أبوي من زمااااان و أنا ممنوع اجوف [/FONT]
[FONT=&quot]أبوي يعني طوول عمري عايشه يتيمه لا اب ولا أم
[/FONT]
[FONT=&quot]مو هذي المشكله اللي ابيكم تساعدوني فيها [/FONT]
[FONT=&quot]بس حبيت افضفض عن شي مو قادره اقوله [/FONT]

المشكله

[FONT=&quot]أنا دخلت لابتوبها لقااافه فيني وجفت الهستوري ولفت نظري [/FONT]
[FONT=&quot]موقع زواج و دخلت حصلت بروفايلها مسجله كل شي كاتبته عدل [/FONT][FONT=&quot]عمرها [/FONT]
[FONT=&quot]وكل شي والله اني مصدومه[/FONT][FONT=&quot]

[/FONT]

[FONT=&quot]مااعرف شنو اسوي[/FONT]
[FONT=&quot]من أقوله ماعندي حد رفيجاتي مستحيل أقول لهم[/FONT]
[FONT=&quot] حتى البجي عندنا ممنوع انا مخنوقه تخيلو ابجي بالحمام [/FONT]
[FONT=&quot]عشان محد يزفني ويسمعني كلام يضايقني

أحسها احين متزوجه ويمكن عندها عيال :eh_s(2):

[/FONT]

 

[Australia girl]

امج بشر وتحتاج انسان يمها ...وماغلطت ..

تعايشي مع الوضع والله يعينج .

 

[گنت أحبگ]

حبيبتي انتي الله يعينج ويرزقج زوج وعيال يعوضونج انشالله "مستقبلا"


انا ما بقولج يحقلها تتززوج


بس بقولج انتي شنو بيدج تسوين !!


دام حاطه هالشي براسها بتتزوج يعني بتتزوج


وبعدين دام اهيا مو مهتمه فيج شبيفرق يعني تزوجت ولا ما تزوجت!!

لا دوخين نفسسج


وقنعي نفس قولي اوك تزوجت وبعدين !! ماراح ينقصج شي

ديربالج ع نفسج ودراستج وفكري بمستقبلج

محد بينفعج

وانشالله يطلع مجرد تسليه وماتكون بتتزوج

:*

 

[انا و بس]

شلسالفة امج من متى مسافرة ؟؟ وليش يعني عايشة بروحج يعني شكثر امج تهدج الي تظنين انها متزوجة وعندها عيال ؟؟
اذا طلع كلامج صج مو من حقها تتزوج بالسر من غير ما تقولج ما اتخيل شعورج
بس انتي لا تتسرعين واتأكدي بالاول

 

[مجنونة هع]

يا بنت الناس ما اعتقد وبعدين ماتدرين يمكن هالرجال يطلع طيب ويعوضج عن ابوج

 

[انا و بس]

بنات حرام عليكم حسوا صحيح ان من حقها تتزوج بس مو من حقها ما تقول لبنتها حطوا نفسكم مكانها اكيد راح تنصدمون

 

[سارونه الامورة]

والله ماادري وش اقول لكِ هي امكِ وماتقدرين تقولين لها شي مااقول الا الله يصلح حالكم​

 

[| تفاصيل |]

حبيبتي انتي صغيره مو فاهمه الحياة عدل
امج من حقها تتزوج ولا من زمان بعد
انتي باجر بتتزوجين ان شاءالله وبتعيشين حياتج
واهي بعد من حقها اتعيش حياتها


اهتمي بدراستج

 

[سآرونه ـه]

كثري من الاستغفار

والله يفرجها


استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله
استغفرالله

 

[سكوتي بذوقي]

ماعليه اختي الغاليه

هي تزوجت مامشت بطريق غلط الحمد لله

لاتصيحين بالحمام مو زين ياغاليه

إن شاء الله ربي يعوضك بالزوج الحنون اللي يسعدك يارب

 

[M!Ss Un!VerSe]

اذا تعتقدين ان مو من حق امج تتزوج
فإنتي همن مو من حقج تتزوجين!!
ليش !؟ عشانها أم!؟ ولا مطلقة مايصير تتزوج!؟
اهي مثلج انسان عندها مشاعر
امج ماسوت شي غلط
الغلط بس ماقالتلج ويمكن ماتزوجت لاتسيئين الظن
يعني يمكن مالقت ريل
ومن حقها تبحث عن ريل
مثل ما انتي نتطرين ريل
لاتقولين انا غير!؟
حبيبتي انتي باجر بتتزوجين وبتعيشين ابيتج ومراح تكون وياج
وبتحسين بأمج. فالافضل تتزوج وتشوف حياتها مثل ماتشوفون حياتكم

لاتصيرين انانية؟!! انتي مو بيبي تحتاجين ممه؟!
عشان مثل البيبي تمنعينها من الزواج المفروض تتمنيلها الخير
ترا كلنا نحتاج امهاتنا وماودنا نفارقهم بس هذي سنة الحياة
نتزوج ونهدهم!؟
فليش احنا الابناء بمنتهى الانانية نرفض عشان نبيهم ويانا
ونعتقد ان اذا تزوجت يعني اهي مو زينه!؟
لاشرع يحرم ولادين
يعني قدري امج!؟
وتعذرليها ،، اهي لها عواطف وتحتاج ريال معاها..

وسامحيني رديت وانتي قلتي اللي يقولون من حقها لايردون
بس لأن اعتقادج خاطئ وحبيت اوضحلح ليش انا اعاكسج
يمكن تكونين بصف امج .. مو بصف انانيتج
واخيرا اقولج طالعيها من ناحية انسانية وشرعية بتلقين كل شي معاها،،
الله يوفقكم

*

 

[احساااااس انثى]

الله ييسر اموركـ حبيبتي ان شاء يرزقج ربي بزوج يعوضكـ عن كل شيء .....

 

[اسرار الحب]

اهي من حقها تتزوج وفي نفس الوقت تحسينها صدمة لج انتي
الله يصلح بينكم انشاء الله

 

[مفسرة الاحلام]

ياقلبي انتي ادري مو سهل عليك هالموضوع


بس انتي حطي نفسك مكانها يعني ترضين انك تتطلقين وتجلسين باقي عمرك بدون زواج وحيده مكسوره ترى صعبه حيل

هي بشر فى الاخير

ولاتستغربين اذا قلت لك ان فى دينا الحنيف الحرمه الى تترمل او تطلق وعندها عيال كبار دينا يحث ولدها او عيالها انهم اهم الى يعرضون الزواج على امهم وبالعكس مافيها شي هذا ستر وعفاف للحريم

مو انتم مو حاسين فيها ليش هالانانيه يعني تخافين ان هالزوج الجديد ياخذها منك بالعكسس هي لا حست بالاستقرار صدقيني بتنتبه لك اكثر لانها بتكون مرتاحه ما اظنك ماتبين الراحه لامك الا ادعيلها بعد ربي يوفقها ويرزقها بالى يسر خاطرها ويعيشها سعيده هذا ترى من البر بالوالدين

وانتى بعد صدقيني هالدعاوي بتنرد عليك وبيجي اليوم الى تتزوجين فيه برجال يحط فوق راسه وعيال يسرون خاطرك ويعوضونك عن الى خسرتيه من حنان وعاطفه

طولي بالك واكثري الدعاء ان الله يحنن قلب والديك عليك ويجمع شملكم ويسعدك ويوفقك ترى ربي قريب يسمعك ويعرف كل شي بس انتي ادعيه وبترتاحين

والله يفرج همك وهمي وهم كل مسلم

 

[عادت ذكرياتي]

شلون مانعتج من شوفة أبوج مالها أي حق !!!!!!!!!


الأبو مهما كان يظل أبوج تبوسين راسه لو شنو هذي صلة رحم وبر الوالدين وينه


الله يرحمنا برحمته

 

[ترانيم القصيم]

ليــه ممنوع تتواصلين مع أبوك ؟ هذا أبوك و له حق عليك غصبًا على الكل !

أكيد عندك جوّال ! دقّي عليه و تواصلي معه لو عن طريق الجوّال ,,

و عندك الإيميل و المسنجر ,,

هذا أبوك لا تقطعين فيه ,, لو أنـا مكانك أتحدّى الكل عشان أبوي ,

يعني فوق ما إنّك محرومة من حنان أمّك بعد تنحرمين من حنان أبوك ؟

بالنسبة للأمّك ,, يمكن الأفضل لها إنها تتزوّج ,, تدرين ليــه ؟

عشان يخلى لك الجوّ و تقدرين تتواصلين مع أبيّك و تطلعين معه و تتزاورون ,,

بتكون الوالدة الله يهدينا و إياها مشغولة عنّك , و ماهيب حولك ,

 

[beren saat]

الله يعييييينج

 

[Tom ♥ Jerry]

.


شي يعور القلب ! مو المشكله متزوجه و لا مو متزوجه !
المشكله انه مآلها حق تمنعج من ابووج
ودآم اهيه مآتدري عنج و على قولتج جنج قطوة بالشارع
حآولي توصلين حق ابووج أو عمامج يوصلونج له

: ) الله يعينج

 

[روح مغليهاM]

الله يعينك حبوبه

 

[منو انت]

ماذكرتي جم عمرها يعني لو نبي نقول عمرج عشرين وامج واهي تزوجت صغيره يعني اهي اقل من اربعين سنه

وترى تفرق من وحده لثانيه في اللي تتقبل وضعها وفي اللي تبي تكمل حياتها مع شخص وكافي انه بالحلال يعني اعتقد لو انتي اكتشفتي ان امج لها علاقه راح تقولين لو متزوجه ارحم بس ليش انها ماتبي الحرام فكرت بالزواج مااقولج هالشي صح بس بعد مو غلط وانتي بكره تتزوجين واهي راح تقعد بروحها يمكن امج ماعندها استعداد تكمل حياتها بروحها

صدقيني هالشي صعب عليج بالبدايه بس بعدين راح تكبرين وتعرفين ان هذا حقها والله يهديها لج

(( لفت انتباهي تقولين ماعندي رفيجات اشكي لهم اخذيها مني نصيحه مااحد يستاهل تسولفين عليه خصوصياتكم بكره تطلع لناس والناس لها الظاهر وماترحم ))

واذا امج طلعت صج متزوجه بالسر انصحيها تعلن الزواج ماتدرين شنو يصير بالمستقبل وبالذات لو صار حمل وصار شي على الزوج او صار بينهم مشاكل لاتصيرين انانيه فكري بعد بمصلحه امج وسمعتها وسمعتكم كلكم

وانتي بعد الله يرزقج الزوج الصالح