تكفون الحل

[كونسيلر]

بسم الله الرحمن الرحيم



مرحبا بنات


اكتب لكم قصتي وكلها قهر

انا متزوجه من ست شهور وعمري 27سنه
وزوجي 49 وعنده اربع اطفال وةى

زوجته ع ذمته
التقيت معه بشات وحبيته وهو كان يبي يتزوج ع الحالتين...وتحديت اهلي...يوم كنت اعرفه قبل ماتوقعت نرتبط لكن كنت كاذبه عليه وقايله ان ولد عمي يبيني ويتحرش بي سطحي واهلي يعاملوني بسوء

وكنت اكذب وكنت اقوله اني مريضة وتجيني حالة اغماء وكله كذب لأن ماتوقعت ارتبط فيه
وارتبطت به..
وغاملته احسن معامله وكنت اضمه ع صدري لاتضايق لكنه كان زي الحجر....مستحيل يضمني او يلمني بدون ما ابدى انا....ساعدته ماديا كثيييير وساعدته بديونه..وصرفت على بيتي وربي ماصرفت ريال لنفسي..مادخل علي بعلبة غطر ولا ورده ...وفيه بخل شوي..بكتي اعطيه واساعده...


اخر شي كبرت المشاكل بيني وبين زوجته رغم ان كل وحده بشقه...

لكنها طويلة لسان وتغار بشكل لعمى...واي شي انا اشريه بفلوسي تبي مثله رغم ان راتبي ثلاث الاف وخاص وهي تسع الاف وحكومي..
وزوخي يعمل لها الف حساب..وحكومي
شهر عسل مارحت ومن ثاني يوم طبخت هو اثث بس المطبخ وغرفة النوم وانا الباقي كله الكنب حق الصالة والستاير والسجاجيد وحمام وجليت بلاطي وصرفت عبيتي اكثر من الي صرفه علي..حتى بالعيد ماشرالي ابد رغم اني كنت بروح لاهلي...
وصلت لحالة اني ابي انتحر وبكا واسمع اصوات وهلوس..
وحاولت انتحر بس تخويف له..وقلت له كلت حبوب وانا اكذب...بصراحه كنت ابي يهتم بي...

ادري بتقولون ليش خذتي متزوج..معليش مابي رد جارح لان الشرع حلل اربع..

ماسويت شي خطا..

اخر شي قالي بنروح للأردن وبودي اهلي الشرقية قبل ثم نروح انا وانتي.....
وداها بيومي وراح وثاني يوم خذاني ويوم وصلنا لديرة اهلي رحت العشا مع امي معزومه ويوم رجعت قلت له افتح الاوتيل انا جيت..قال انا مشيت ورجعت للديرة والسوالف عند اخوكي..

دقيت ع اخوي وسألته قال لعطاني شنطة ملابسك وقال بجي بعد اسبوع نتفاهم....
وراح...دقيت عليه قال ابي اطلق بس مامعي ومدري سنه سنتين بس لما اجمع المؤخر رغم انه قايل لاخوي عكس كلامه لي..


المهم جيت ابي الصلح واتنازل عن المشكله...دقيت عليه لكنه فتح الخط يبي يسمعني الا هو وعياله وزوجته بمكه...


وش رايكم وش اسوي ساعدوني....

 

[ناتشوو]

مافي حل
لملمي كرامتج
زواجه نزوة
ومالها لا اساس ولا اصول
وصرتي مصدر دخل
استفاد
واكتفى
وقولي الحمدلله
من البداية قال
و ماضاع اكثر من عمرج
شوفي الايجابيات بالانفصال

 

[ام زهقانه]

خلاص رجال ما يبيك
هذا الي فهمته

 

[ام تركي 1]

ما يبيج من كلامج وردي من الحين لا تحملين وتبتلشين ما يحبج ومعروف الريال يحن عالاولى دايم بس نزوه وزواج الشأت غلط دوري مصلحتج وصلي استخاره خل ربي يبين لج الصح وين وادعي يارب يسر امرئ واو في خيره بطلا قي اكتبها وارزقني بأفضل منه ربح ما ينسى احد لا تحملين منه وتندمين توج صغيره ولا تعلمينه على الصرف الريال مايحب جذي الا البعض لا يعلقج ماعنده محكمه موجوده أو تنازلي لا تنكسرين وانتي صغيره

 

[عتآق الخيل]

الطلآق اريح لك
وعلى فكره يوم تقولين تحديتي اهلك
قصدك حديتهم على زوآجك خايفين من طريق الغلط لك
الله يخليهم لك يارب
ولا عاد تتعرفين على احد لابشآت ولا غيره
ضيآع وقت وبالحرآم
الله يهدي بعض العقول كيف تفكر .!

 

[فرزاشيهـ]

ولله مادري شقولج .... الزوجه الثانيه تبني حياتها عل بيت ثاني ف مصيرها يكون مهدد باي لحظه ..

تطلقي و ردي عيشي حياه صح من جديد

 

[الشهد كله]

مراهقة متأخرة مر فيها زوجج

يمكن كانت مشكلة بينه وبين زوجته وحاب يكسر شوكتها وخربها وتزوج

يمكن نزوة

بس اللي لازم تسوينه تحافظين على ما بقى لج من كرامة

خليج قاعدة عند أهلج أبرك لج من هالزيجة

زوج بس عالورق

الله المستعان​

 

[قَلبڪْ صًخرْ]

والله الواضح انه بايع وعايف

ومالوم زوجته لو تغار وتبي نفسج
كان لها بروحها وصار لوحده ثانيه


تصرفها عادي وطبيعي ؛؛


وانتي سويتي كل شي بملئ ارادتج
محد جبرج عالصرف


ولا زواج من متزوج وكبير باول خمسينات


فاكيد بيشوف المره الي معاها عمر
عليج


مابيج تطلقين ؛ بس حاولي
بدون ماتنازلين عن شي
واذا قال مابيج بالحرف جذي
مالج الا طلاق شتسوين

 

[noonaa-thn]

الطلاق وراحت البال بلا هم بالا قرف
كبير وهم يسوي جذي

 

[بودي حبيبي]

والله ما ادري شقولج بس اللي لاحظته ان هالزواج من الاساس غلطصرفتي وتوقعتي منه الحب بس حبه كله لزوجته الاولى
ضحيتي بس ماجبتي نتيجه وانتي ندمانه
ما اقولج تطلقي بس انتي استخيري وربي يكتب لج الخيره
وانت عارفه وضعج وعارفه حياتج اكثر مننا وانتي اللي تملكين الخيار يا انج تتطلقين او تظلين

 

[M!SS.LOBY]

لاحول ولاقوة الا بالله

 

[*مطبخ الذواقة*]

قولي الحمدالله ما بينكم يهال

والطلاق هو الحل المر


بس شتسوين
ادعي الله يعوض عليج باللي احسن منه ..


ويزقج بالزوج الصالح اللي يستر عليج ....





عاجلا غير أجل

 

[Patcholli]

خلاص مدام تقولين الشرع حلل اربع وماسويتي خطأ
لاتشتكين ..!!
وارضي بنصيبج

 

[M!SS.LOBY]

الله يصبرج ويكون بعونج

 

[al-musk]

بايعج من البداية وفرق العمر واضح شتبين فيه ..وشنو السر الي انتي متمسكه فيه ؟ وهو بايعج برخص التراب؟
وكلي امرج لربج زالشي لما يبدي من الأساس بغلط فنهايته واضحه وانتي مو مضطرة تفتحين بيت وتصرفين عليه وتتحملين معاملته السيئة وحمدي ربج جت منه بسرعه وماضيعتي عمرج وشبابج معاه ..

لاحول ولاقوة إلا بالله .. الي صار مو سهل بس فرصة عشان تعيدين ترتيب حياتج وأولوياتج بالحياة ..

 

[زوجة عزيز]

الحين المطلق وراه مشاكل فمابالج بالمتزوج واللي زوجته على ذمته !!!!

 

[أم بتول*]

يعني بلشتي حياتك بالغلط والمشكلة أنو كل شي بتعملوه بتحللوه على كيفكم يعني بلشتي بالتشات وقلتي الشرع محلل 4 طالما خضتي هالتجربة أكيد من البداية عندك تصور للي رح يصير بعدين لهيك انتي شوفي الحل لمشكلتك

 

[روندى العاصي]

زواجك من اساسه غلط اسمحيلي لان
عن طريق نت كذا ماراح يستريح معك ويشكك فيك وفي اخلاقك ونصيحتي
لاتقولين لاحد انك تعرفتي عليه عن طريق النت لان مافي رجل عنده كرامة
راح يرتبط فيك وانسيه والله يعوضك باحسن منه ولعاد تكلميمن رجال في الشات لانه حراااااام ولاراح يوفقك ربك لابزواج ولاغيره حتى لو ماعند زوجه راح يطلقك وانتي وراحتك والله يستر عليك

 

[صعبه]

الله يكـتب لج اللـي فيه خير وصلاح لج

 

[miss youyou]

يعني بلشتي حياتك بالغلط والمشكلة أنو كل شي بتعملوه بتحللوه على كيفكم يعني بلشتي بالتشات وقلتي الشرع محلل 4 طالما خضتي هالتجربة أكيد من البداية عندك تصور للي رح يصير بعدين لهيك انتي شوفي الحل لمشكلتك

معها
يعني الشرع حلل أربع بس الشات مو حرام ؟؟؟ :eh_s(10):

وأساساً زواجك مبني على أشياء كلها غلط أولها فارق العمر إلي بينكم ثانياً متزوج وعنده عيال وثالثا إنت لي تصرفين على نفسج وعلى البيت !

حبيبتي استغرب شنو لي حادج انج ما تطلبين الطلاق يعني ماشالله عمرج 26 سنة وموظفة بعد وما عندج ولد ولا بنت تبتلشين فيه غريب أمرج والله !!

روحي تلاحقي على عمرج وخلي عندج كرامة وعزة نفس إلي باعج مرة بيعيه 1000 مرة وتعلمي من الدرس ومرة ثانية احكمي ووزني الامور بالعقل مو بالقلب

والله يوفقج وتنحل مشاكلج على خير​