تكفون الحقوا علي الدمل راح يكون سبب طلاقي

[اميره بضحكتي]

االسلام عليكم

قوه بنات وحريم

تكوفن ابيكم تساعودني وابي نصايحكم
صارل لي فترة يطلع لي دمل في المنطقة الخلفية والمنطقة الحساسة

الحين من ورى وجدام صاروا مشوهات حبوب ودمل والمنطقة صارت سوده لا استغفر الله زرقه بعد

وجربت اكثر من كريم ومافادني بشي

وزوجي يابنات :eh_s(11):

صار مايجي يمي وكله ينام بروحه يقول من الدمل :eh_s(11)::eh_s(11):

مع العلم انا لون بشرتي فاتحة بس المنطقة الخلفية والحساسة صار لونهم اسود

تكفون ابي مساعدتكم ابي اسم اي علاج مجرب ويكون فيه فايدة
او ابي رقم وعنونا دكتورة جلدية تكون شاطرة ساعدوني عسى الله يسكنكم الجنه يارب

والله زوجي قاعد يهددني انه بيتزوج علي يقول ابي زوجة اشتهي انام معها مو انحاش منها :eh_s(11)::eh_s(11):

والله العظيم صار فيني نفسية
عفية لاتخلوني

يلا في امان الرحمن

 

[فز^الخفوق]

رد : تكفون الحقوا علي الدمل راح يكون سبب طلاقي

اب


الله يشافيج ويشافي الجميع يارب

 

[اميره بضحكتي]

رد: رد : تكفون الحقوا علي الدمل راح يكون سبب طلاقي

اب


الله يشافيج ويشافي الجميع يارب

امين امين يارب

ومشكورة ياقلبي على مرورج الطيب

 

[ستوؤر :)]

الدمامل عين يا حبيبتي


وافضل تروحين لطبيب جلديه باسرع وقت
والدكتور بو حمره وايدزين


وحبيت انبهج يا اختي اتقي الله في ولدج وفي نفسج حاطه صورة ولدج الله يخليه لج بالتوقيع ترى مهما كان النفس تفز فيه تبارك الرحمن وكل شي يرجع ع الام ..
اتمنى انج تغيرين توقيعج باقرب وقت ممكن
والله يعينج

 

[the white heart]

رد : تكفون الحقوا علي الدمل راح يكون سبب طلاقي

حبيبتي ليش ما رحتي للطبيب ليلحين روحي ان شالله للحكومة ... أعرف وحدة صار فيها جذي بغو يسوون لها جراحة علشان يفتحون الدمل اهيه ما رضت جان يفتح بروحه ويروح الله يشافيك أكثري من الصدقة والاستغفار

 

[اسماء العتيبي]

رد : تكفون الحقوا علي الدمل راح يكون سبب طلاقي

لاحول ولاقوة الا بالله

ياختي استخدمي المرهم الاسود او الكريم الاسود شوفيه بالصيدليات
روووووووووووعه للدمامل ..
على يطول يشيلهم ...

 

[الهندسة]

لااااازم دكتور لا تستخدمين شي من غير استشارة ،،

 

[اميره بضحكتي]

الدمامل عين يا حبيبتي


وافضل تروحين لطبيب جلديه باسرع وقت
والدكتور بو حمره وايدزين


وحبيت انبهج يا اختي اتقي الله في ولدج وفي نفسج حاطه صورة ولدج الله يخليه لج بالتوقيع ترى مهما كان النفس تفز فيه تبارك الرحمن وكل شي يرجع ع الام ..
اتمنى انج تغيرين توقيعج باقرب وقت ممكن
والله يعينج

اختي ولا عليج امر وين صاير الدكتور بوحمره

ومكشورة ياقلبي على النصيحة والحين اشيله ان شاء الله

 

[اميره بضحكتي]

رد: رد : تكفون الحقوا علي الدمل راح يكون سبب طلاقي

حبيبتي ليش ما رحتي للطبيب ليلحين روحي ان شالله للحكومة ... أعرف وحدة صار فيها جذي بغو يسوون لها جراحة علشان يفتحون الدمل اهيه ما رضت جان يفتح بروحه ويروح الله يشافيك أكثري من الصدقة والاستغفار

والله ياقلبي انا اللي اهملت نفسي قلت يمكن دمل عادي يوروح بس المشكلة اذا راح الدمل مكانه صاير مثل الحفرة لونها ازرق وكل يوم تطلع لي وحدة حتى بين فخوذي

مشكورة ياقلبي على ردج

 

[اميره بضحكتي]

رد: رد : تكفون الحقوا علي الدمل راح يكون سبب طلاقي

لاحول ولاقوة الا بالله

ياختي استخدمي المرهم الاسود او الكريم الاسود شوفيه بالصيدليات
روووووووووووعه للدمامل ..
على يطول يشيلهم ...

مشكورة ياقلبي على نصيحتج واليوم ان شاء الله اشتريه يارب ينفع معي

 

[اميره بضحكتي]

لااااازم دكتور لا تستخدمين شي من غير استشارة ،،

ياقلبي المشكلة مااعرف اي طبيب جلدية وعفية اللي تعرف لاتبخل علي

 

[ام شوق والعنود]

القسط الهندي جيبي مطحون واخلطيه مع اي مرهم وحطي على جرحك باذن الله بتخفين بعدين لاتكونين مستشمه

 

[الدميره ..]

رد : تكفون الحقوا علي الدمل راح يكون سبب طلاقي

اشتري من العطار زهرة الاقحوان واغليها 10 دقايق بضبط وصفيها واشربي فنجال يوميا
ادعي لي أولد بيسر

 

[اسماء العتيبي]

رد : تكفون الحقوا علي الدمل راح يكون سبب طلاقي

عن تجربه المرهم الاسود
او الكريم الاسود

كان باصبع رجلي دمل مااقدر البس الفلات منه مااقدر امشي
وحطيت عليه كريم اسود والله ثاني يوم مافي اثر مشيوووول كلش ...

الله يشفيك ويسخرلك زوجك ياااااااااااااااااارب العالمين

 

[^_^ حوراء ^_^]

نفس حالت اختي و المشكله انها عادت زوجها بعد ..!!

حطي المرهم الاسود و خليه فتره عليج و لا تلبسين فوق شي عشان يسحب اللي داخل الدمل

و روحي حق اي طبيب جلديه بسرعه حتى لو الحكومه و إذا تبين خاص دكاترة دار الشفا ملوت الجلديه وايد زينين

 

[عنووود]

رد : تكفون الحقوا علي الدمل راح يكون سبب طلاقي

حبيبتي انا نفس الحاله ونفسج جربت كل شي ورحت لدكاترة
الناس تقول ان سبب الدمامل عين ورفيجتي راحت بعد صار تقرا البقرة مدة

والدكتور قايلي سببها نفسي ودكتورة قايلتلي ان سببها دهون بالمنطقه وسوء تغذيه
قالت عدلي اكلج والعبي رياضه وكثري ماي وفعلا قلووا حيل بس باقي الاثر

جربت كل الادويه ومراهم الحكومه ما سوت لي شي ولا الخاص

اخر حل فكرت فيه اهو التقشير الاخضر بعيادة بوحمرا جد قاعدة افكر فيه موفقه اختي الله يسخر لج زوجج

 

[ستوؤر :)]

اختي ولا عليج امر وين صاير الدكتور بوحمره

ومكشورة ياقلبي على النصيحة والحين اشيله ان شاء الله

هلا حبيبتي

العياده اسمها بوحمرا كلينك

بالشعب


شفتي حديقة الشعب من الخلف صوب الدوار

اللي اتصير حديقه الشعب على يسارج و الصالونات يمينج

تعدين حديقة الشعب

اول اشاره اتييج احذيها يمين

و كملي سييييييييده

اخر لفه يمين دشيها

كملي سيده

العماره كبيره مكتوب عليها بوحمرا كلينك

على ايدج اليمين


و هذا رقمهم

25656381

25626162



واستمري ع الرقيه الشرعيه والمرهم الاسود حيل زين ومجرب والله يشافيج يارب

 

[shams2008]

انا قبل جم سنه صارت فيني وبعيالي كل مكان طلع فيني
حتي بعيوني وبين حواجبي كانو يعطوني ابر مضاد لالتهاب عشان ينشفووون لاتاكلين
اكل في دهن غيري اكلج وبخري بيتج بالشبه والحرمل
اشتري مره نقعيها ومسحي غيها كل يوم مرتين ثلاث
الله يشفيج يارب

 

[قطوة@@]

رد : تكفون الحقوا علي الدمل راح يكون سبب طلاقي

الله يشفيج حبيبتي

 

[Čut!e Quèéи]

رد : تكفون الحقوا علي الدمل راح يكون سبب طلاقي

انا مستغربه !

بنات حتى انا صار فيني تحت صدري

حتى مره انبطت وصار مثل الحفره وكنت مو عارفه شسوي

والمشكله الاثر موجوده

يعني هذا من شنو ؟ وليش يطلع

اذكر حطيت لي مرهم دمامل وطنشت الموضوع

والحين اشوف طالعه لي وحده صوب زندي من تحت وضايق خلقي :bbbiu:​