تكفون افيدوني بخصوص النقل

[شموخ آنثى]

مراااحب يا بنوتات


بلييييييييييييز ابيكم تفيدوني


انا موظفه لي ثلاث سنين في وزارة المواصلات

المهم ودي انقل حق مستشفى انا احب الدوام اللي فيه جمهور وكذا وناس تروح وترد مليت من الروتين

شلون طريقة النقل ........؟؟ وهل النقل راح يوقف راتبي فيه ؟؟؟

لان عندي قرض واخااف يتوقف راتبي فيه ؟

وشنو احسن مستشفى تنصحوني فيه ؟؟

وانا شهادتي دبلووم ادااره

والله يوووفقكم لاتطنشوني

 

[نسمة هوا]

هلا فيج زميلتي السابقه في وزارة المواصلات لأني ناقله من الوزاره
حبيبتي حق النقل أول شي لازم اتييبين موافقة من وزارة الصحة ولازم يكون في درجه متوفره لج وإذا خذيتي الموافقة منهم بعدين لازم موافقة وزارة المواصلات وبعدين موافقة ديوان الخدمة المدنية*

 

[شموخ آنثى]

فديتك نسمه

تسلمين ع الرد

شلون يعني درجه مافهمت ؟


وبعدين بعرف هل يتوقف معاشي او لا ؟


وتسلمين والفال لي بالنقل وافتك من هالوزاره السخيفه ههههههه

 

[نسمة هوا]

الله يسلمج حبيبتي
بالنسبة للدرجة لازم يكون في أحد من وزارة الصحة طالع وهاد درجتة مثلاً يكون ناقل أو متقاعد ولازم يكون نفس درجتج الحين فالوزارة تسوي لجنة درجات إذا فيه درجة فاضية يعطونج وإذا مافيه لازم تنطرين لجنه ثانية لما يحصلون لج درجة وظيفية
والمعاش لاتخافين مايوقف وحتى اجازاتج مثل ماهي مايروح عليج شي
والله يوفقج

 

[شموخ آنثى]

نسمة هوا ربي يفتحها بوجهك وين مارحتي


تسلمين يالغلااا


فهمت الحين


وموفقه

 

[meen_ana]

اناا خااطري انقل اي مكان ثاني شلون