تكفون ابي حل اكرهه اروح حق بيت اهل زوجي

[جنني العربي]

اكرهه اروح حق بيت اهل زوجي لان خالتي دايم اتطنز علي بسبب عدم الانجاب واهي تدري ان الضعف بزوجي اللي اهو ولدها ولكنها قالت للناس كلها ان انا عندي ضعف ودايم اتطنز علي قدام جناينها وقدام عمات زوجي واذاجبت لها شي او سويت طبخه تقول للحريم بس من وراي ان وحده من جناتها اهي سوتها عقدتني جابت لي نفسيه انا مو ساكنه عندها وتخاف من العين على طول تاخذ فضلتي وحتى فضلت خدامتها تاخذها عندها كل الناس حسودين واذا احد صار فيه شي قالت مني او من غيري معقده الله يسامحها واذا ماابي افكر بالحمال ترد وتذكرني شسوي معاها وزوجي يضغط علي يبيني اروح لهم قدامه تصير ملاك بس من وراه تستفزني :eh_s(11)::eh_s(11)::eh_s(11):

 

[ام شووووق]

رد : تكفون ابي حل اكرهه اروح حق بيت اهل زوجي

خلاص لا تروحين الا مع زوجج

 

[الدانه المزيونه]

=


والله لو منج احايل زوجي بجم كلمه حلوه
اقنعه يكون معاي طول روحتي عند خالتي .. يعني ساعه وحده كافيه مو ميت لو يصبر معاج ساعه
كلميه اذا يفيد معاه قوليله حط نفسك مكاني تخيل امي او ابوي دايم يذمك ويشتمك واذا انا معاك يمدحك

صدقيني بيحس بالموقف وعسى الله يوفقكم


=

 

[روحي تحبه غصب]

صارحي ريلج بسوالف امه وليش ماتبين تروحين عندهم

وقوليله بنفس الوقت ماابي اقطع فيها عشان جذيه ليمن تروحين يروح معاج ويقعد واذا طلع تردين انتي بيتج

وخالتج ادعي لها ان الله يهديها

 

["خانتني دموعي"]

رد : تكفون ابي حل اكرهه اروح حق بيت اهل زوجي

الله يكون بعووووووونج

 

[بيروتيه]

رد : تكفون ابي حل اكرهه اروح حق بيت اهل زوجي

الله يهديها

 

[حبيبه بدر]

الله يعينج

 

[شقرديه كيوت]

رد : تكفون ابي حل اكرهه اروح حق بيت اهل زوجي

الله يعين

 

[FeShinGoOo]

رد : تكفون ابي حل اكرهه اروح حق بيت اهل زوجي

منتي مجبوره تروحين وتعورين قلبج ولا مجبوره اتعبين روحج وتطبخينلها
حبيبتي خففي روحاتج لها ولا تروحين الا زوجج معاج وخلج لازقه فيه طول الوقت جنج ضيفه خلج رسميه ومتى ماخلصت الزواره امشو وردو البيت
وعلى سالفة الفضله هالشي راجعلها مدام تاخذ سور الكل لاتزعلين يعني موبس انتي الي حاطتج براسها

 

[om MaRyooM]

رد : تكفون ابي حل اكرهه اروح حق بيت اهل زوجي

الله يصبرج ويعينج ويرزقج الذرية الصالحة آميــــــن ..



بس شوفي ياقلبي هالموضوع ماله حل .. لأنها ام زوووجج ، يعني مضطرة تواصلينها ماتقدرين تقطعينها لأنج انتي اللي بتطلعين بالشينة وبيزعل زوجج

وبتنحطين بمواقف انتي بغنى عنها .. صح ولا لا

وثانيا بالنسبة لتعليقاتها صدقيني لو كان عندج لسان وتردين عليها (باحترام) للاسف انها بتحسب حساب كلامج وتخاف تظايقج

حسافة الدنيا ماشية جذي .. عشان هالسبب ان قالت لج اي شي . . قوليلها" ياخالتي حرام عليج ترا الرزق من الله واتوقع انتي فااهمة شقصد !"


وان كان على زوجج اذا اهي تسوي روحها ملااك جدام ولدها . .

انتي من وراها كل فترة وفترة قطي عليه نغزة عن شي قالته لج امه .. بغرض السوالف مو بغرض الهواش والحزازيات

ومع الايام .. بيفهم امه شنو قاعدة تسويه وبيعرف شاللي قاعد يصير عشان اذا صار ماصار لاسمح الله او امه تكلمت عنج بشي الا اهو عارف الطبخة من قبل

اما اذا مااايدري عن شي ترا سهل يفرون راسه عليج او يقلب ضدج .. يعني احيانا نقل الحجي يكون من صالحج (سالي مجربة )

والله يسهل عليج ويرزقج ..