تكفون ابي حل أكرهه أروح بيت أهل زوجي

[جنني العربي]

اكرهه اروح لبيت اهل زوجي لان خالتي تعاملني باحتقار وتضغط علي بمسالة الانجاب مع ان الضعف بزوجي مو فيني بولدها وتتطنز علي قدام جناينها وعمات زوجي جننتني صارت فيني نفسيه صرت حتى زوجي اعصب عليه واحيانا اكرهه يارب الله يهديها والله انا تعبانه نفسيا مهما سويت لها مايبين بعينها حتى اذا سويت شغله طبخه او جبت هديه تقول فلانه سوتها وتخاف من العين على طول تاخذ فضلتي وحتى فضلة خدامتها تاخذها معقده الله يسامحها :eh_s(11):
وزوجي يضغط علي يبيني اروح شسوي ميت من القهر :080402ask_prv:

 

[قطرية 83]

اوصليها باوقات غير عن اوقات جمعتهم كلهم
يعني روحي لها بوقت ظهر مثلاً او عصر تكون هي بروحها

سلمي عليها و طلعي
و بكذا تقصرين الشر و تبعدين نفسج عن الملاحظات و التدقر

 

[باااربي]

مايصير لازم تفهمين ريلج هالحجي بس بدون هواش

الله يهديها بس

 

[فوفو22]

رد : تكفون ابي حل أكرهه أروح بيت أهل زوجي

ما تنلامين

بكراهيتج للروحه لانا تسبب لج ضغوط انتي في غنى عنها

اولا الحمل بيد الرحمن بالاضافة الى ان العيب من زوجج فالمفروض هالامر ما يهمك ولا يحرجج

ثانيا :اعملي لك شخصية هناك بهذا التجمع سولفي .....واضحكي ....وابتسمي

ولا تعطينهم فرصة يضغطو ا عليج

وربي يسعدج ويعينج عليهم ويرزقج بالعيال

فوفو

 

[BiiShOoO]

قولي حق ريلج الي يصير لانه شي يحر الصراحة

 

[فيونه المزيونه]

تناقشي مع ززوجج وقوليله بكل الي يصير وقوليله انا مابي شي منهم بس خل يحترموني ولاا يعيبون اذا يعيبون علي وما يحترموني يعني ما يحترمونك لاني زوجتك

 

[ELFAD3Ah]

رد : تكفون ابي حل أكرهه أروح بيت أهل زوجي

الله يعينج

 

[ابدا يالغالي مانساك]

رد : تكفون ابي حل أكرهه أروح بيت أهل زوجي

الله يعينج وش تسووين بعد هذا اطباعهم الحريم الكبار وانتي لاتضيقي خلقج وتفكرين جعليه امر ماشغل بالج بالتفكير وليه ماتخلين زوجج يحاجي امه علي انفراد ويقوله ادري صعبه بس عشان نفسيتج يفهمه ويقول انتي مافيج شي بامر العيال وخله يخلي المووضوع يعني سر بينه وبين امه ولازوجج عنده وجهة نضر ثانيه مادري الله يعينج ويرزقج وان شالله تغير الضروووف ماتبقي علي حال واحد وانتي خل لج شخصيه بين زوجات حموانج ومالج شغل باحد غير زوجج وراحته وراحتج والله يرزقج يارب بالذريه الصالحه يارب عاجلا غير اجلا يارب العالمين

 

[الغاليه ام احمد]

قولي لريلج يقول لامه انه هو سبب تاخر الحمل

وصدقيني راح تتغير معاج للاحلى

 

[دمعه ندم]

حبيبتي قولي لزوجج يكلمها ويقولها انه العيب منه مو منج والله يهديها

 

[جنني العربي]

رد : رد: تكفون ابي حل أكرهه أروح بيت أهل زوجي

قولي لريلج يقول لامه انه هو سبب تاخر الحمل

وصدقيني راح تتغير معاج للاحلى

مشكورين على الردود اهي تدري ان ولدها فيه ضعف

 

[*loveli-noni*]

الله يعينج محد خالي..وسعي صدرج عليهاااا

 

[قمة الرضا]

ياااااااااامعوده استانسي وضحكي وتحاشي اللي يضايقج وقولي حق زوجج بدون زعل عادي يعني مو انها سالفه وكبيره

 

[~LiBrA~]

رد : تكفون ابي حل أكرهه أروح بيت أهل زوجي

الله يكون بعونج ويفرج عنج

 

[فرحة قلبي]

اللة يعينك ولجل عين تكرم مداين اتني فهمي زوجك وقوليلة روحتي على شانك
وروحي معاة زوارة المغرب وردي معاة لاتقعدين عندهم لحالك
على شان كل شي قدام عيونة ومنها تخف عليك
واللة يصبرك الدنيا يبيلها قلب قوي

 

[اريام ستايل]

رد : تكفون ابي حل أكرهه أروح بيت أهل زوجي

الله يرزقج يارب بالياهل الي يسكتهم.. يارب.