تكفون ابيكم تدعون لي ،،، يارب يثبت الجنين وماينزل

[اشطر وحده]

السلام عليكم والرحمه

خواتي تكفون ماطلبتكم الا وانا محتاجه دعائكم
يارب يارب يثبت جنيني وماينزل
انا متزوجه من اربع سنوات وماعندي عيال ولله الحمد والمنه
مرتين احمل وينزل البيبي
اول مره نزل بالشهر السادس واهو ميت داخل بطني
والمره الثانيه نزل الثاني
والحين انا توني محلله والحمدالله طلعت حامل
والله اني من الخوف ماقلت لازوجي اني حامل مابي احد يدري لحد مايثبت
علمته قبل ليلتين وانا من اليوم الصبح ينزل معاي دم
رحت لدكتوري وعطاني ابرة تثبيت
غير حبوب التثبيت اللي من الاساس قاعده اكلها ماتركتها
بس الجنين مو مبين بالسونار
سويت تحليل هرموني وبعد يومين اسوي تحليل ثاني عشان الدكتور يشوف اذا الجنين موجود او نازل
يارب يكون موجود يارب يثبت ويعيش
والله اني اكتب لكم وادموعي بعيوني
تعبت من المراجعات والتحاليل وبالنهايه مايكمل حملي
الحمدالله يارب على كل حال
تكفون خواتي بس ابي دعواتكم الله وحده اعلم بحالتي

اللهم اني استودعك جنيني فاحفظه لي يارب العالمين

 

[TeKaNa_Girl]

عسالله يثبته ويقر عينج بشوفته متعافي ياااارب
حياتي سوي تحليل اجسام مضاده
لان انا كنت نفسج
وعطوني ابر كلكزان وبيبي اسبرين عشان يوص الدم للمشيمه ومايموت البيبي
ضروري اسوينه
ولاتنسين الرقيه الشرعيه

 

[اشطر وحده]

الله يجزاج الف خير حبيبتي تكانه
مشكوره عى الدعوه
ويارب الله يبارك بعيالج وتفرحين فيهم يارب
سويت تحليل اجسام مضاده والحمدالله النتيجه زينه
سبحان الله وفاة جنيني الاول من الله طبيعي
كانت كل اموري زينه وتحاليلي ممتازه بس الله موكاتب يعيش
وحملي الثاني نفس الشي نزل بالشهر الثاني مع اني مو مسويه مجهود
ولا متحركه حتى الدري ما اصعده
خالتي ماقصرت افرشتلي غرفه تحت وماخلتني اصعد فوق ابداً
حتى اكلي اهي نفسها تييبه لي
بس الحمدالله يارب على كل حال
الله مو كاتب يعيش
يارب يارب يثبت حملي هذا وماينزل
يارب افرح فيه واشيل ولدي بين ايديني يااااارب

 

[_رجائي الجنه_]

الله يثبت حملج الحمدالله على كل حال ادعي اذا فيه خير لج يثبته ربج والله اذا كاتبلج الحمل بتحملين ماتدرين وين الخيره بس عليج بالدعاء ورقي نفسج واقري على بطنج المعوذات ولاتضيقين ربج يسهلها بس احنا يابني ادم نبي كل شيئ بسرعه وربي يثبت حملج ويرزقج

 

[غنوة ستايل]

عسى الله يثبته ياقلبي وتفرحين فيه
لا تقطعين الادويه والبيبي اسبرين لازم تاخذينه لا تتهاونين فيه . عسى الله يثبت لج اللي ببطنج يارب
وابره التثبيت والحبوب نفس الشي وحاولي كثر ما تقدرين تنسدحين
انا بولدي جذي سويت 3 شهور منسدحه على ظهري وما قلت لاحد بعدين علمت الدنيا لما بطني كبر . والحبوب ما اتركها ابد ودائما اكلها عسى الله يفرحج يارب مثل ما فرحني ويفرح كل محروووومه يارب بشوفه ولدج

 

[G!RLooNa]

الله يثبته انشالله ويسهل عليج حملج و يفرحج بشوفه ضناج

 

[BaЯBya]

عسى ربي يثبته وتقر عينج بشوفته

 

[فراشة الوادي]

عسى ربي يثبته يارب يارب ياكريم

 

[غــلآ]

ياحبيبتي

اللي خلقه برحمج يثبته ان شاء الله

استودعيه الله كل يوم الفجر والمغرب والتزمي باذكار الصباح والمساء عشان رب العالمين يحفظج ويحفظه من كل شر

وان شاء الله تقر عينج بشوفته بحضنج بعد تسع شهووووووووور يارب

اهم شي كل يوم تقولين اللهم اني استودعتك مافي رحمي انت الذي لاتضيع ودائعك وماتلقين الا اللي يسرج من رب العالمين

اهم شي بهالمرحله النفسيه خليج دايم ريلاكس ومفرفشه واقري قران عشان نفسيتج ترتاح وتهدي
وكثري سوره البقره ترى تاثيرها سحر سحر سحر

 

[ملكه الحطب]

الله يثبته لج يااااااااااااااااااااااارب والله عورتي قلبي

ويارب يارب يثبت وتشوفينه ومثل ماقالوا البنات كل يوم حطي ايدج على يطنج وقولي استودعك الله اللذي لاتضيع ودائعه

ولاتفكرين واجد وريحي نفسي وان شاء الله خير

 

[kefi cute]

ياارب اثبته لج ويثبت حملي معاج وحمل كل االبناات

 

[شارليز ثيرون]

يارب يارب يارب يثبت حملج ويتممه :yaaaaaarb:

 

[ام مهاوش]

يارب يثبته ويكمله وتفرحين فيه وتشوفين اخوانه
عليج بالدعاء واذكار الصباح والمساء واكلي عجوة المدينه

 

[أنشودة المطر]

حبيبتي عسى الله يثبته ويتمم لج حملج على خير
ويرزقج شوفة ضناج سليم معافى يااااارب

كثري من الاستغفار

 

[om-s3oodi]

يا قلبي أنتي ..

يارب يا كريم .. أنه يثبت حملج .. ويرزقج بالطفل الصالح اللي يقرّ عيونج .. ويفرح قلبج ..

عليج بالأستغفار حبيبتي .. وربي بيكون معاج إن شاء الله

 

[TeKaNa_Girl]

عيل انتي نفس بنت خالتي بالضبط
عطوها بيبي اسبرين ووقفته بالشهر الثامن
والحمدلله ربي تمم لها وعسالله يتمم لج يارب
سألي دكتورج عن هالشي
*

 

[فرفشه منعنشه]

عسى ربي يثبته وتقر عينج بشوفته

 

[بنت اوسكو]

الله ايتثبته وتفرحين بشوفته اللهم آمين​

 

[om 7moood85]

عسى ربي يثبته لج وتفرحين فيه ياااااااااارب

 

[سمراءوافتخر]

السلام عليكم
يا قلبي انتي ربي يفرحج ويتمم حملج ويرزقج الذرية الصالحة المعافاه عاجلا غير اجل ويكونون توائم بعد الغلا اذكري الله ووكلي امرج لله واقري علي تفسج كل يةم وطمننيا عليج الغلا