تكـــفون يابنـــات ساعدوني ..انتهت حياتي بسبة امــه ):

[اكبر خطاي وفاي]

تكفون ابي مساعدتكم الله يوفق اللي ترد علي

محتاره في امري لي 7 شهور متزوجه ومن تزوجت وانا في مشاكل كله بسبب امه هو ولدها

الوحيد ودايم تظلمني وتقولي انا بخليه يطلقك وماراح اخليك في هالبيت وتخيلوا قدامه تقول هالكلام

والله اني طيبه معها وراعية معروف ولاعمري غلطت بحقها بس مدري شفيها كارهتني مع العلم انها هي اللي مختارتني ولها 3 سنين وهي تخطب فيني لين وافقت عليهم

والله هو ماينقصه شي حبوب وطيب ويحبني بس المشكله امه صارت تغار مني غيره مو طبيعيه

انا الحين لي اكثر من اسبوع عند اهلي كرهت العيشه معهم

وكرهوني في رجلي تخيلوا قدامه تقول طلقها وتزوج فلانه ):

اخر شي قلت خلاص انا بترك البيت لك ولأمك ودني لآهلي قالي امي كل هالمشاكل اللي تسويها لانها تغار!!! >> معقوله فيه ام تغار على ولدها

وهو يبيني وشاريني بس انا والله معاد اتحمل اعيش معهم والمشكله ان البيت بيته ومافيه الا امه واخته المطلقه .... تكفون ساعدوني شوفولي حل والله كرهت نفسي

 

[روحي تحبه غصب]

الله يعينج ويسخرلج ريلج

سبب مشكلتج امه يعني صعب تخيرينه بينج وبين امه

مادام يابنت الحلال الريال شاريج وعارف سبب مشكلة امه معاج ومتقبله

وموشايف اي غلط بتصرفاتج خلاص يالغاليه حاولي تخلينه يخليلج مدخل للبيت خاص فيج

وامه لاتحتكين فيها وادعي لها بالهدايه ولاتلومينها هذا ولدها الوحيد
وقاعده تشوفه حيل منجذب صوبج عشان جذيه تحاول تفرق بينكم
بس صدقي مع الايام بتقتنع انج تستاهلين ولدها

طيعيني لاتخسرين ريلج واهوا شاريج ويبيج

الله يسخر عباده لج ويفرج همج يالغاليه

 

[المزن هتان]

الله يسخره لج ويهدى أمه ودائما إدعى الله يرزقج محبتها
وأكثرى من الإستغفار + الصدقة
وإدعى دعاء تسخير الزوج
والله يفرج لج وييسر أمورج ويجمع شملكم أنتى وزوجج

دعاء تسخير الزوج
​

اللهم إنى أسألك بأنى أشهد أنك أنت الله الذى لا إله إلا أنت الأحد الصمد الذى لم يلد ولم يولد ولم يكن له كفوا أحد
وأشهد أن سيدنا محمد عبدك ورسولك ولا رسول بعده صلى الله عليه وعلى أله وصحبه وسلم
اللهم يا مسخر القلوب القاسية والعباد العاصية والجبال الراسية سخر لى زوجى ( فلان بن فلان ) كما سخرت فرعون لموسى والنار لإبراهيم ولين لى قلبه كما لينت الحديد لداوود
اللهم لا تجعل لزوجى حظا فى النساء مع غيرى يا حى يا قيوم يارب العالمين
اللهم سخره لى وذلل لى صعوبته وأجعله يخضع لى من حيث لا أحتسب
اللهم إجعلنى فى عينى صغيره وفى أعينه كبيرة
اللهم إجعله أبا لى فى الحنان وأخا لى فى الطاعة وحبيبا لى فى الفراش وأجعلنى له أما فى الحنان وأختا فى الطاعة وحبيبة فى الفراش يا أرحم الراحمين
اللهم جملنى فى عينه وجمله فى عينى وأجعله لى كما أحب وأجعلنى له كما يحب وأجعلنا لك كما تحب
اللهم حسنى فى عين زوجى وحببنى إلى قلبه وأجعلنى الزوجة الصالحة له وأرزقنى ذرية صالحة منه
اللهم عظمنى فى قلب زوجى وأجعلنى ماء عينه ودم قلبه ودفىء حياته وأسعدنى ولا تشقنى معه يا أرحم الراحمين
اللهم زده حبا لى وصراحة معى وتعلقا بى وتفاهما معى وحبيبا معى يا الله يا كريم
اللهم إجعلنى درة فى عينه حبيبة الى قلبه جميلة فى نظره قريبة من فؤاده يا أرحم الراحمين
اللهم ألف بين قلبى وقلبه وأدم علينا المحبة فى الطاعة والايمان والتقوى
اللهم يا حنان يا منان يا ذا الجلال والإكرام يا بديع السموات والأرض يا حى يا قيوم حنن قلب زوجى على أنت ولى ذلك والقادر عليه
اللهم يا مؤلف القلوب ألف بين قلوبنا وسخره لى وطهرلى سمعه وبصره وفؤاده
اللهم ملكنى قلبه وأسلل سخيمة قلبه وأصلحه لى
اللهم ألبسنى حلة من حلل صفوك عند لقائك وأجعل غضب زوجى على بردا وسلاما كما جعلت النار بردا وسلاما على نبيك إبراهيم عليه السلام
اللهم حببنى إلى قلبه وجملنى فى عينه وأستر عيوبى عنه وأستر عيوبه عنى وألف بين قلوبنا على محبتك
اللهم آآآآآآآآآآمين​

 

[أريام أحلاهم]

الله يعينج ويسخرلج ريلج

سبب مشكلتج امه يعني صعب تخيرينه بينج وبين امه

مادام يابنت الحلال الريال شاريج وعارف سبب مشكلة امه معاج ومتقبله

وموشايف اي غلط بتصرفاتج خلاص يالغاليه حاولي تخلينه يخليلج مدخل للبيت خاص فيج

وامه لاتحتكين فيها وادعي لها بالهدايه ولاتلومينها هذا ولدها الوحيد
وقاعده تشوفه حيل منجذب صوبج عشان جذيه تحاول تفرق بينكم
بس صدقي مع الايام بتقتنع انج تستاهلين ولدها

طيعيني لاتخسرين ريلج واهوا شاريج ويبيج

الله يسخر عباده لج ويفرج همج يالغاليه

أحلى رد بالدنيا .. تسلمين .. روحي تحبه غصب

عسى الله يهديكم لبعض .

​

 

[اكبر خطاي وفاي]

مشكورين حبيباتي على ردودكم الروعه

الله يوفقكم يارب ويجزاكم كل خير

والله ريحتوني الله يريح قلوبكم بطاعة الرحمن

 

[الوردة المكنونة]

حبيبتي عادي انا ريلي وحيد امه علت قلبي بغيرتها وصارلي ٨ سنين متزوجه ولي يومج تغار وللحين كل في بالها انا اخذت منها ولدها بس عادي امه وهو ولدها الوحيد ماقدر اقولها شي اسمع واطنش مع الوقت اهي بدت تخفف وبديت انا احط حد لها يعني اول ماتزوجت كل شي اقولها الحين لا مو كل شي يشتري ريلي اقولها لانها تغار واذا طلعنا ناخذها معانا مرات اشتري شغلات لها نفس اللي اشتريهم حقي وشوي شوي خفت غيرتها واااايد بس مازالت نظرة الحقد بعينها اني خذيته منها عادي مالها حل هذا عيب الولد الوحيد

 

[غرشة عطر]

الله يفرج لج يارب
اي والله ياكثر الامهات اللي يغارون من حريم اعيالهم شي خيالي والله اعرف وحده اذا خالتها شافتها لابسه عقد او بدلة حلوه تقول لها منو شاريها انتي ولا فلان مسكينه تخاف تقول فلان لان علي طول تلفون تعال جيب لنا خضره وماجله وخروف ودجاج تخيلوا والولد مومعاهم بالبيت بشقه بروحه خخخخخخخخخخخ تقول لي قصص اضحك عالخاله تغار مسكينه والله حلاة الوحده اذا شافت ولدها سعيد تستاس موتخرب عليهم
افرشي سجادتج وادعي واكثري الدعاء هذا الحل والدعاء يرد القضاء ياوخيتي والله يفرج عنج وترجعين لزوجج اليوم قبل بكره ويهدي خالتج ويحببها فيج قادر علي كل شي

 

[اكبر خطاي وفاي]

الورده المكنونه + غرشة عطر
الله يوفقكم حبيباتي لانكم تفاعلتوا مع موضوعي

وصادقين مالي الا الدعاء واللجوء الى رب العباد

الله يفرج همي عن قريب وهموم المسلمين

 

[Tulips]

سوي مثل ما قالولج البنات + لا تقعدين معاها دامها تسمعج كلام يسم

خليه يسويلج شقه بنفس البيت عشان تكونين معزوله عنهم وماتحتكين معاها

دام انها تغار عليه ليش تزوجه !!! هذي غير سالفه بعد

 

[شموخه وبس]

اخر شي قلت خلاص انا بترك البيت لك ولأمك ودني لآهلي قالي امي كل هالمشاكل اللي تسويها لانها تغار!!! >> معقوله فيه ام تغار على ولدها

ايه ياحياتي كثيييير بعد
انتي اكسبيه لي صفك بين فتره والثانيه خذي لها هديه بسيطه
عطر عود او اي شي
صدقيني راح تحبك وماتشوف غيرك
انا مو متزوجه بس من خبره اخواتي مع خالاتهم ونقلته لك والله يهدي سركم ياااااااااااارب

 

[رواضي قطر]

نفس كلاام البناات خلي بينكم حدود

 

[سلاسل ذهبيه]

البنات ماقصرو

 

[ملح الدنيآ.]

حبيبتي حاولي تكسبينها وشوي شوي راح تحبج وتخف غيرتها

عسى الله يهيدها ويخليلج ريلج ​

 

[FeShinGoOo]

خل يطلعج من البيت شايف امه وبلاويها ليش مخليج عندها ؟؟

 

[سنااااي]

كلام البنات صح .... واذا البيت مافيه خدامه خليه يجيب لان ماراح يعجبها شي منج......... وبالتوفيق شوفي يمكن احد يوزها عليج من الحريم واهم شي زوجج لايشوف الراحه الا عندج دلعيه.... ولاتخسرينه .........

 

[•Brown•Sugar•]

طبيعي تغار على ولدها
خصوصا اذا كان وحيدها !!
انتي حاولي تكسبين امه
ولي قعدتوا انتي وزوجج معاها خليها تدلعه وتحطله الاكل
او تقدمله العصير او تصب له الشاي من هالسوالف
ادري المفروض العكس بس هذا الحل الوحيد لاتحاولين
تبينين لها انج صرتي مكانها
والله يعينج صراحه

 

[دلوعة صلوح]

الله يهديها لج ان شاءالله هذى امة ماتقدرين اتسوى شئ فوضى امرج لله.

 

[ترجمة احساس]

الله يهديها

 

[Miss Chanel]

البــــــنات ماقصرو
واحسن حل يحطلج شقــــه بالبيت نفسه وباب خارجي لج انتي

 

[وردة-الكويت]

انا مريت بلي مريتي فيه اخذت واحد وحيد امه وكله تقولي ترا ولدي انا مربيته على الدلع والدلال الله يكون بعونج

دام زوجج يحبج كل شي يهون واصبري