تكريم المنطقة للمتميزات @@ المواظبات بالحضور @@

[أتوش حياتي]

شصار عالتكريم

كرموهم و الا لأ

 

[مشاعل]

تم التكريم بروضه الشاميه

بس للاسف كل سنه

الواحد وده يتكرم مويتهزأ

طريقتهم كلش مو حلوه

المدرسات سطرتين كراسى ورا

وطبعا الطاولات وعليها المعجنات والحلو والمكسرات والكتيبات الى عليها انشطه الروضه الى نشوف الكتيبات من بعيد وطبعا مر علينا العصير والشاى بس ما نقدر ناخذ لان مافى مكان نحطه وحتى صحن حلو ما مر علينا الحمدالله محنا رايحيين يوعانين ولكن وين التقدير ؟؟؟

هل هذا التكريم للمدرسات ام للضيوف والتوجيه

ياريت يصير فى مساواه

انا هذى رابع سنه اتكرم فيها وخلاص السنه اليايه بكسر الدنيا بالغياب

 

[مشاعل]

نسيت اقول روضه الشاميه لافى بوفيه ولاهم يحزنون

بس معجنات وحلو حق التوجيه والمديرات والمشرفات

المدرسه بس لها اطالع

الله يسامحهم

العام كان بروضه الدعيه على ما اعتقد

بصراحه كان بوفيه وايد حلوووو

 

[smily]

حبيبتي رفيجتي كانت معاكم و تقول انه كان في بوفيه يمكم ...و ترى يعتمد على مساحة المكان بس قوليني لنا شصار اهناك يعني بس هذي النقطة السلبية الي شفتيها ؟!

 

[عهود الحب]

طيب شنو عطوكم مشاعل
نبي نعرف شنو الهدية للمعلمة الي ماغابت تسع شهور
بس نبي نعرف سموها بلاغة شف هههههههههههه

 

[عشوشه]

السلام يا حلوين أنا أتكلم بالنسبه لمنطقة حولي التكريم كان في روضة الهدهد و كان واو كما سمعت لأني ما كنت معاهم هاهاهاها لأني أغيب و أمرض بشكل طبيعي و لا أضغط على نفسي أما صديقاتي العزيزات فهن ثنتين من اللي تكرمو بس عندنا التكريم غير لبسوهم وشاح التميز و عطوهم قلب ذهب عليه لفظ الجلاله و طبعا شهادة تقدير و هذا غير الضيافه اللي مدحوها حيييييييييييييييل و حاطين صور المتميزات على بنرات و خلو كل المسؤلين يوقعون عليهم و حق دخلتهم مسووين لهم أغنيه خاصه كتبتها أبله نوره من روضه مشرف و بعد أقواس ورد على طول ممر دخول المعلمات المتميزات مثل مدخل العروس ورد ولولو و حركات قرعه و أنا بصراحه قررت السنه اليايه ماراح أغيب و بجرب التميز لأن الشرط الوحيد اللي ما ينطبق علي هو شرط الغياب خخخخخخخخخخ

 

[مشاعل]

حبيبتي رفيجتي كانت معاكم و تقول انه كان في بوفيه يمكم ...و ترى يعتمد على مساحة المكان بس قوليني لنا شصار اهناك يعني بس هذي النقطة السلبية الي شفتيها ؟!

البوفيه لصغير كان عباره عن طبقين بيتزا ومحد قال انه للمدرسات ولا احد قرب منه

لان انتى عافه طبيعه المدرسات يستحون والبعض يخاف يتحرك

وكل ما تحركتى يوج مدرسات الشاميه

ليش انتى شايفه هذا شويه

انا بالنسبه لى احب اقدر نفسى واقدر غيرى لذلك احب يقدرونى

لا ماكن فى سلبيات كل شى منظم وفقراتهم كانت حلوه

والروضه حلوه والمسرح وايد حلو

 

[مشاعل]

طيب شنو عطوكم مشاعل
نبي نعرف شنو الهدية للمعلمة الي ماغابت تسع شهور
بس نبي نعرف سموها بلاغة شف هههههههههههه

مافى هديه فى شهادة تقدير

 

[مشاعل]

السلام يا حلوين أنا أتكلم بالنسبه لمنطقة حولي التكريم كان في روضة الهدهد و كان واو كما سمعت لأني ما كنت معاهم هاهاهاها لأني أغيب و أمرض بشكل طبيعي و لا أضغط على نفسي أما صديقاتي العزيزات فهن ثنتين من اللي تكرمو بس عندنا التكريم غير لبسوهم وشاح التميز و عطوهم قلب ذهب عليه لفظ الجلاله و طبعا شهادة تقدير و هذا غير الضيافه اللي مدحوها حيييييييييييييييل و حاطين صور المتميزات على بنرات و خلو كل المسؤلين يوقعون عليهم و حق دخلتهم مسووين لهم أغنيه خاصه كتبتها أبله نوره من روضه مشرف و بعد أقواس ورد على طول ممر دخول المعلمات المتميزات مثل مدخل العروس ورد ولولو و حركات قرعه و أنا بصراحه قررت السنه اليايه ماراح أغيب و بجرب التميز لأن الشرط الوحيد اللي ما ينطبق علي هو شرط الغياب خخخخخخخخخخ

عشوشه

منطقه حولى التعليميه ما عندها تكريم للمعلمات الى ماغابو

هذا تكريم للمعمه المتميزه على مستوى المنطقه

تعرفين شروط تكريم المعلم على مستوى الوزاره نفس الشى بس هذا على مستوى المنطقه

ويتم اختيار معلمه وحده فقط من الروضه من قبل المديره والمشرفه ومساعده المديره

 

[عهود الحب]

اها
يعني مدرسة ماغابت سنة كاملة ولايوم
واخر شي يعطونها شهادة تقدير
ومدرسات قزروها فعاليات وورش عمل وتمشور عالرايحة والجايه
وياخذون هدايا وتميز
خوش والله


انا لي 15 سنة ما اغيب هالسنة قررت اخربها
ماقدرت ضميري أنبني
صراحة صعبة الي مومتعود يغيب يغيب
وصعب الي مطنش يتعلم الالتزام حتى لو جرب نار الخصم

و ترى فعلا الملتزم ومايغيب ماله مزايا بنظر التربية والتعليم
وحصيلته اخر شي ظهره منحني وماكل هوى

 

[أوركيد]

تكريم حولي مو بس لعدم الغياب...لا

تكريم للمعلمة المتميزة...امتياز آخر سنتين او ثلاث..ماكو غياب ..خبرة 5سنوات واكثر..

من كل روضة معلمتين ..واذا مافيه ...معلمة

روضتنا على طول يختارون 2..

العام كنت مختاريني ..وكانت الحفلة وااايد حلوة والهدية قلب ذهب..

الفال لكم كلكم ان شاالله يا ابلات..

 

[ملاك-77]

صعب والله اني مااغيب طووووول السنة

ولا اقدر اداوم وانا فيني حراره والا انفلونزا والاحتقان

بصراحه ماشاءالله عليكم خخخخ عيني بارده لاتحاتون وذكرت الله

اشلون كنتوا تداومون وتقدمون دروسكم وانتوا مراضى !!!

ودام التكريم بشهاده مااحس انها حافز لي اقل شي درع

 

[* @ * كرستال * @ *]

للرفع
لعيون معلمات
رياض منطقة العاصمة​

 

[المستغفرة 74]

غريبة ليش ما يسوون هالفكرة بنمنطقة الجهرا
اول مرة اسمع بها التكريم

 

[مشمشه شعوله]

والله انا العام الماضي كرموني في منطقة الفروانيه التعليميه روضه في الفروانيه نسيت اسمها التكريم عباره عن كتاب شكر بسسسسسسسسس وانا مو غايبه ولا يوم بصراحه تضايقت هذا التكريم ولا بوفيه ولا شي فقمت هذي السنه وخذيت العرضي كله وثلاثة ايام مرضي من الحره والحسافه على السنه الماضيه بصراحه التربيه ما ينفع معاهم الاخلاص والضمير اسالوني عن خبره

 

[كويتية ذهب]

ههههههه
بالفروانية المفروض يكرمون الي ما عدو اكثر من 15 يوم لان صعب ونادر تلقين ابلة متزوجة وعندها بزران صغااار وكل شوي مرضى وما تغيب علشان عيالها والا شرايكم ؟؟