تكرمون بشتري جوتي لزوجي ولا عارفه من وين

[Ms. hypnotic]

السلام عليكم بنات مبارك عليكم الشهر والله يتقبل منا ومنكم صالح الاعمال ان شاء الله
بنات تكفون شورو علي من وين اشتري تكرمون جوتي لزوجي حق العيد ؟
ابي شي كشخه ورزه وبنفس الوقت بسعر معقول يعني بحدود ال40 او 35 دينار
واشتري بني ولا اسود ؟؟
الصراحه انا ميح بالدشاديش وكمالياتهم ريلي نوعه سبورت وكاجوال فبالعيد شي طبيعي بيغتر فبشتريله شي حلو وزره وتنصحوني اشتري له خام للعيد ؟ وشنو احسن نوع خامه ؟ وشنو العطورات الرجاليه اليديده النازله ؟؟ ابي رايكم قبل لا اروح فافافوم ودبنهامز لاني مااحب افرفر احب اروح وانا عارفه شنو ابي وريلي يحب طقة عطورات ديور وايد ابي العطر اليديد والمرغوب وايد
مشكورييييين يابعد قلبي وناطره منكم الرد :***

 

[Rock Star]

بالنسبه حق تكرمين الجوتي
روحي
Clarks

عندهم أشيااء حلوة .. وبحدود الأسعااار اللى تبينهااا

 

[Q8Lady]

انا اقول اخذيه معاج وخل يختار وقولي هذي هديتك لان صارت معااااي شريتله تلفون وجنه العيد قطه قال مو حلو مال هنود !!! قاصين عليج ومن هالحجي ودقرني ههههههههههههه

 

[مملوحة_الوصايف]

رد : تكرمون بشتري جوتي لزوجي ولا عارفه من وين

صح كلام روك ستار كلاريكس حلوو واسعاره معقووله اووو بالنسبه حق العطورات اذا يحب ديور معناته يحب العطر القوي لان ديور عطوراته كله جذي جربي تاخذيله شانيل الور او اي شي نازل عندهم يديد من شانيل سالي لا رحتي والخامات ماعرف بس عندج امير الامراء الي بالصالحيه خاماته حلوه وماركات ومره وحده صعدي فوووق جنه في محل رجالي نعل او جوااااتي

 

[Ms. hypnotic]

بالنسبه حق تكرمين الجوتي
روحي
Clarks

عندهم أشيااء حلوة .. وبحدود الأسعااار اللى تبينهااا

مشكوووره حبيبتي وبالنسبه لكلاريكس وين القاه ؟:wqedqw:

 

[Ms. hypnotic]

انا اقول اخذيه معاج وخل يختار وقولي هذي هديتك لان صارت معااااي شريتله تلفون وجنه العيد قطه قال مو حلو مال هنود !!! قاصين عليج ومن هالحجي ودقرني ههههههههههههه

لووول مثل ريلي مره يبتله من ارض المعارض ايفون وكان الكلام من ورا صيني مع انه اصلي بس توزيع الصين يعني مو موطقه المهم قعد يتطنز علي يقولي شافوج بنت قصو عليج لوول وطلع يتغشمر مو من صجه لان ال3 جي اس كله تجميع الصين كان بحزته

 

[Rock Star]

العفوو حبووبه

في الله يسلمج بالأفينيوز + جاشنمال

يالله عااد لااا تنسين من الدعوة الحلوة

 

[Ms. hypnotic]

رد: رد : تكرمون بشتري جوتي لزوجي ولا عارفه من وين

صح كلام روك ستار كلاريكس حلوو واسعاره معقووله اووو بالنسبه حق العطورات اذا يحب ديور معناته يحب العطر القوي لان ديور عطوراته كله جذي جربي تاخذيله شانيل الور او اي شي نازل عندهم يديد من شانيل سالي لا رحتي والخامات ماعرف بس عندج امير الامراء الي بالصالحيه خاماته حلوه وماركات ومره وحده صعدي فوووق جنه في محل رجالي نعل او جوااااتي

عاد لي روحه للصالحيه بطلع نفنوفي من ديزاينر مشكوره حبيبتي وبمر امير الامراء بس ماقلتيلي جم اسعارهم ؟ يعني بحدود الجم ؟وبالنسبه للعطور ان شاء الله بروح اجيك على شانيل مشكوره ياقلبي :*

 

[Ms. hypnotic]

العفوو حبووبه

في الله يسلمج بالأفينيوز + جاشنمال

يالله عااد لااا تنسين من الدعوة الحلوة

الله يوفقج وين مارحتي ويغفرلج بهلشهر الفضيل ويغفر لكل بنات المنتدى والمسلمين والمسلمات الاحياء منهم والاموات اللهم امين

 

[ام ورود مول]

روحي مجمع المثنى وطبي وتخيري
اشكثر محلات جواتي رجالية

 

[Ms. hypnotic]

^
^
مشكوووره ياقلبي اي ولله ذكرتيني بالمثنى يبيله امره

 

[ABoOoBA]

تبين شي حلو وراقي وكل الرياييل تستانس عليه وراح تدعيلي

شوفي اهو محل لي قطيتي الفلس عليه ما تتحسفين جوتي يكد معاج لي 5 10 سنين جدام

حبيبتي المحل بالفنار تحت قبال ستيبس

وفي مة بالمهلب تحت المحل الي كلة يبيع سوالف حق بنات روكوبوركو

بس بالفنار احلى

 

[توت عنكبوت]

بالي في الراية مسوي تنزيلات

توني شارية لزوجي ب69 خوش جوتي

قبل العرض كان ب 125 والحين 69صراحة حلو وماركة وعليه حرف بي باسم الماركة

 

[مملوحة_الوصايف]

رد : رد: رد : تكرمون بشتري جوتي لزوجي ولا عارفه من وين

عاد لي روحه للصالحيه بطلع نفنوفي من ديزاينر مشكوره حبيبتي وبمر امير الامراء بس ماقلتيلي جم اسعارهم ؟ يعني بحدود الجم ؟وبالنسبه للعطور ان شاء الله بروح اجيك على شانيل مشكوره ياقلبي :*

والله ماقص عليج مادري :s141: بس امي تاخذ حق اخوي وانا انطرها بره امل وهي تشتري ماحب سوالف الريايل لوووووول دام لج رووحه مري شوفي اسعاره

 

[ام ناصروحنين]

بالنسبه للدشاديش احسن خام بالمثنى اجواخ ابوالحسن اسم الخام ابو خوختين

الطاقه ب45دينارواذاتبين بالدشداشه

يقص لج على حسب جم متريفصل ريلج

النعال كلاركس او فيتال هم بالمثنى محلاتهم يم بعض

والعطراخذي له هوم من ايف سانت لوران او ون مليون

واذاتبين غتره اخذي له ماركة دنهل او جفنشي من محل الامراء بليلى غاليري

وتكفين محتاجه دعوه منج بالصحه والعافيه