تكاليف العمره الله يجزاكم خير

[امـ جوجو]

مرحبااا خواتي وحبيباتي :balo:


بنات انا ودي اروح للعمره من زمااان مارحتلها رحتلها وانا صغيره مااتذكر شي بقيت منكم تقولولي تكاليفها اذا رحت بطياره بجم ؟واي مكان احجز للسكن ابي بفندق ابي مشورتكم وابي مكان حلوو للصوغات تكون اسعاره مناسبه بليييز بنات وجم تكاليفها لمدة يومين شخصين بس لاتطنشوني ولكم دعوه حلوه مني :aha:

 

[امـ جوجو]

وينكم بنااات ناطرتكم الله يجزاكم خير

 

[هنـــد]

ياعمري على حسب الطيران

شوفي بقولج تجربتي كل سنه اروح مكه الحمدالله

مره رحت عن طريق طيران القيصومه السفر من السعوديه سعر التذكره للشخص 62 وحجزنا عن طريق الانترنت عالخطوط الجويه السعوديه

والحين نروح مع طيران ناس سعر التذكره 70 ونطير من الكويت

والسكن انصحج بثلاث الفنادق لا تجربين غيرهم اقبال الحرم على طول ابراج مكه وزمزم والتوحيد

واسعارهم ابراج مكه وزمزم من 50 دينار وطالع لليله

والتوحيد من 80 دينار وطالع

في عروض بالجريده شكثر شوفي اللي يناسبج

بالنسبه للتسوق بمكه عندج يا ابراج مكه او زمزم بس

تروحين وتردين بالسلامه

 

[امـ جوجو]

تسلمين حبيبتي ماقصرتي

 

[أميره بلا قصور]

روحي عالخطوط السعوديه تذكره واقامه وافطار بفندق بدار التوحيد وهو افخم فندق واغلاهم ب170 ديناار 3 اياام يااابلاااااااش

و شوفي العرووض بالجراايد بالهبل واسعارهم مقااربه

بس الاحسن فنادق دار التوحيد بعده موفنبيك لانه جديد بعده الهيلتون( الهيلتون ريووقهم يهبل)

لاتحجزين زمزم لانه سالفه الاصانصير تغث تنطرين دوووور وزحمه والافطار فيه اي شي


والاسوااق ابراج مكه وزمزم مثل ماقالت اختي اللي قبلي ... والعزيزيه بس بعييد شوي لازم تكسي

ولاتنسين تدعيلي هنااك:tek:

 

[نووووونا]

هلا ام جوجو انا رديت عليج بموضوعج الثانى

 

[امـ جوجو]

ماقصرتوا يابعد عمري وان شاء الله بدعيلكم كلكم

 

[امـ جوجو]

-----------------------------------------------------------------------------

 

[امـ جوجو]

بنات ابي محلات اقمشه رخيصه بمكه وين الاقي عشان بييب صوغات الله يوفق اللي بتساعدني :yaaaaaarb:

 

[زهرة الزهور]

ماعندي فكرة
الله يوفقتج

 

[shelatah]

انا توني راده

التذكره مع السكن برج زمزم 140 على الوطنيه

وبالنسبه للاقمشه في محلات بالعزيزيه مو مكه

 

[امـ جوجو]

ماقصرتوا بنات