تقفلون الباب

[farawla_q80ia]

السلام عليكم
شلونكم
يا بنات اذا طلعتاو من البيت مع عيالكم والخدامة قعدت بالبيت بروحها تقفلون الباب عليها ولا لا يعني تاخذون المفتاح معاكم ولا تخلونة معاها

 

[الغاليه نونو]

اكبر غلط تقفلين عليها الباب ياقلبي هذى لوتروح تشتكي عليج وانتي موبالبيت وتدق علي 777 وتتبلا عليكم بيسجلون عليكم قضيه حجز للحريه علي قولتهم ديري بالج
الخدامه لي بغيتي تطلعين اذا بتاخذينها معاج كان بها واذا ماتبين تاخذينها تخلينها بالبيت لازم عندها الفتاح سبحان الله صار ماصار الا تقدر تتصرف واذا انتي شاكه بتصرفاتها وخايفه تسوي شى بغيابج حطي الكاميره اللي تراقب وشوفي شيصير بالبيت وانتي طالعه واذا ماتقدرين تحطين كاميره وانتى شاكه بتصرفاتها وديها عند اهلج وخلصي مشوارج ومري اخذيها بس لاتقفلين الباب ياقلبي

 

[bnt_kwt]

لا طبعا اخلي لها مفتاح احتياط لا قدر الله صار شي حريجه بالبيت ولا شي لا قدر الله الا تقدر تطلع وتتصرف

 

[farawla_q80ia]

يا بعد عمري مشكورة علي الرد الواحد احتار معاهم ما ينغفل عنهم

 

[bnt_kwt]

قطيعه هذول اللي يقولون عنهم شر لا بد منه بعد شتسوين

 

[* LOVE STORY *]

آنا اذا طلعت وهي والبيبي موجودين <<<< نااادرآ وفي مواقف طارئه كطبيب مثلآ
أقفل الباب بس يكون معاها مفتاح لا سمح الله شبت حريجه والا صار شي الا تقدر تتصرف وأكون على اتصال معاها لين ايي

 

[لبيه لكن!]

ليش اقفله ؟ بالله احترق البيت وين تروح هالفقيره!
اخلي معاها مفتاح اصرف لي واصرف لها
يسلمو عالموضوع

 

[كويتيه مرحه]

اختي لازم انخلي عنددها المفتاح لان ممكن سبحان الله يصير شيء لها اوحريق فمنوا يتحمل المسؤوليه غيري

 

[ام المزايين]

انا الحمد لله ساكنه مع حمولتي فالحمد لله اطلع وخليها ولا احاتي

 

[*ستايل*]

طبعا لازم يكون عندها مفتاح ماتدرين شنو يصير بالبيت لو يحترق الله لايقوله
شنو بتسوى المسكينه ....؟؟

 

[قمر ضاوي33]

واله احترنا فيهم

انا الحمد لله ساكنة عند حمولتي

بس رفيجتي كانت تروح الدوام مع ريلها وتخلي الخدامة بالبيت اكتشفت ان الخدامة تدخل رياييل اعوذ بالله في بيتها قالت لها يارتها جزاها الله خير ...

سفرتها ويابت وحدة ثانية وكان عندها بيبي ... همن طلعت تدخل رفيجها عمى بعينها شهرين بالكويت تعرفت على المصري الي يوصل طلبات كنتاكي حق الشقة الي يمها بالدور ...

يابت خدامة ثالثة ... توديها مع بنتها عند امها مع ان المشوار طويل بس شتسوي ... كل متأخرة عن الدوام وما ترد البيت فقيرة الا مهدود حيلها والبيت مو نظيف والهدوم مو مغسولة وماكو غدا بس شتسوي تعبت من هالخدم ..

صارت لمن تطلع المغرب تاخذ بنتها وتقفل الشقة على الخدامة بس تخلي لها التلفون ... وموصية يارتها اذا صار اي شي تبلغها وعند يارتها مفتاح ...

طلعت خدامتها تغازل بالتلفون ... واي مسكينة طفرت الدقة ان هذي الي يابتها يدة وعمرها يمكن خمسين سنة ...