تقعدين ابيت حمولتج بروحج بدون ريلج؟

[مناير ...!]

مرحبا بنات شلونكم :eh_s(22):
عندي سؤال :eh_s(22):
الحين لو زوجج طلبج اتنامين عند اهله بروحج
واهله مو بالديره برا الديره وقالج فلانه ابيج اتروحين عند اهلي اسبوع اسبوعين
شنو موقفج ؟؟ اتوافقين؟؟ بروحج بدونه؟ واهله مايصيرون لج
زوجي مايصير لي بس كلنا نفس القبيله وبعايلتنا وعايلتهم فيه نسب
اهله برا الديره ويبيني اروح عندهم اسبوعين بروحي :eh_s(1):
خالتي وعمي والبنات ايموتون علي وانا همن احبهم
بس عاد جنه صعبه يقطني بروحي :eh_s(2): شنو موقفكم بنات؟
خصوصا لو علاقتج مع ريلج مو لهناك وبينكم مشاكل ؟
اهو قاعد يقارن بانه يخليني اروح عند اهلي واهلي همن برا الديره
بس عاد هذول اهلي مو اهله :eh_s(16): يبه اهلك تبيني اروح لهم تعال معاي :eh_s(16):
انتو شرايكم؟ قبت بينا هوشه عوده بسبه هالموضوع :eh_s(16)::eh_s(16):
مرت حماي بنت عمهم وماتروح تقعد عندهم بروحها
قتله وقالي لااتقارنين نفسج فيها اهي موظفه :eh_s(14):
علما انه احنا ساكنين ابيت اهله بس البيت صاير جنه بيتنا
لانهم اهم بالسعوديه ويجون الكويت بس زيارات :eh_s(1):

 

[ناتشوو]

دام مصر
ووصلت هوشة
مااظن لج خيار
خلاص روحي واقصري شر

انت ليش معارضة ؟
دام علاقتج فيهم طيبة
مجرد ضيفة
اكيد بيوفرون لج غرفة خاصة

 

[شذونه]

انا بصراحه مادري وين المشكله يعني اذا زوجك مو معك بياكلونك او زوجك امان لك تبينه معك او عناد او ايش بالضبط

الموضوع عاددي جداااا

المفروض من البدايه وافقتي وبكل هدوء لاني ماشوف فيه مششكل

وبالتوفيق يالغالييه

 

[هويتك]

عادي روحي عشان خاطره عالأقل هذا ريلج طاعته واجبه


دام علاقتج فيهم حلوه ويحبوني ماعتقد فيها شي مادري ليش مكبره الموضوع ورافضه جنج تبينين له انج ماتحبينهم وأهم ماضروج بشي

روحي عشانه واستانسي شنو وراج

 

[Perfume]

ليش يبيج تروحين لهم بروحج ؟؟
اهوا وين بيكون !!

 

[رنيم الروح]

حبيبتي مدام الموضوع وصل للهوشه اقصري الشر وروحي
وانتي تقولين اهله يحبونك وانتي تحبينهم والله يديم المحبه ويمكن اهم مشتاقين لك عشان كذا يبيك تروحين وكلها اسبوعين وتعدي اعتبريها تغيير جو او تجديد للروتين بينكم

 

[مناير ...!]

مشكورين بنات
بروح لهم وطرحت الموضوع بشوف رايكم

والي تسال اهو وينه
بالديره عليه دوام

 

[Zaina-al-zaina]

اهوا وين بيروح ؟؟؟

شغل والا شنووو ؟؟؟

على اي اساس بيقعدج عندهم ؟؟؟ سبب مقنع روحي !
سبب مو مقنع كلميه بالطيب طولي بالج معاه شوي ...

والله يعيييينج

 

[Zaina-al-zaina]

اذا السالفه سالفة دواااام

لايبه عادي روحي عند اهله ... الريال غيري جو عندهم ،،،
اهوا يمكن مايبي يخليج عند اهلج كل مرا يروح او مايبي يخليج عندهم مده طويله
بيطمن عليج مادامج عند اهله ...

طولي بالج وخليها احلى اسبوعين بحياة حمولتج وريهم شطارتج وعطيهم الريج الحلو
لج ولريلج ،،،

مع كااااامل تحياتي ،،،،،

 

[Perfume]

ما فهمت
اهوا عنده دوام عادي ليش يوديج عند اهله !
ممكن يطرح الموضوع كفكرة او اقتراح وانتي لج حرية الاختيار
مو يجبرج ويقارن روحتج لاهلج بره الديرة
ولما انتي قارنتي مرت حماج قالج لا تقارنين !!!
خلاص حبيبتي اهم شي العلاقة بينكم طيبة
روحي وغيري جو
الله يسخره لج

 

[Patcholli]

امبيه شكو ..!!

انا لي تعنيت حق اهلي فهذيل من لحمي ودمي امي ابوي اللي يسوون ريلي ويسوون طوايفه بكل صراحه ومستحيل بالعقل والمنطق ان يقارن اهله باهلي .!!
اكيد معزت امي وابوي غير عن معزت امه وخواته بقلبي
امبيه مو من صجه ..!!
اكيد ما اروح وكلش مو شي منطقي اني اتعنا واسافرلهم بروحي
خير ان شاء الله ..!! :|

 

[Patcholli]

حبيبتي مناير كل الدوامات تعطي اجازه ..!!
مو عذر الدوام المدار والمسؤلين ياخذون اجازات ..
شتقولين بس ياعمري
الا اذا كان قطاع خاص اهني انا ما افهم نظامهم

بس هم ماله علاقه اني اسافر حق اهله هاذا شي مايدش المخ

 

[!الجادل الصعب!]

مادري ما اؤيد روحتج بروحج شالحكمه يعني .. بعدين لو في مناسبه نقول اوك
خصوصا ان مو معاج بالله احتجتي شي او شي من بتقولين له
واسبوعين مو شوي و ما افضل السفره الطويله مع حموله تجيب مشاكل .. واذا اهلج بيسافرون الاولى تكونين معاهم ..والله يهديه لج

 

[خالتي قموش]

الجادل الصعب ما فهمت شقلتي ههههههههههههههههههههههههههههههههههههههه


مناير روحي و اقصري الشر
ما عليه غيري جو
وانتي تقولين انهم حبوبيبين
هو اكيد الوحده ما ترتاح الا في بيتها
بس اعتبريها رحله
واخذي لاب توبج معاج اذا عندج
والوقت يمر بسرعه

 

[Stillness]

وي وي وي انا لو مكانج مااروح !!! بس انتي علاقتج طيبه معاهم يمكن تفرق انا ماخذه منهم موقف مع ان ماصار شي بس يعني شقولج اهما يعاملونه جنه ماتزوج!! جنه لي اللحين عزوبي كل شي ع راسه وانا تعبت فقررت اني اغير من هالوضع وابين له ان لك بيت ومكان انت مسؤول عنه يعني مثلا عادي اذا بسافر معاه اييون؟ انا لي اللحين ولا مره سافرت معاه مره قلتله شرايك عمره قال اي وناخذ اختي!! فقررت احط حاجز لين ما يستوعب ان انا زوجته لي حق وخصوصيه بالنسبه لي لا ماااااااااااااااا أروووووووح وماتهاوش معاه اخذه بالتفاهم وابينله وجهت نظري دايم ابين له ان رايك ع العين والراس ورايي بعد ع العين والراس!! ماتجبرني بس نتفاهم!! > جني وايد حازمه لووول

 

[PuPa^^SWeeT]

اول شي انتي مكبرة الموضوع وااايد


و ماخذ منحى مغاااير



ممكن فعلا تستغربين



بس مو ليهالدرجة

 

[قــمر]

أنا ساكنه مع اهل زوجي ما اصدق ع الله يسافر زوجي الا وأطير بسرعه بيت هلي الصراحة عند اهلي ارتاح راحه نفسيه مدللله حدي وأخذ راحتي يارب متى يصير لي بيت بروحي واحس بالراحه هذه فيه

 

[Arwa AL-O]

والله الواحد ماوده بالمشاكل
بس اشوف ان مالا داعي روحتج
يعني شماله مسافره لهم دام مافي شي
وليش اهوا مايروح معاج
مادري احس مو سالفه صراحه
قوليله ما اخذ راحتي واستحي
واخذيها من ناحيه اني ماقدر اخليك بروحك وابعد عنك اسبوعين
وايد اذا بتروح معاي اوك بس بروحي استحي اخذيه من هالناحيه
مالج الا جذي
وانا ضد اني اقعد عند الحموله بروحي واكثر القعده عندهم
حلاتج رسميه معاهم لان ان صرتي قريبه منهم
راح تصير مشاكل وايد انتي بغنى عنها ​

 

[manoooram]

ما أدري شالحكمة ان يبيج تروحين عند أهله بره الديرة
وهو بيتم بالديرة على أساس شغل !
خلنقول مناوبة أو شغل بيتم أسبوعين ؟!! الله يعينه بطبيعة شغله
مممم اذا هالشي مضايقج ان بتبعدين عنه أسبوعين بره الديرة وما راح تاخذين راحتج
ما فيها شي اقترحي عليه ان تروحين عند أهلج على الأقل تكونين قريبه منه

 

[خالتي قموش]

ع الاقل اسبوع مو اسبوعين