( تقسيمة مهر راقيه )

[مــرح]

مساء الخير صبايا

اول شي بسم الله ماشاءالله لا حول و لا قوه الا بالله
مهري وصل الحمدلله و قسمته ( انا مقتنعه فيه اميه بالاميه ) بس ابي رايكم

المهر 7 آلاف الله يبارك فيه يارب :yaaaaaarb: :


ذهب 2500
البدله البيضا 800
صالون 350
مكياج 150
عبايات 200
بدل استقبال 500
عطور 150
بخور 50
بجامات واندر وير 300
جناط وجواتي تكرمون 1000
ساعه 1000 ( راح اكتفي بوحده لان عندي شكثر ماركات حرام ماحللتهم بلبسهم )
اسناني بسويهم خارج حسبة المهر لاني عارفه شنو ابي بالضبط

( والحمدلله الذي بنعمته تتم الصالحات )


رايكم يا حلوين ] :eh_s(9):

 

[مذهلة2013]

الف الف مبروك حبيبتي

 

[ادمـنـ.ـت حبـبك]

الف مبروك حبيبتي
الله يوفقج ويتمم عليج علي خير
التقسيمه :eh_s(15)::eh_s(15):
بس عندي تعليق
350 صالون اشوف وايد
والبدله البيضا مستحيل تلقين 800
الحين من الف وفوق ولا لبسه 2 او 3 لبسه الاولي اكثر 2000
وحياتي لاتنسين مصوره .. وزفتج .. والمسكه
والله يبارك فيهم :yaaaaaarb:​

 

[مــرح]

الف مبروك حبيبتي
الله يوفقج ويتمم عليج علي خير
التقسيمه :eh_s(15)::eh_s(15):
بس عندي تعليق
350 صالون اشوف وايد
والبدله البيضا مستحيل تلقين 800
الحين من الف وفوق ولا لبسه 2 او 3 لبسه الاولي اكثر 2000
وحياتي لاتنسين مصوره .. وزفتج .. والمسكه
والله يبارك فيهم :yaaaaaarb:​

امين فديتج
انا زوجي ولد خالي فالزفه عليهم عادي
تصوير كلش مابي من زمان محذره لوووول
والصالون راح اطلب وحده بفندق فشامل الفندق والميك اب
البدله البيضا ما راح اقط اكثر من هالمبلغ عن قناعه لان حرام بشوف زياد والا اطلب من برا
المسكه ماراح تكلفني اكثر من اميه تتدبر قبل العرس :eh_s(10):

 

[مــرح]

الف الف مبروك حبيبتي

الله يبارك فيج حياتي

 

[ايمان7]

عسى الله يتمم عليج ويسعدج ياارب
بس اشوف ان سعر البدلة في ارخص من جذي ووايد حلوين وكشخة بـ 300 وفي أقل
والساعة انا اشتريت حق بنت عمي عروس ساعه فضية تلمع بـ 50 دينار ألبستها بعرسها
روووعه وكل رفيجتها اسألوها عن السعر محل بالفروانية

 

[مذهلة2013]

حبيبتي صج والكوشه ؟

 

[مــرح]

مذهله ههههههه الكوشه عمرها ماكانت علئ العروس بعايلتنا

انا كان ودي بكوشه تهبببببل وتلبيس خيالي بس امي تقول لا مايصير

 

[مذهلة2013]

صج مرح ؟؟ الناس عادات ههه احنا عاداتنا العرس من اهل العروس و الملجه من اهل المعرس

 

[ايمان7]

معروفه العرس كله على اهل المعرس
اللهم الا المصورة حقت العروس وساعات البوفيه يتشاركون مابينهم

 

[شموخ احساسي]

الله يوفقج بس انا اشوف توزيعج كلش ما يناسبني لان انا الذهب بس اخذ مني 3و700

والعطور غالية والعبي شوي 200

 

[я̤̈sτ̅є̲̐єǦ]

اول شي الف مبروك
بس احس فيه شغلات معطيتها اقل من قيمتها عندج العبي شويه ٢٠٠ انتي عروس يبيلج عبي كشخه وعبي عمليه
وبدل الاستقبال احس شويه عليها ٥٠٠ لانه الحين الاسعار بالعالي بصراحه
وحتى الذهب اسعاره مو ثابته مرا عالي حيل ومره نص ونص فا انا اقولج حطي احتياط زياده عن الفين ونص لانه سوق الذهب مو ثابت


وعسى ربي يوفقج ويسعدج

 

[Mzmz91]

اختي مشاءالله ترتيبج مثل ترتيبي حاليا واهنيجج على تقسيمتج! بحياتي ماشفت وحده تقسيمتها مرتبه مثلج مشاءالله عليج حبيت اقولج كلامج صح بدله العرس ماتتعدى ١٠٠٠ والله ياناس خساره محد بينتبه لها الا العرايس فقط! المهم يكون النفنوف مرتب وحلو مو بسعره! انا عجبني كل شي الا الجناط احس اوفر ١٠٠٠ لهم .. انا خليت لهم ٤٠٠ كافي وال٥٠٠ خليته للمصوره .. واحب ارد اهنيج على ترتيبج الراقي الله لايضرج ..

 

[عـِرۈۈق قلبــه]

موفقه أن شآء آلله

 

[لوزين]

موفقه حبيبتي بس

بدل الاستقبال حيل غاليه
ولاتنسين بدل الشقه يبيلهم ميزانيه
واغراض الحمام وانتم بكرامه والارواب

احسبي حساب كل شي عدل ولاتكثرين مكياج اشتري الاساسبات والسووق قريب الاهم العبي وبدل الاستقبال لان المشاغل يطولون شوي

 

[هدوووشه]

الف مبروووك مووفقه حبيبتي

 

[مــرح]

الله يوفقج بس انا اشوف توزيعج كلش ما يناسبني لان انا الذهب بس اخذ مني 3و700

والعطور غالية والعبي شوي 200

الذهب الله يستر منه بس بشتري سبحة ذهب وحده و شبكه خفيفه من داماس

العطور ماراح اغلط غلطه غيري و اكثر
حدي خمسه ( ثنين طقه الخمسين و الباجي ب30 و20 )

العبايات بشتري من الخبر اتعامل مع محل راقي وشغله حلو واسعاره زينه

 

[مــرح]

اول شي الف مبروك
بس احس فيه شغلات معطيتها اقل من قيمتها عندج العبي شويه 200 انتي عروس يبيلج عبي كشخه وعبي عمليه
وبدل الاستقبال احس شويه عليها 500 لانه الحين الاسعار بالعالي بصراحه
وحتى الذهب اسعاره مو ثابته مرا عالي حيل ومره نص ونص فا انا اقولج حطي احتياط زياده عن الفين ونص لانه سوق الذهب مو ثابت


وعسى ربي يوفقج ويسعدج

هلا يا قلبي الله يبارك فيج
العبي تكلمت عنهم و البدل بسوي بالبلوكات من تصميمي ماحب المشاغل بوق اشكره

 

[مــرح]

اختي مشاءالله ترتيبج مثل ترتيبي حاليا واهنيجج على تقسيمتج! بحياتي ماشفت وحده تقسيمتها مرتبه مثلج مشاءالله عليج حبيت اقولج كلامج صح بدله العرس ماتتعدى 1000 والله ياناس خساره محد بينتبه لها الا العرايس فقط! المهم يكون النفنوف مرتب وحلو مو بسعره! انا عجبني كل شي الا الجناط احس اوفر 1000 لهم .. انا خليت لهم 400 كافي وال500 خليته للمصوره .. واحب ارد اهنيج على ترتيبج الراقي الله لايضرج ..

حبيبتي تسلمين عسئ الله يهنيج و يسعدج
الجنط لان باخذ برادا و lv

 

[aṕriliå]

أول شي الله يبارك لج ويهنيج

زين والمصورة والمسكة والكوشة ؟
٨٠٠ ع البدلة البيضاء وايد !
البدل طلبية من اوروبا وامريكا ٣٠٠ وأقل بعد
العطورات حلو لا تكثرين عطرين غالية و٣ اطقم تكفي وتزود
جناط وجواتي بس ١٠٠٠ !



الله ييسر لج ويتمم على خير