تقريبا جم تكلفة بناء نصف دور

[ليتني مـآ كبرت]

أحنا بنينا (3غرف) و(شقة لأخوي) و (حمام زيادة) كلفنا كله 30 ألف من غير الأثاث و وحدات التكييف والأدوات الصحية ملوت الحمامات . ترا مواد البناء طاير سعرها بالعلالي من حديد واسمنت وأصباغ ومادري شنو هذا غير تمديدات الكهربا و تكرمون البايبات ترا أسعارها بالألاف إذا تبين شي عدل يقعد معاج العمر كله.
حتى السراميك والله ما أبالغ أن بالشويخ محل يبيع السيراميك بالحبة !! لو بتسرمكين حمام مجكنم يطلع عليج 300 دينار او أكثر.
بس فيه شغلة تذكرتها أحنا غيرنا تمديد الكهربا مالت بيتنا كله يمكن هذا اللي كلفنا !

دقي ع شركة مقاولات خل يجون يفحصون لج البيت وراح يحددون معاج التكاليف بالضبط. موفقة

 

[PHOTO♥BOOTH]

شكرا علرد

ورفع

 

[فارسة خالد]

والله حتى اختي تسأل بكم بنيان الطابق الثالث وبكم الاصانصير
ويعطيكم العافيه

البنيان مادري بجم ... بس الاسانسير يبدي من 3 الى 6 الاف

 

[فارسة خالد]

انا توني بانيه شقتي نص دور وكلف كله من الي 6 الاف مع الفرش طبعا

عليج بالعافيه حبيبتي

ممكن تقولين لي تقسيمة شقتج يعني جم غرفة ؟ الحمامات وانتو بكرامة ؟ الصالة ؟ فيها مطبخ او لا ؟؟

 

[الدلوعه2008]

مشكوره يا عمري في نتظار باقي البنات

 

[ام خدود ورديه]

بنات احنا بنبني شقه بالسط يعني غرفتين وصاله وحمامين ومطبخ
جم تقريبا يكلفنا مع التمديات وطبعا والارضيات (السراميك )
تقريبا ؟ انا قالولي 13000 مو وايد ؟؟

 

[فارسة خالد]

بنات احنا بنبني شقه بالسط يعني غرفتين وصاله وحمامين ومطبخ
جم تقريبا يكلفنا مع التمديات وطبعا والارضيات (السراميك )
تقريبا ؟ انا قالولي 13000 مو وايد ؟؟

انا اقووول يا بلاااااااش مو واااااايد

 

[PHOTO♥BOOTH]

upp

 

[ياراا]

بميات دور كامل 400 متر يكلف 11 الف بدوون الاثاث يعني مع التمديدات والكهربا والدكور والصبغ ويكون السقف كيربي وترا مفي فرق بس الصبا بروحها 5000

 

[روعة خيال]

احنا بنينا الدور الثالث بس البيت 650 متر ب12 الف و شي بس الديكور كان فخخخخخخخخخخخخم

موفقة حبيبتي و عساج تلقين السعر اللي تبينه

 

[Rahoum<3]

حبيبتي انا ناويه ابني شقة طلع السعر كامل من 13000 الى 17000 وللحين قاعدين ندور مقاول سنع

والمساحه مو كبيرة تقريبا 220 م

والله يوفقج ويوفقنا

 

[nora-bora33]

هلا حبيبتي
حلو موضوعج لأني أقدر افيدج
انا بيتي طابقين ونص
والنص هذا فيه غرفتين وحمام وصالة صغيرة فريلي قرر يكبر الطابق ويخلي طابق كامل
وطلع علينا بالضبط 4.500 >> هذا غير الاثاث والكسوة الداخلية
ومع الكسوة والتأثيث والذي منه يبيلي 4.000 يعني التوتل كله 9.500

 

[PHOTO♥BOOTH]

مشكوووره على الرد

ورفففع

 

[الدلوعه2008]

للرفع للرفع بنات وينكم

 

[بنت الثانوية]

اختي بناء البيت اول شي تروحين تاخذين مخطط البيت تشوفينه يستحمل الثلاث ادوار ولالا

ثاني شي الله يخلي سكراب امغره الي بالجهره كل شي رخيص سراميك وتاثيث الحمامات

ثالث شي تروحين مادري وين تاخذين الحديد والاسمنت المدعوم من الحكومه يعني مو تروحين تاخذين من السوق حديد وسمنت ترا يفرق حيل بالسعر

 

[أم سيف وسلطان]

ما فهمت شو تقصدون شقة نص دور

وحده تشرحلي

 

[شوشة حبيبي]

ةىلا ى

 

[كويتيه 26]

رد : تقريبا جم تكلفة بناء نصف دور

السلام عليكم

طبعا انا بفيدج ومن الاخر

لا انا ولا اي عضوه ولا حتي المهندسين والمقاولين يقدرون يعطونج سعر نص دور وبس

لازم تقوليلهم هالمعلومات:

بالبداية قوليلي جم مسطح البنيان او مساحة البنا بالضبط .. وجم تبي تبنين وشنو تبينه اسود ول نص تشطيب ول مشطب

وجم غرفه وحمام وفيه مطبخ ؟

وشنو نوع المواد مثل الطابوق في اسود عادي وفي الهيبل الي لونه ابيض عازل الحراره وووو

وشنو نوع الصبه الي تبي تسوينها جاهزو ول ايرانية ؟


جاوبي علي اسئلتي وانشاء الله بعطيج الحسبة بالضبط

 

[كويتيه 26]

رد : رد: تقريبا جم تكلفة بناء نصف دور

اختي بناء البيت اول شي تروحين تاخذين مخطط البيت تشوفينه يستحمل الثلاث ادوار ولالا

ثاني شي الله يخلي سكراب امغره الي بالجهره كل شي رخيص سراميك وتاثيث الحمامات

ثالث شي تروحين مادري وين تاخذين الحديد والاسمنت المدعوم من الحكومه يعني مو تروحين تاخذين من السوق حديد وسمنت ترا يفرق حيل بالسعر

صح بس ما يعطون اي احد .. لهم شروط ومستحقين مو اي واحد بيبني يعطونه بس الي يبي يبني يتاكد بالبداية يمكن يحقله واكيد راح يوفر عليه وايد

وطبعا كل الييعطونهم ارض وقرض لهم مدعوم

واي شخص ياخذ سلفة لترميم البيت او توسيعه ... وياخذ القرض من بنك التسليف يعطونه


وشكرا

 

[summer's day]

رد : تقريبا جم تكلفة بناء نصف دور

رفع رفع