تفيدكم وايد

[Noony 88]

السلام عليكم ..
حبيبياتي الموظفات اللي حسابهم الوطني و حابين تكون عندهم فيزا او ماستر كارد تراسلني .. انا حابه اساعدكم من اللويه و التعني حق البنك و النطره
و لاتنسون البطاقات تشمل خصومات عجيبه خاصه الحين بالصيف و مجانيه ما عليكم الا تراسلوني و الباجي علي ..

 

[asma]

اشم ريحة بووقه جايده شتبين بالمدرسات اللي
السنه كلها كراف وبتاخذين الجم بيزه! شلون
البنك لعبه لازم روحه سخصيه شماله اعطيج ا
اوراقي وحساباتي واقعد انطر يردون لي ولالا

 

[asma]

فقط للتحذير والباقي علي ادارة المنتدي
اللهم بلغت اللهم فشهد

 

[Noony 88]

الله يسامحج اختي .. الحمدلله انا بنت عايله و عندي خير و نعمه و هذي مساعده حبيت اقدمها حق جميع الموظفات اللي حابيت يفتحون ماستر او فيزا و ما احتاج منج شي ليش ابوقج .. عالعموم شاكرتلج بس كلن يرى الناس بعين طبعه

 

[Q 8 Y A t]

اخت نوني

المساله يبي لها اوراق شخصية المدنية وغيره

اشلون اتخلصينهم والتواقيع وهالامور

 

[Noony 88]

اي انا عارفه .. على اساس ان انا ايي لي عندكم بدل العنوه بس نحتاج صورة من البطاقه المدنية الاصليه و انتي اللي توقعين و كل شي هذا زياده شغل لي بس عشان انا مضطره اتحرك اكثر

 

[قلب راشد]

حبوبة انا حسابي ذهبي ومطلعه الماستر مالت الحساب بس ابي اعررف المحلات اللي عليها خصومات بليز

والله لو ادري جان سويت عندج بدال نطرتي اسبوعين على ما طلعت البطاقه

 

[asma]

الاصل بالدين النصيحه ماعرف بالنوايا لكن النصيحه
واجبه وانا اقعد في بيتي واعطيج توكيل تسوين لي
انا عن نفسي اشوفها مومقبوله من باب المؤمن كيس
فطن شلون احفظ حقي في حال السرقه القانون لايحمي
المغفلين
بخصوص كلماتج بحقي مسامحه انا ماعرفج ولاتعرفيني
انا قدمت مايمليه ضميري وان كانت نواياج سليمه

 

[Noony 88]

حبيبتي اسما انا اذا بغيت اسوي راح اييج بنفسي و معاي هويتي مالت البنك

 

[Noony 88]

قلب راشد حابه اطرش لج البروشور ؟

 

[Winter Q8]

سؤال : انا وحده ما أحب الدين كلش .. وودي بالفيزا علشان استفيد من نقاط الوطني .. يصير ادفع بالفيزا و اسددها بنفس الوقت
" ترا كلش ما اعرف بطريقة الفيزا دايم ابوي يحذرنا منها "

 

[Noony 88]

اي حبيبتي في طريقتين للدفع .. و يصير تدفعين على طول بنفسج عن طريق سايت الوطني و اذا تسالين اكثر راح اقدر ادزلج رقمي عالخاص و كلميني وانا اسويلج كل اوراقج

 

[Dalo3h]

موفقة حبيبتي

عادي احنا متعودين بالجامعه يووونا مندوبين من الوطني وياخذون الاوراق وبعدها باسبوع او اسبوعييين يبونا لنا البطاقه

مو شي جديد

*بالعكس جزاها الله كل خير

 

[Noony 88]

تسلمين دلوعه ماقصرتي حبيبتي .. هذا اللي احاول اوصله

 

[Noony 88]

اي حبيبتي في طريقتين للدفع .. و يصير تدفعين على طول بنفسج عن طريق سايت الوطني و اذا تسالين اكثر راح اقدر ادزلج رقمي عالخاص و كلميني وانا اسويلج كل اوراقج