تفضلين عيالج وايد ولا شوية

[.LONDON]

مرحبا بنات

الموضوع نفس العنوان احسن الوحدة يكون عندها عيال وايد ولا شوية

انا الصراحة ودي بكثرة اليهال بس المشكلة انا وحدة عصبية ومااتحمل ازعاج

فاقول اكتفي ب 3 اللي عندي

وبنفس الوقت بنات جماعتنا اقل وحدة عندها ماشاء الله 7 الله يعطيهم الصحة والعافية

وهالشئ يجبرني احمل بعد وايب عيال لاني اخاف اكبر واتحسف والا احتر من عيالهم

ولا احتر من يمعتهم

منو نفس تفكيري بنات

وشنو تفضلون انتم؟
​

 

[{بسكوتهــ~}]

افضل اربع بس
عشان مايصير البيت لوية وازعاج

 

[عيون سارة]

الله كريم
هذولي رزق
والى مكتوب لج بتاخذينه انا عني خاطري بخمسه
مثل امي
لووووووول

 

[TeKaNa_Girl]

ودي درزن خخخخخخخ
لاني وحيدة امي وماعندي خوات ولاخوان

 

[om al ghaleen]

حبيبتي كل واحد وظروفه يعني في حريم تكتفي بأثنين وتوقف
وفي حريم ماشاء الله يكون عندها عشر مو بس سبعه تبارك الرحمن

فبتشوفين تناقض بالردود
عن نفسي افضل العايله الكبيره لانها بتكون ذخر وسند لاكبرت
ويكفي لاصرت كبيره بالسن بيكونون حوالي
وواحد يعوض ع الثاني
وانا مثلح مااحب الازعاح ودقيقه بالنظافه وعصبيه
ومع هذا احب عيالي واحس البيت كئيب ومريض اذا طلعوا مع ابوهم

 

[جلكسيه اس 3]

حاليا الاثنين اللي عندي مالين حيااتي
كلش ما افكر اييب
ابي استانس معاهم و يستانسون بطفولتهم عدل وادلعهم عدل
ممكن بعد جم 3 او 4 اسنين افكر اييب لهم بعد 2
وطبعا ابي بنت و ولد عشان يلعبون معاهم

بصراحه حدي اربعه
او 5 بس اكثر من جذي نو وي

 

[_ظل الياسمين _]

اشوف 4 يهال عدد مقبول لهالوقت ........................
متطلبات دراسه وتعب ...............وانا نوعى مااحب اللويه
وعندى مبدا انه لا كثرت اليهال ولا قلتهم اهى الذخر.......
اهى البركه ....................واتمنى من ربى اكبر بصحتى وعافيتى
ومايحوجنى لاحد باذن الله.......................مشكوره ياقلبى.

 

[غـرامـي أنـت]

افضل 4

 

[انوثة من حرير]

انا افضل الي كاتبة لي ربي انا راضية لو يصيرون 10 اليهال باجر يصيرون حريم وريايل ونستانس بلمتهم الحين الاجانب يقلدونا حسو بالوحدة ترى الذرية نعمة من الله بنات ان الله اخذ اعمرنا نلقى ذرية ترحم علينا وتصدق لنا

 

[كويتيه مزاجيه]

انا ودي 7 لوووووووووووووووووووول
ما ادري ليش
ابي بنتين والباجي صبيان

 

[Om 3zo0oz_2011]

اربعه الحمدالله بالنسبه لي موظفه والعيشه بهالزمن صعبه

باجر اعرسهم واشوف عيالهم وتكبر العايله

 

[مرايــــــــم]

انا عندي بنتين


وافضل يكون عندي 6 عيال
عشان اذا كبرت ماكون بروحي

 

[.LONDON]

مشكوررررررررررررررررررين خواتي

 

[PuPa^^SWeeT]

افضل عدد 4 انشالله لا اكثر ولا اقل

 

[ام كحيلان 77]

انا عندي ثلاث بنات الله يخليهم لي ان شاء الله
ومفكره اييب ثلاث صبيان بعد الله كريم
بالنسبه لي احس العايله الكبيرة أحلى
​

 

[ايمانو حلوة]

ناس تقول العيال عزوة

هههههههههههههههههههه
ابهالزمن محد يشيل احد كللللللللن يانفسي

الله يرزقكم درااااااااااااااااازن عيال

 

[cramela]

موضوعج حساس بالنسبه لي عندي ثلاث اصبيان اسم الله عليهم شاقين الارض وطالعين ومطلعييييييييييييييييييييين عيني والله اكبر ماشاء الله بس خاطري ببنت رغم اني ما اواطن البنات بس علشان احس اني كامله مو ناقصه احس بعيوووووون جوزو لما يطالع بنات صغار غييييييير وحيل اتنرفز عيالي صغار اسم الله عليهم الضغير 3 واللي بالنص 4 والكبير 5 امممممممممممم انا قاعده اقول انطر لما يدخل الضغير الابتدائي بس شنها وايد نطرتي فشكلي بعزم قريب والله اعلم بس خوفج علي هالسالفه والله يكتب باني اكون حامل بولد بعد انننننننننننننننننا اموت بالصبيان صج بس خاطري ببنت والله العالم

 

[الدلال]

الحمدالله على نعمته
بس انا عندي ولدين وانا وريلي مكتفين فيهم ومن اول متفقين ان احنا نبي اثنين بس بـ غض النظر عن جنسهم
والحمدالله على عطاياه

 

[ام دندوونه]

انا الحمد الله عندي 3 ولدين وبنت..وحامل..وودي اجيب 5 ان شاء الله..واذا سكنت بيتى ..اجيب اخر العنقود..
والله يسهل ان شاء الله..

 

[حظ من عنده انا]

انا احب العايله الكبيره

واحب اكثر شي الصبيان

مع ان البنات بهالزمن سند لامهم وابوهم قلوبهم علي اهلهم

والصبيان الله المستعان من يتزوج ينسى اهله الا من رحم ربي

وان شالله ربي يكتب لي ولكم الخيير حيث كان ويرضينا فيه