تفصيل الراتب !!!

[سمسمة كويتية]

السلام عليكم بنات
أنا توني متعينه بوزارة الصحه
بس مادري شلون اعرف تفصيل راتبي ، اصلا مادري جم راتبي !!!

جربت أدش موقع الديوان بس يبون كلمه سر و لما اتصل عشان أعرفها ديما يقولي اتصل لاحقا

مادري شنو الحل.؟؟؟؟

 

[ام الدرر]

حبوبة روحي قسم الرواتب بوزارتكم وطلبي شهادة تفصيل راتب يعطونج وانتي واقفة​

 

[سمسمة كويتية]

مشكورة حبيبتي
انزين يصير ريلي يروح بدالي؟؟

 

[لآ بيرلآ]

حبيبتي اذا انتي موظفة يديدة تو الناس يبيلهم وقت على ما يدخلون بياناتج بالديوان فما راح تقدرين تعرفين الحين يبيلهم فترة بسيطة بالكثيرشهر ان شاء الله

و يقدر ريلج يروح بدالج المنطقة الصحية اللي يتبعها دوامج عند الادارة يسأل اي احد عن اصدار شهادة راتب
بس لازم دوامج يعطونج ورقة طلب اصدار شهادة راتب بدقيقة بس تطلعينها و تتوقع و عطيه الورقة و بطاقتج المدنية و سلامتج

 

[لآ بيرلآ]

معلومة ثانية

الوزارة بقسم الرواتب احتمال يطلعون لج بس غالبا بيقولولج روحي المنطقة
اذا انتي تشتغلين بالوزارة نفسها اوكي بس انا فنية مثلا بمنطقة الصباح اروح منطقة الصباح الصحية اللي ورا مستشفى الصباح يطلعونها لي ..

 

[جذابه بنت ذيابه]

هلا يالغلا


ماعطوج ورقة تفصيل الراتب لما وديتي لهم الفحص الطبي

 

[المكسيكيه]

نفس ما قالولج البنات
موفقه ياحلوه

 

[نـعـومـه]

روحي قسم الرواتب

 

[غـلآوي ّ ~]

أيّ تو ألنآس علئ موقع الديوان إذا بتدشين تشوفين

لازم تكملينّ أوراقجّ و لمآ تودين شهادة راتب للبنك اللي ينزل عليه معاشج قوليلهٌم يضيفونج بنظام ديوان الخدمه

 

[سمسمة كويتية]

هلا يالغلا


ماعطوج ورقة تفصيل الراتب لما وديتي لهم الفحص الطبي

هلا فيج
رحت العلاوات و عطتني ورقه كاتبه فيها الراتب بس أنا ما حسبته عبالي بيعطوني هالورقه بعدين بس لما وديتها التعيينات خذاها مني فما عرفت جم راتبي


و لكل البنات الي ردو علي مشكورين وايد ماقصرتو

 

[جذابه بنت ذيابه]

انا اليوم عطوني الورقه للعلاوات وصورتها قبل اوديها لهم صورتها بالفون ..

طيب اذا داومتي روحي للعلاوات يعطونج التفصيل