تفتة اوتل محتاااااااااااااارة

[بنت النور 2010]

السلام عليكم حبايبي انا وحدة مبروووووووووووووومة وخاطري افصل بدلة سهرة تنورة قصيرة وجاكيت رسمي الموديل اللي عندي قماشه تفته حرير بس ماأدري ينفع حقي اولا احط تل ناااااااااعم جزاها الجنة اللي ترد علي باحط اللون بيج رماااادي وفيه شريطة مخمل اسود

 

[noorq8]

حطي صورة الموديل عشان أقدر أساعدج :eh_s(17):

 

[بنت النور 2010]

هذا موديلي خاطري احط التقليمات مخمل اسود وقلبة الكم مخمل اسود بس محتارة احط مثل الموديل تفته اخاف يسمني ولا احط تل

 

[MiSS B.K]

اااااااااااااب لعيونج

 

[manoooram]

up up up up
​

 

[بنت النور 2010]

معقولة بنات كل هالمشاهدات ولا رد ابد مافي وحدة عندها فكرة اذا التفتة تسمن اولا

 

[noorq8]

الموديل سمبل ولو جسمج مرسوم اوكي بس الموديل مو مال سهره ممكن استقبال ولو بخاطرج تحطين التقليمات مخمل فلازم القماش اللي تستعملينه يكون قوي شوي عشان يبين الموديل وعشان مايسيح لو القماش ناعم ماراح ينفع المخمل معاه , والله يوفقج ولو تبين موديل سهره ناعم وستايل شتوي أو خل نقول مغطى ممكن أساعدج .

 

[بنت النور 2010]

ياليت والله ادعي لك بكل صلاة

 

[noorq8]

خل أعرف بالأول مواصفات الموديل اللي تبينه , هل تبينه ساتر يعني لازم كم طويل ؟
هل ينفع الحرير أو شيفون حرير ؟

تبين الموديل مع تنوره قصيره لحالها والا ممكن فستان ؟

ينفع بنطلون؟

ببالي فكره البودي (المايوه ) احنا ركبنا عليه شيفون حرير وحطيت على الاساور فرو فصار راقي لسهره شتويه يعني مزجنا القماش الناعم مع الفرو وبنفس الوقت الجسم مرسوم لأن البودي اللي لاصق فيه المايوه راسم الجسم وتقدرين تلبسين عليه بنطلون ساده أو طبقتين حرير ودانتيل أو حتى تنوره نفس الموديل اللي انتي حاطه صورته وممكن تستغنين عن هذا كله لو تلبسين جيليه وطبعا مو أي جيليه جيليه فنااااتق مثل ملوت الاسطوره واللي على فكره تنباع عندهم ب360 و390 دينار وانتي طالعه واحنا نسويهم بأسعار بسيطه مقارنة بأسعارهم وتلبسن تحته فستان بسيط راسم الجسم وممكن لما نجهز الكوليكشن الجديد شغلنا أدز لج الصور واذا انتي بالكويت تواصلي معانا

 

[بنت النور 2010]

يعطيك العافية حبيبتي انا مو من الكويت بس اذا لي زيارة قريب لازم اوصلكم

انا ابي تايير سهرة ناعم وراقي بنفس الوقت افضل الكم الطويل لاني عندي زنود وودي اغطيهم مو مهم عندي ساتر بالحيل يعني وسط طبعآ المناسبة ملكة عائلية بس ماودي اكون اووووفر ولا عندي فكرة وش الاقمشة اللي ماتسمن لاني مبرومة وعندي كروشة ياليت تساعديني والله المناسبة عند حمولتي فودي يكون شكلي راقي

 

[الليدي نور]

بالعكس التفته حلو وما يمتن
بالعكس يرز الجسم أهم شي حبكة التفصيل
أرشح التفته ولو تأخذي لون غامق
ينحف ويخفي العيوب أفضل​

 

[noorq8]

يعطيك العافية حبيبتي انا مو من الكويت بس اذا لي زيارة قريب لازم اوصلكم

انا ابي تايير سهرة ناعم وراقي بنفس الوقت افضل الكم الطويل لاني عندي زنود وودي اغطيهم مو مهم عندي ساتر بالحيل يعني وسط طبعآ المناسبة ملكة عائلية بس ماودي اكون اووووفر ولا عندي فكرة وش الاقمشة اللي ماتسمن لاني مبرومة وعندي كروشة ياليت تساعديني والله المناسبة عند حمولتي فودي يكون شكلي راقي

على حسب كلامج راح تناسبج الفكره اللي قلتها لج وهي (المايوه اللي مركب عليه قميص ودام عندج نتفة بطن فلاتلبسين ماكسي لبسي قصيروممكن يكون كلوش كثير مع ستايل القميص اللي شرحت لج اياه ولبسي هيلاهوب مخرم عشان يضيع العين عن أي عيوب بالجسم ولو حصلت صوره هاليومين راح أبعثها لك :eh_s(7):و ارفعي شعرك عشان يعطيكي طول

 

[بنت النور 2010]

يسلم قلبك ياعمري ماقصرتي طيب المودبل اللي نزلت صورت لو سويته وخليت التقليمات ترتر والقلبة مالت الكم ترتر ويكون كله اسود بيطلع حلو اولا وفيه خيار ثاني ادخل عليه تايقر محتارة ياليت تساعديني وترسلين صورة الله يوفقك ويحقق لك اللي في بالك

 

[عباير ديزاين]

والله اختي لاتزعلين بس الموديل كلش موحلو واذا انت سمينه شوي راح يكبرج الموديل
حاولي تغيرينه​

 

[noorq8]

لو عندج وقت ومناسبتك قدامها وقت , شوفي حلقات العشق الممنوع فيها أفكار ممكن تساعدج لأن الموديل اللي اخترتيه راح يبين بطنك وراح أحاول أبعث لك موديلات تناسب الوصف اللي وصفتيه .

اخذيها قاعده للمرات الجايه مو معناته الموديل ضيق يعني بيخفي الزوائد ولاتقولين مشد لأن مهما كنتي متعوده عليه الا مايكون باين باللبس فحاولي تختارين التصاميم اللي تبين مناطق جسمك الحلوه وركزي عليها بحيث تجذب العين عن مناطق العيوب انتي تقولين زنودك مليانه شوي وانتي اخترتي جاكيت مغطى عالآخر يعني بيزيد التركيز على تفاصيل الجسم فحاولي تلعبين على ستايل القوله أو القصات على صدر الموديل عشان يبعد النظر عن الأكمام وهكذا لباقي الجسم