السلام عليكم ورحمة الله وبركاته ..
طرحت هالموضوع عشان نتبادل الافكار علشان نحصل احلا ثواب في اخر عشر اواخر حيث تتضاعف اجور الاعمال والصدقات والاذكار ومو بس جذي الدعاء مجاب وانتوً صايمين ( للصائم ) دعوة لا ترد .. ياسلام يعني ليله القدر رح نجتهد عشانها وبنشهد ربنا علي هالاجتهاد
وزيادةً بنكون صايمين ودعائنا(( لا يرد)) وزود عن هذا كل الملائكة كلهم الي بالسما والارض بتحضر تأمن علي دعواتنا وعباداتنا وتبشرنا
ولا بعد تبون بشارة احلا واحلا ؟؟
ابشر كل مريضة طول مرضها ..
وكل انسةً تاخر نصيبها ..
وكل مبتلاة طال بلائها وتراكم ..
وكل صاحبه دعوة طال تحقق مبتغاها ..
ابشري حبيبة قلبي هذا شهر الخير وربي اكرم الاكرمينً .. و تقدرين تغيرين اقدارج السنوية واليومية اذا ادركتي ليلة القدر
زهبي عمرج حياتي في هالعشر الاواخر واكسبي الثواب الجزيل و الدعوات المجابه ورضا الرحمن بعون الله تعالي :
بهالايام الفضيله :
1- الهجي لسانج بالذكر طيله اليوم خصوصا من وقت غروب الشمس الي مطلع الفجر ( سلام هي حتي مطلع الفجر )
بلشي من اول يوم لاخر يوم بالعشر الاواخر
حاولي كل يومج ذكر لا تسولفين وايد وتجنبي مجالس الحريم لانها تطير الحسنات بالغالب
شدي حيلج حبيبتي و جاهدي روحج بالذكر و استشعريه استشعريه استشعريه
يمكن هذي اهم ( نقطة ) بكل ذكر تقولينه اعرفي انتي شقعد تقولين !!
مايصير تقولين لا اله الا الله مثلا .. وانتي مو حاسه فيها !! او انتي موً عارفه فضلها!!
جذي اجرج يكون ناقص ..!!
او تقولين لا اله الا الله مثلا وقلبج مشحون ومشغول بشي ثاني يقولج اي خل اقولها عشان الله يستجيبلي !!
( بالعربي ماكو اخلاص لله ) !
ماكو تفكير بالاجر الاخروي فينقصً اجرج والله اعلم
و الحلوة الي قاعدةً مكانك سر !!
و يأست منً رحمة الله ..
واللهي علشان دعوتها او مرضها استمر الفين سنة !! لول عفوا ع المبالغه
لا اقصد الاستهزاء باي انسان طال بلائه حشي لله بس ابي استخرج الارادة من قلوبكم واحسسكم بتفاهة الوقت لان عامل الوقت شي منتهي مافي شي يظل للابد.!
طولتي عشر سنوات ولا اربع ولا ست
ولا شهور
-منتي افضل من سيدنا يعقوب ولا افضل من -سيدنا موسي نطر 40 سنة !
-ولا انتي افضل من سيدنا زكريا !
-ولا انتي افضل من سيدنا يوسف !
مهما طال بلائج وقص عليج ابليس و الحين انتي شنو وضعج يائسة !
يوم تتشجعين وعشرة طايحة بفراشج مهمومة ! وتتسخطين !
شنو استفدتي بس ابي افهم ماعندج ارادة؟ ماعندج قناعه ان التاخير فيه خير كثير كثييير ماً تتخيلينه في قرة اعين يوم الحساب قلبج متعلق فقط بالدنيا ونسيتي الاخرة أني يستجاب لج ؟
أني يستجاب لج !
تخيلي ممكن تموتين !! وانتي كل خير تسوينه فقط فقط لاجل تحقق مرادج .. زاد الاخرة زيرو من جذي سبحانه بحكمته يبيج تتعلمين ان الاخرة ابقي واعز وقرة عين لج قبل الدنيا
( الدنيا لا تساوي جناح بعوضه عند الله )
اذا ذكرتي الله اذكريه لاجله .. امدحي الله لانج تحبينه .. تصدقي عشان تطفين غضبه
باجر تكونينً بقبرج وحيدة رحً تحتاجين شي بسيط ينور قبرج ماتحصلين !
هل تعتقدين ان من الصعب ان تقنعين نفسج و فعلا تحسين بالرضا عن الله مهما كانت النتيجة مهما تاخر الفرج ؟
اذا اجابتج ((لا)) فانتي صح وبرافو عليج رغم يأسج لكن عزيزتي اهنيج الامل موجود ورح تحصلين الي تبين وفوقه خير بتنصدمين من كميته بالاخرة !
و اذا اجابتج ((اي صعب )) فاقولج عالجي نفسج بسرعه لان ابليس واضح تمكن منج بدون شعور )
نفسيتجً اكس طار اكثر من نص رمضان وانتي زين تصلين ! واحتمال لا صلاةً ولا عباده ونفسج ضاقت عليج ..
مبتلاه بوايد امور لا تعد لا تحصي
( باعتقادج بروحج مبلية طبعا)
( دشي موضوعي مال علاج الوساوس ب3 ايام تحصلونهً بملف تعريفي ) مابقي شي تعالجي بالاول ثم تخلصي من وساوسج وعالجيها بعدها اوجدي العزيمة بقلبج ثم اكملي قراءة موضوعي هذا وجهزي روحج لاحلي رحله ( رحلة العشر الاواخر ) ..
2- ختمي المصحف بهالعشر ايام طبعا الطريقه سهله جدا اذا قرأتي المصحف كل يوم 80 صفحة تقسمينهم حسب فراغج وطبعا افضل شي تخلين القراءة اطراف النهار وآناء الليل .. لكن قسمي هال80 صفحةً براحتج ع طول اليوم وجذي رح تختمين ب7 ايام
(( اكرر نبي الله يشوف الاجتهاد نبي ربنا يرضي ))
3- الدعاء الدعاء الدعاء لا تخلين حزة لا تخلين وقت لا تخلين بهالعشرة اي ليله ممكن تكون اهي الليله الموعودة ..
ولا تقولين العلماء قالوً احتمال باليوم التاسع يالله خل ادخر جهدي لليوم التاسع بس
لالا حبي اقتدي برسولج لانه كان يعتكف من بدايه اليوم الاول بالعشر الاواخر ..
تعرفون ليش اقولكم جذي ؟ ابي ربي يشوف مجهودكم هل انتي تستحقينً رحمة الله ؟ اجتهدتي ؟ اخلصتي العبادة ؟ هل فعلا انتي تبين الفرج واثقه بربج ؟
هل انتي بذلتي كل وسعج بهالعشر الاواخر .. اذا انا بشر و شفت خادمتي مثلا تخدمني بذمة وضمير و قاعدةً تسعي لرضاي و مجتهدة والله اني بعطيها زيادة لخدمتها المتقنة وتفانيها بالعمل ! ولله المثل الاعلا شحال ربكم اكرم الاكرمين!!
اعظم الاعظمين !!
اقوي الاقوياء !!
ملك الملوك !!
اشحال ربي الي احنا نعبده وندري اكو ثواب مضمون ومو اي ثواب ثواب من نوع خاص !!
4- ابدي من اليوم قعدي اقري عن ليله القدر هيضي مشاعرج اجلبي مشاعر روحانية الشهر الفضيل بالتدريج ابدي ذكري اللهً خصصي ساعه او ساعتين باليوم ابتدي من باجر خصوصا الي طار الشهر واهي نايمة بفراشها وكارهه الدنيا و محبطة وغصب غصب تصلي والعياذ بالله ابدي اليوم بس ذكر لله فقط بدون طلبات فقط لرضا الله مهمن كانت النتيجة واستشعري قيمةً حسن الظن
( من ظن خيرا فله )
5- فضي روحج للايام الياية مانبي تطلعين اسواق وتفرفرين لاحقه ع السوق والصالون !
والافضل طلعي هاليومين السوق ياباجر يابعده وافتكي من الفرارة قبل لا ندش بالعشر الاواخر ..
6- راجعي نفسج شنو تقدرين تقدمين بهالشهر الفضيل ؟
صدقاتج بتندبل انتبهي !
ومعروف اجر الصدقه شنو
امراض تعالجت بالصدقة امراض مستعصيه والله تعالجت بالصدقات ..
حاجاتً بالصدقة حاجاتً مستحيله محد يتخيلها الصدقه مشت الامور !!
بس هااا الصدقه لله مو لحاجتج يعني دفعيهاً وانتي حاطة رضا الله امام عيونج فقط فقط
والله عارف شنو بقلبج اصلا
انتبهو العبادة بهالليله عن تقريبا 85 سنة
اذكارجً استغفارج كلها تساوي تقريبا 85 سنة !
يعني الاجر دبل دبلات فلا تبخلين علي ربج بشي !!
اذا ربي منعم عليج براتب ووظيفه تصدقي لوجه الله اكسي ناس تعرفينهم للعيد ..
تصدقي علي فقارة تعرفينهم ترسي ثلاجة اي شخص محتاج تعرفينه ..
كلها عشرين دينار جمعية طبخي ودزي لجيرانج راعي بقالتكم الخباز ..
ماتعرفين احد .. انا منزله موضوع في ارقامً عوايل محتاجة دزيلهم و تبرعي لا تستحين فيً ناس ماذاقت اللحم في ناس ماعندها تشتري للعيد فرحي قلوب الناس عسي الله ان يفرح قلبج بس هااااا النية اهم شي خالصه لوجه الله لا تفكرينً بحاجتج !!
فكري ان هالي تسوينه لله مهمن كانت النتيجة
طيب ممكن ماتكون ميزانيتج تمام : الي عليج شدي حيلج اخترعي طرق وعندج وايد افكار جمعي الاكل الزايد وعطيه للقطوة .. !!
حطي حبوب ماش وعدس بقوطي للعصافير والطيور وقوطي ثاني فيه ماي ..
الابتسامةً بوجه الخدم صدقه ..
( التسبيح والتهليلً والتكبير ) مثل ماقال الذي لا ينطق عن الهوي انوي بقلبج ثم توكلي علي الله وتصدقي بهالثلاث اذكار ..
كل يوم حطي خمسين فلس او امية فلس او ربع دينار بالحصاله لمدة عشر ايام الاواخر مارحً يكلفونج شي واخر يوم عطيها للخمام الي بالشارع او اي فقير تعرفينه والله لو تقطين خمس فلوس انتي الربحانة .. بتنحسبلج باذن الله لا تبخلين علي نفسج بهالعشر الاواخر بالاجر !!
تقدرين توزعين ماي عند المسجد كرتون بدينارين وخردة وتوصين اخوج ابوج اي احد يوزعه لج !
تقدرين توزعين فاكهة كرتون موز وكرتون برتقال وحطيهم بجياس صغيرة كل جيس فيه موزة وبرتقاله ووزعي ع العالم صوب المساجد !
تقدرين تطبعين اذكار وتوزعينها !
تقدرين تشترين جم مصحف يديد للمسجد
تقدرين توزعين الخدامات لو دينار كل يوم تعطين وحدةً مرة خدامة خالتج مرة خدامة اختج الخ !
تقدرين تشترين للخدم دراعات او شيله للعيد لو يونيفورم والله لو تشتريلها عطر ( مرش ) تفرحينها مثلا حتي لو اهي مسيحية او كافرة .. سبحان الله الصدقهً تجوز ع المسلم والكافر ..
بدعي بالصدقات الف طريقه وطريقه استثمري فلوسج عدل ولو انتي مخصصه للعيد 200 دينار لبس و صالون حبيبتي قسميهم بالنص لا تتحسفين الحسوف وانا اختج لي راح الشهر وماتصدقتي وشريتي بدله ب100 بتلبسينها مرة وحدة وتقطينها بالكبت!
خلي نص لج ونص صدقات وشوفي المردود الدنيوي والاخروي ! ترا افضل صدقه اهي الي تكون من اغلا شي تملكينه يعني انا مخصصة للعيد 200 دينار حاطة عيني ع بدلة وبروح الصالون اقص واصبغ واتكشخ فجاة قررت اتصدق بنصهم !! تخيلي تخليتي عن رفاهيتج عشان رضا الله .. احنا بشر لو امي او اختي تخلت عن شي غالي عليها عشاني شنو رح تكون صورتها بعيوني ! شحال ربكم حبيبكم ! اترك الاجابه لكم طبعا
7- ابيج تدشين يوتيوب اايوم وباجر لا تخلين فيديو ماتقعدين تتابعين فيه عن ليله القدر استحضري شعورج اقري عن اجر الدعاء اجر الصدقه وثوابها في هالشهر بالذات اقري وثقفي نفسج استعدي لهالايامً الجميله الرائعه ربما لا تتكرر ودايما استشعري انها اخر الايام وممكن ربي ياخذ امانته ع الاقل تكونين سويتي شي زين
8- بنات خصوصا للي همهم طول سنوات و يأسو اكرر ومركزةً عليكم خصيصا انتو بالذات منتشلتكمً من بد الجميع لا تيأسين من رحمة الله ( لا يجوز حرااام ) شدي حيلج وتماسكي ( كل الناس مبتلاه ) كلللل البشررر
مو بس انتي عبالج بس انتي همج كبير وطول فكري بالناس الي اسوأ منج !
وقولي الحمدلله يارب كل البشر مبتلين هذي سنة كونية الكافر مبتلا .. الطفل .. الشيخ .. الكبير .. الغني .. الفقير .. الكل دون استثناء
9- للي همومهم لا زالت في البدايه لا تنحبطين الفرج قادم قادم وقريب لا تتحبطين من قصص غيرج ولا تفكرين بالمدةً والنتايج الله عارف كل شخص وطاقته لوين مارح يحملج فوق طاقتج صدقيني لمن اقولج لو ربي عارف ان طاقتج فنش صلتي حدج فاهو رح يفرجها عليج حتي لو انتي شعرتي ان هذي اخر شي بطاقتج ياما تعبنا واستسلمنا وقلنا خلاص مابدهاش انا تعبت مارح ادعي بعدها بيومين ارجع ادعي بطاقه ونشاط
( لا يكلف الله نفسا الا وسعها ) ! الا وسعها يعني الله عارف هالوسع اشكثره
لا تعلقون قلوبكم بقصص احد كررت هالجمله وايد لانها تفتح ابواب ابليس للوسوسة يعني اعرفي الحكمة ونهايه الامر يوجد فرج بالنهايه بكل الاحوال لكن لا تقولين فلانة استجيب لها باجر فلانة استجيب لها عقبه فلانة بعد سنة انا طولت الخ !
10 - تذكروا ليلة القدر ليلةً تتنزل فيها الملائكة كل الملائكة تنزل تأمن ع الدعاء وًتبشر الي رح يعتقً رقابهم ، وتبشر الي بيدشون الجنة
نبي الله يشوف قلوبنا راضيه يابعد قلبي يا بنات هذي ليلة الفرج والتباشير..
خلينا نوري ربنا شلون قلوبنا راضيه عنه وشلونً قاعدين نجتهد و نحاول نرضيه ونجهز للعشر الاواخر ان عشنا و كل وحدة ابيها تبدع بفعل الخير مو شرط تسوين الي قلته انا سوي كل خير تقدرين عليه !
اخيرا للي ربي ما ابتلاهمً ولله الحمد والمنة عزيزاتي لا تنطرون ربي يبليكم عشان تسوون خير رح تتحسفونً يانبضات القلب .. رح تتحسفون حيييل لان الكل مبتلي سبحانً الله وكلنً ربي يبتليه حسب ايمانه لكن سنن الكون لا تتغير الكل الكل رح يبتلي مسلم كافر صغير كبير الكل ..
لذالك بادرو بادرو بالخير وانتوً بالرخا
( ترا الله يستجيب بسرعه للي يبادرون بالخير طمعا ورهبه ) ! مثل ماقال عن الانبياء بسرعه تييلهم الاجابه لانهم يدعون بطمع ورهبه ولانهم يسرعون للخير ماينطرون يصيرلهم شي عشان يتصدقون و يعبدون الله !
ياااارب ❤
طرحت هالموضوع عشان نتبادل الافكار علشان نحصل احلا ثواب في اخر عشر اواخر حيث تتضاعف اجور الاعمال والصدقات والاذكار ومو بس جذي الدعاء مجاب وانتوً صايمين ( للصائم ) دعوة لا ترد .. ياسلام يعني ليله القدر رح نجتهد عشانها وبنشهد ربنا علي هالاجتهاد
وزيادةً بنكون صايمين ودعائنا(( لا يرد)) وزود عن هذا كل الملائكة كلهم الي بالسما والارض بتحضر تأمن علي دعواتنا وعباداتنا وتبشرنا ولا بعد تبون بشارة احلا واحلا ؟؟
ابشر كل مريضة طول مرضها ..
وكل انسةً تاخر نصيبها ..
وكل مبتلاة طال بلائها وتراكم ..
وكل صاحبه دعوة طال تحقق مبتغاها ..
ابشري حبيبة قلبي هذا شهر الخير وربي اكرم الاكرمينً .. و تقدرين تغيرين اقدارج السنوية واليومية اذا ادركتي ليلة القدر
زهبي عمرج حياتي في هالعشر الاواخر واكسبي الثواب الجزيل و الدعوات المجابه ورضا الرحمن بعون الله تعالي :
بهالايام الفضيله :
1- الهجي لسانج بالذكر طيله اليوم خصوصا من وقت غروب الشمس الي مطلع الفجر ( سلام هي حتي مطلع الفجر )
بلشي من اول يوم لاخر يوم بالعشر الاواخر
حاولي كل يومج ذكر لا تسولفين وايد وتجنبي مجالس الحريم لانها تطير الحسنات بالغالب
شدي حيلج حبيبتي و جاهدي روحج بالذكر و استشعريه استشعريه استشعريه
يمكن هذي اهم ( نقطة ) بكل ذكر تقولينه اعرفي انتي شقعد تقولين !!
مايصير تقولين لا اله الا الله مثلا .. وانتي مو حاسه فيها !! او انتي موً عارفه فضلها!!
جذي اجرج يكون ناقص ..!!
او تقولين لا اله الا الله مثلا وقلبج مشحون ومشغول بشي ثاني يقولج اي خل اقولها عشان الله يستجيبلي !!
( بالعربي ماكو اخلاص لله ) !
ماكو تفكير بالاجر الاخروي فينقصً اجرج والله اعلم
و الحلوة الي قاعدةً مكانك سر !!
و يأست منً رحمة الله ..
واللهي علشان دعوتها او مرضها استمر الفين سنة !! لول عفوا ع المبالغه
لا اقصد الاستهزاء باي انسان طال بلائه حشي لله بس ابي استخرج الارادة من قلوبكم واحسسكم بتفاهة الوقت لان عامل الوقت شي منتهي مافي شي يظل للابد.!
طولتي عشر سنوات ولا اربع ولا ست
ولا شهور
-منتي افضل من سيدنا يعقوب ولا افضل من -سيدنا موسي نطر 40 سنة !
-ولا انتي افضل من سيدنا زكريا !
-ولا انتي افضل من سيدنا يوسف !
مهما طال بلائج وقص عليج ابليس و الحين انتي شنو وضعج يائسة !
يوم تتشجعين وعشرة طايحة بفراشج مهمومة ! وتتسخطين !
شنو استفدتي بس ابي افهم ماعندج ارادة؟ ماعندج قناعه ان التاخير فيه خير كثير كثييير ماً تتخيلينه في قرة اعين يوم الحساب قلبج متعلق فقط بالدنيا ونسيتي الاخرة أني يستجاب لج ؟
أني يستجاب لج !
تخيلي ممكن تموتين !! وانتي كل خير تسوينه فقط فقط لاجل تحقق مرادج .. زاد الاخرة زيرو من جذي سبحانه بحكمته يبيج تتعلمين ان الاخرة ابقي واعز وقرة عين لج قبل الدنيا
( الدنيا لا تساوي جناح بعوضه عند الله )
اذا ذكرتي الله اذكريه لاجله .. امدحي الله لانج تحبينه .. تصدقي عشان تطفين غضبه
باجر تكونينً بقبرج وحيدة رحً تحتاجين شي بسيط ينور قبرج ماتحصلين !
هل تعتقدين ان من الصعب ان تقنعين نفسج و فعلا تحسين بالرضا عن الله مهما كانت النتيجة مهما تاخر الفرج ؟
اذا اجابتج ((لا)) فانتي صح وبرافو عليج رغم يأسج لكن عزيزتي اهنيج الامل موجود ورح تحصلين الي تبين وفوقه خير بتنصدمين من كميته بالاخرة !
و اذا اجابتج ((اي صعب )) فاقولج عالجي نفسج بسرعه لان ابليس واضح تمكن منج بدون شعور )
نفسيتجً اكس طار اكثر من نص رمضان وانتي زين تصلين ! واحتمال لا صلاةً ولا عباده ونفسج ضاقت عليج ..
مبتلاه بوايد امور لا تعد لا تحصي
( باعتقادج بروحج مبلية طبعا)
( دشي موضوعي مال علاج الوساوس ب3 ايام تحصلونهً بملف تعريفي ) مابقي شي تعالجي بالاول ثم تخلصي من وساوسج وعالجيها بعدها اوجدي العزيمة بقلبج ثم اكملي قراءة موضوعي هذا وجهزي روحج لاحلي رحله ( رحلة العشر الاواخر ) ..
2- ختمي المصحف بهالعشر ايام طبعا الطريقه سهله جدا اذا قرأتي المصحف كل يوم 80 صفحة تقسمينهم حسب فراغج وطبعا افضل شي تخلين القراءة اطراف النهار وآناء الليل .. لكن قسمي هال80 صفحةً براحتج ع طول اليوم وجذي رح تختمين ب7 ايام
(( اكرر نبي الله يشوف الاجتهاد نبي ربنا يرضي ))
3- الدعاء الدعاء الدعاء لا تخلين حزة لا تخلين وقت لا تخلين بهالعشرة اي ليله ممكن تكون اهي الليله الموعودة ..
ولا تقولين العلماء قالوً احتمال باليوم التاسع يالله خل ادخر جهدي لليوم التاسع بس
لالا حبي اقتدي برسولج لانه كان يعتكف من بدايه اليوم الاول بالعشر الاواخر ..
تعرفون ليش اقولكم جذي ؟ ابي ربي يشوف مجهودكم هل انتي تستحقينً رحمة الله ؟ اجتهدتي ؟ اخلصتي العبادة ؟ هل فعلا انتي تبين الفرج واثقه بربج ؟
هل انتي بذلتي كل وسعج بهالعشر الاواخر .. اذا انا بشر و شفت خادمتي مثلا تخدمني بذمة وضمير و قاعدةً تسعي لرضاي و مجتهدة والله اني بعطيها زيادة لخدمتها المتقنة وتفانيها بالعمل ! ولله المثل الاعلا شحال ربكم اكرم الاكرمين!!
اعظم الاعظمين !!
اقوي الاقوياء !!
ملك الملوك !!
اشحال ربي الي احنا نعبده وندري اكو ثواب مضمون ومو اي ثواب ثواب من نوع خاص !!
4- ابدي من اليوم قعدي اقري عن ليله القدر هيضي مشاعرج اجلبي مشاعر روحانية الشهر الفضيل بالتدريج ابدي ذكري اللهً خصصي ساعه او ساعتين باليوم ابتدي من باجر خصوصا الي طار الشهر واهي نايمة بفراشها وكارهه الدنيا و محبطة وغصب غصب تصلي والعياذ بالله ابدي اليوم بس ذكر لله فقط بدون طلبات فقط لرضا الله مهمن كانت النتيجة واستشعري قيمةً حسن الظن
( من ظن خيرا فله )
5- فضي روحج للايام الياية مانبي تطلعين اسواق وتفرفرين لاحقه ع السوق والصالون !
والافضل طلعي هاليومين السوق ياباجر يابعده وافتكي من الفرارة قبل لا ندش بالعشر الاواخر ..
6- راجعي نفسج شنو تقدرين تقدمين بهالشهر الفضيل ؟
صدقاتج بتندبل انتبهي !
ومعروف اجر الصدقه شنو
امراض تعالجت بالصدقة امراض مستعصيه والله تعالجت بالصدقات ..
حاجاتً بالصدقة حاجاتً مستحيله محد يتخيلها الصدقه مشت الامور !!
بس هااا الصدقه لله مو لحاجتج يعني دفعيهاً وانتي حاطة رضا الله امام عيونج فقط فقط
والله عارف شنو بقلبج اصلا
انتبهو العبادة بهالليله عن تقريبا 85 سنة
اذكارجً استغفارج كلها تساوي تقريبا 85 سنة !
يعني الاجر دبل دبلات فلا تبخلين علي ربج بشي !!
اذا ربي منعم عليج براتب ووظيفه تصدقي لوجه الله اكسي ناس تعرفينهم للعيد ..
تصدقي علي فقارة تعرفينهم ترسي ثلاجة اي شخص محتاج تعرفينه ..
كلها عشرين دينار جمعية طبخي ودزي لجيرانج راعي بقالتكم الخباز ..
ماتعرفين احد .. انا منزله موضوع في ارقامً عوايل محتاجة دزيلهم و تبرعي لا تستحين فيً ناس ماذاقت اللحم
في ناس ماعندها تشتري للعيد فرحي قلوب الناس عسي الله ان يفرح قلبج بس هااااا النية اهم شي خالصه لوجه الله لا تفكرينً بحاجتج !!فكري ان هالي تسوينه لله مهمن كانت النتيجة
طيب ممكن ماتكون ميزانيتج تمام : الي عليج شدي حيلج اخترعي طرق وعندج وايد افكار جمعي الاكل الزايد وعطيه للقطوة .. !!
حطي حبوب ماش وعدس بقوطي للعصافير والطيور وقوطي ثاني فيه ماي ..
الابتسامةً بوجه الخدم صدقه ..
( التسبيح والتهليلً والتكبير ) مثل ماقال الذي لا ينطق عن الهوي انوي بقلبج ثم توكلي علي الله وتصدقي بهالثلاث اذكار ..
كل يوم حطي خمسين فلس او امية فلس او ربع دينار بالحصاله لمدة عشر ايام الاواخر مارحً يكلفونج شي واخر يوم عطيها للخمام الي بالشارع او اي فقير تعرفينه والله لو تقطين خمس فلوس انتي الربحانة .. بتنحسبلج باذن الله لا تبخلين علي نفسج بهالعشر الاواخر بالاجر !!
تقدرين توزعين ماي عند المسجد كرتون بدينارين وخردة وتوصين اخوج ابوج اي احد يوزعه لج !
تقدرين توزعين فاكهة كرتون موز وكرتون برتقال وحطيهم بجياس صغيرة كل جيس فيه موزة وبرتقاله ووزعي ع العالم صوب المساجد !
تقدرين تطبعين اذكار وتوزعينها !
تقدرين تشترين جم مصحف يديد للمسجد
تقدرين توزعين الخدامات لو دينار كل يوم تعطين وحدةً مرة خدامة خالتج مرة خدامة اختج الخ !
تقدرين تشترين للخدم دراعات او شيله للعيد لو يونيفورم والله لو تشتريلها عطر ( مرش ) تفرحينها مثلا حتي لو اهي مسيحية او كافرة .. سبحان الله الصدقهً تجوز ع المسلم والكافر ..
بدعي بالصدقات الف طريقه وطريقه استثمري فلوسج عدل ولو انتي مخصصه للعيد 200 دينار لبس و صالون حبيبتي قسميهم بالنص لا تتحسفين الحسوف وانا اختج لي راح الشهر وماتصدقتي وشريتي بدله ب100 بتلبسينها مرة وحدة وتقطينها بالكبت!
خلي نص لج ونص صدقات وشوفي المردود الدنيوي والاخروي ! ترا افضل صدقه اهي الي تكون من اغلا شي تملكينه يعني انا مخصصة للعيد 200 دينار حاطة عيني ع بدلة وبروح الصالون اقص واصبغ واتكشخ فجاة قررت اتصدق بنصهم !! تخيلي تخليتي عن رفاهيتج عشان رضا الله .. احنا بشر لو امي او اختي تخلت عن شي غالي عليها عشاني شنو رح تكون صورتها بعيوني ! شحال ربكم حبيبكم ! اترك الاجابه لكم طبعا
7- ابيج تدشين يوتيوب اايوم وباجر لا تخلين فيديو ماتقعدين تتابعين فيه عن ليله القدر استحضري شعورج اقري عن اجر الدعاء اجر الصدقه وثوابها في هالشهر بالذات اقري وثقفي نفسج استعدي لهالايامً الجميله الرائعه ربما لا تتكرر ودايما استشعري انها اخر الايام وممكن ربي ياخذ امانته ع الاقل تكونين سويتي شي زين
8- بنات خصوصا للي همهم طول سنوات و يأسو اكرر ومركزةً عليكم خصيصا انتو بالذات منتشلتكمً من بد الجميع لا تيأسين من رحمة الله ( لا يجوز حرااام ) شدي حيلج وتماسكي ( كل الناس مبتلاه ) كلللل البشررر
مو بس انتي عبالج بس انتي همج كبير وطول فكري بالناس الي اسوأ منج !
وقولي الحمدلله يارب كل البشر مبتلين هذي سنة كونية الكافر مبتلا .. الطفل .. الشيخ .. الكبير .. الغني .. الفقير .. الكل دون استثناء
9- للي همومهم لا زالت في البدايه لا تنحبطين الفرج قادم قادم وقريب لا تتحبطين من قصص غيرج ولا تفكرين بالمدةً والنتايج الله عارف كل شخص وطاقته لوين مارح يحملج فوق طاقتج صدقيني لمن اقولج لو ربي عارف ان طاقتج فنش صلتي حدج فاهو رح يفرجها عليج حتي لو انتي شعرتي ان هذي اخر شي بطاقتج
ياما تعبنا واستسلمنا وقلنا خلاص مابدهاش انا تعبت مارح ادعي بعدها بيومين ارجع ادعي بطاقه ونشاط( لا يكلف الله نفسا الا وسعها ) ! الا وسعها يعني الله عارف هالوسع اشكثره
لا تعلقون قلوبكم بقصص احد كررت هالجمله وايد لانها تفتح ابواب ابليس للوسوسة يعني اعرفي الحكمة ونهايه الامر يوجد فرج بالنهايه بكل الاحوال لكن لا تقولين فلانة استجيب لها باجر فلانة استجيب لها عقبه فلانة بعد سنة انا طولت الخ !
10 - تذكروا ليلة القدر ليلةً تتنزل فيها الملائكة
كل الملائكة تنزل تأمن ع الدعاء وًتبشر الي رح يعتقً رقابهم ، وتبشر الي بيدشون الجنة نبي الله يشوف قلوبنا راضيه يابعد قلبي يا بنات هذي ليلة الفرج والتباشير..
خلينا نوري ربنا شلون قلوبنا راضيه عنه وشلونً قاعدين نجتهد و نحاول نرضيه ونجهز للعشر الاواخر ان عشنا و كل وحدة ابيها تبدع بفعل الخير مو شرط تسوين الي قلته انا سوي كل خير تقدرين عليه !
اخيرا للي ربي ما ابتلاهمً ولله الحمد والمنة عزيزاتي لا تنطرون ربي يبليكم عشان تسوون خير رح تتحسفونً يانبضات القلب .. رح تتحسفون حيييل لان الكل مبتلي سبحانً الله وكلنً ربي يبتليه حسب ايمانه لكن سنن الكون لا تتغير الكل الكل رح يبتلي مسلم كافر صغير كبير الكل ..
لذالك بادرو بادرو بالخير وانتوً بالرخا
( ترا الله يستجيب بسرعه للي يبادرون بالخير طمعا ورهبه ) ! مثل ماقال عن الانبياء بسرعه تييلهم الاجابه لانهم يدعون بطمع ورهبه ولانهم يسرعون للخير ماينطرون يصيرلهم شي عشان يتصدقون و يعبدون الله !
ياااارب ❤
