تــعـــبــت نفـــســياَ..

[..NOoOo Limit..]

السلام عليكم ...
شلوونكم بنات ..
انا دايم اهني بهالقسم والمنتدى كله بس ما تجرأت اني اسجل والحين سجلت لان صج احس مالي الا الله ثم انتو
بقول مشكلتي من البدايه اول قبل تقريبا 5 شهوور كان وزني 95 سويت رجييم قاسي نوعا وصلت الحين 79
لاكن جسمي ماتغير وشكلي ماتغير والله صارلي شهرين موقف وزني يعني بس نزلت هال15 لاكن ما احس ان صار شي وزني باليالله ينزل
تدرون صارلي 3 ايام قاططعه كل ششي وقاعده آكل بخبال والله لاني تعبت
زهقت ارادتي راحت ونا توني بنص الطريج لاكن مادري شسوي
طموحي 60 بس ماكو والله تعبت قطعت الرياضه عشان كله بطني تعورني دايم ولافكرت اروح دكور ولا نادي ولا شي
الحين والله ارادتي راحت وزنت امس باللي والله من اكل 3 ايام بس زدت 7 جرامات انا من النوع اذا خبصت بالاكل امتن
طول عمري مومتينه بس مليانه بس العام متنت حيييييل بشكل يخرع لاكن نزلت نزله زوينه بس والله كل شي راح الاراده وكل شي
احس خلاص والله حتى وجهي بس امتن يتغير واضعف يصير احلا حييل ... شهرين ماكو ولانتايج ولاشي
كرهت نفسي معقدتني هالسالفه :0bee2e8d89:
الله يوفقكم ولايحرمني من ردودكم لان كل ماشكيت لآحد يا اختي او امي يقولون سخيفه ومادري شننو احمدي ربج يبا الحمدلله بس لواحد دايم يبي الاحسن
سوري طولت عليكم ...بس لان احس احسن شي اهني ...مشكورين

 

[رجيميه]

رد : تــعـــبــت نفـــســياَ..

حياتي تعوذي من بليس واكسري الرجيم جم يوم وبعدها ردي واكلي الي بخااطرج عشاان وزنج يتحرك

 

[..NOoOo Limit..]

رد : تــعـــبــت نفـــســياَ..

اعرف نفسي اذا كسرته ماراح اردله بعدين صارلي ثلاث ايام كاسرته عدل ...مشكووووره ع الرد ياقلبي
الله يعين قلبي والجميييع انشالله ..

 

[Čut!e Quèéи]

رد : تــعـــبــت نفـــســياَ..

شوفي بقول لج شي

مو كل ما نزل وزنج يبين على ويهج لا غلطانه

في البدايه يبين بس بعدين لا مايبين لان الضعف يكون على الزنود

او الارداف او الظهر اماكن ماتحسين فيها

تدرين انا مثلج تقريبا طول عمري متروسه زايده عن وزني المثالي بس 5 كيلو

فجأه في سنه وحده زاد وزني حيييل من 59 لي 85

وكنت احس اني ثقيله يالله اقوم واقعد وامشي واتعب بسرعه

فجأه بدون تخطيط لقيت حماتي قاعده تسوي رجيم ونزلت عليه كان من دايت سنتر

خذيت الاوراق منها وبديت امشي على نفس النظام الغذائي + مشي كل يوم لمده ساعه

والله اني في 3 شهور تقريباً نزلت 20 كيلو وصار وزني الحين 64 ومعلق لان جسمي تعود على الرجيم

ابي انزل 10 كيلو مو قادررره وهدفي الاول 5 كيلو بعد مو قادره

بس انتي يعني الحين انحف مني لما انا كنت متينه وراح تقدرين تنزليييييين والله

لما كنت في وزنج ماكان يبين على ويهي لما اضعف كان يبين اكثر شي على بطني وفخوذي

اذا تبين رجيمي الي كنت اسويه قولي لي بس ترى صعب اشوي يعني قاسي تقريباً

 

[Čut!e Quèéи]

رد : تــعـــبــت نفـــســياَ..

تذكرت شي مهم من كلامج

انتي محتاجه قاطع الشهيه عشان لا تيوعين

لازم تدورين عن افضل حبوب قاطع شهيه ومايكون مضر ومرخص طبياً

حطي موضوع والبنات راح يساعدونج بالحبوب

انا عندي حبوب الشاي الاخضر اليوم وصل ان شاءالله راح اجربها

ولي خلصت العلبه راح اتكلم عنها اذا انفعتني او لا

بس هذي الحبوب اكثر شي تستخدم للي تلعب رياضه لان فيها كافيين تعطي نشاط اضافي في التمارين

يبيلج حبوب سيبوترم 10 مو 15 هذي تسد الشهيه بس لها اعراض عصبيه + ارق

بس صج تخليج تكرهين الاكل وتكونين شبعانه ومع الرجيم والرياضه اخذي حبوب فيتامينات تعويض عن الاكل

 

[كيكه توفي]

وعليكم السلام

راجعي عند دكتور احسن عشان تتشجعين ويعطيج اللي يناسبج

وان شاءالله تضعفين بصحه وعافيه يارب

 

[..NOoOo Limit..]

رد : تــعـــبــت نفـــســياَ..

حياتي تسلمين مشكووره يالغاليه..
بس جد وضعي تعيس الحين ..
الحبوب مستحيل ما اجازف فيها اخاف انا عمري 17
توني اخاف موزين ولا شي شكثر بنات ضعفو بدون حبوب وخرابيط .. بس يبيلي ريااضه على قولتج ..حتى تعطين شكلي امتن من هالوزن شسوي ....بس ماكو ارادتي ونفسيتي الحين صفر
الله يجزاج الجنه ...ودي اجرب رجيمج بس مدحولي دكتوره يقولون زينه حتى صغيرونه وبالعشرينات وتفهم وجذي كلمت امي عنها ع الاقل اتابع وزني عدل ودي اروحلها..اذا نفع رجيمج ....... مشكوووره ع المرور الاكثر من رووووعه :aha:

 

[..NOoOo Limit..]

رد : تــعـــبــت نفـــســياَ..

يعطيييج العافيه كيكه ع المرور الرووعه ...الله يجزاكم الجنه .......
الله لايخليني انشاءالله ....