تبي تعرف غلاك اللي سكن في خافقي بسكات
تعال وحس بشعوري وتعرف وين منزالك
تعال وحس بشعوري وتعرف وين منزالك
احبك ايه احبك وابادلك الغلا بالذات
ملكت القلب بلحالك وصار القلب مدهالك
ملكت القلب بلحالك وصار القلب مدهالك
انا من قبل احبك كنت صعب وقاسي وهيهات
واقول انك تبي تملك خفوقي ذا تهيالك
واقول انك تبي تملك خفوقي ذا تهيالك
اراجع نفسي بنفسي وافكر بك عشر مرات
ولكن المشاعر؟ عاندتني وتطلب وصالك
ولكن المشاعر؟ عاندتني وتطلب وصالك
يفوح المسك من ورد المشاعر والغلا ما مات
جذوره قلب وعروقه سهم في عرقها سالك
جذوره قلب وعروقه سهم في عرقها سالك
غلاانااا راقيٍ فالنايفه عن هفوه وزلاات
رقيت بعرش خفّاقٍ ملكته جعل يهنالك
رقيت بعرش خفّاقٍ ملكته جعل يهنالك
الا ياكثر حسادك بحبي تشعل الفتنات
والا يا كثر حسادي ولا احدٍ بينهم طالك
والا يا كثر حسادي ولا احدٍ بينهم طالك
تناديني من الضيقه واجيك ابدد الضيقات
البي مطلبك من قبل يفزع عمك وخالك
البي مطلبك من قبل يفزع عمك وخالك
الا يا حبي الحاضر والا يا حبي اللي فات
تفيخر بي وانا افخر بك عسى فال السعد فالك
تفيخر بي وانا افخر بك عسى فال السعد فالك
ظروف الوقت؟ والصدفه تراها في غرامك جات
ثلاث سنين من عمر الغلا في بالي وبالك
ثلاث سنين من عمر الغلا في بالي وبالك
بذرناها مشاعرنا وصارت كبر ضلع مراات
وصرت بقلبك لحالي .. وصرت بقلبي لحالك
وصرت بقلبك لحالي .. وصرت بقلبي لحالك
