DALLY
New member
صبـــاح\مســـاء النـــور عالنــويــرات
ودي انقــل لــكم تجــربتــي بالســفر لتــايلانــد وجــزرها الحــلـوه وكــانــت بنــص 7 ليــما بـدايـة 8
حـدها وناســه وتشــوق
حجــزنا علــى طيــران القــطريــه والخـدمـه كانـت تـوب و7 ساعــات بالطريــج الله يــاهي تــزهق حتــى النــومه صعــبه
طبعــا سفرتـنا كانـت بالليــل ولــما وصــلنـا كان عندهــم نهــار تو الصبــح حسيت انهــا اي شي اول وصولنا بس بعــد ماوصلنا الفنــدق ونمــت وريحــت صحيـت كلــي حيــويه وكــنا ف السفــره انـا وخواتـي 2 وعمــتي وابــوي معلومــه ان ابوي دوم مطيح فيــها وف الصيــن وله تجــارته فيـهم وعمتــي صـار لها 4 مرات زايرتــها يعنـي تنفــع للمجمعــات وفـوق هذا ابـوي من بــاب الامــان ولان مــاكان ويــانا حيـل ف الروحـات واليــايــات حط لنــا مرشـده انفعتنــا دلتنــا على امــاكن حتــى عمتــى ماطبتــها قــبل طبـــعا كـنا ساكنــين بفنــدق هــادي واغلــب اللي فيــه عــوايل من كــويت والامــارات واجانــب وراقــي اسمــه ماجستيــك قــريب علــى فنــدق الماريــوت والمجمعــات واشهــر واونس شــارع اللـي هو شارع العرب اللي مايفضـى من الخليـجييــن والمحلات والمطـاعم العربيه الحلــوه
كـنا مــرات نــروح للمجمــعات مشــي او بالتــاكسي او بوسيلة مواصلات حلوووه عندهم استانسنا عليها اسمها التكتك
طبعا مطاعمهم الغير عربيه ذبح حرام وتتواجد فيها لحوم الخنازير بس علينا ننتبه
من مجمعاتهم الحلــوه
روبنســون يتكون من طابقيــن وعنده اغلب انواع الماركات
سنترال مشابه لروبنسون ف البضاعه والماركات بس يفرق ان ممتع اكثر من ناحية انه يتكون من 4 او 5 طوابق لاني ناسيه بس كل طابق متخصص بشغله واذكر اني رحت له مرتين او ثلاث والطايق العلوي والاخير حده يشوق لان نظام المطاعم فيه غير شكل
طوكيو مجمع حلو دووووم زحمه فيه محلات رخيصه وغاليه بس مافيه ماركات حيل ماشدني غير رسامين الصور وهدوم البحر بس مو ارقى من المجمعات اللي ذكرتهـم قبل
اما ارقى مجمع عندهم هو سيام براقون حده يجنن مليان بأشهر الماركات وبعضها ماعندنا منها بالخليج ومحلاته ومطاعمه غير غير عن اي مجمع ومايكفي يوم 1 له انا مادرته كل لان متعب ويضيع من كبره وطريقة تصميمه بس اخذت منه جنط واكسسوارات ومن هالسوالف
اما للي يحبون الاسوقه الشعبيه عندهم سوق شهير اسمه باتونام حلوه اغراضه لانها ترمز للتايلنديين بنوعها وحتى الاسعار مو غاليه حيل وهذا خذت منه هدوم اللي هي الدراريع اللي يلبسونها هناك من قصير ومشجر وموديلات ع تصميمهم بس حلوه وهالسوق لازم تاخذون الحذ1ر فيه من كبره والناس اللي بعضهم يخوفون فيه ولااحد يستبعد التعرض للسرقه وبتلاقون زنوج فيه على غير باقي الاماكن
بالنسبه للديانه هناك فهي راده عالبوذيه وفيه مسيح بس البوذا اكثر وراح تلاقون ف كل زاويه مجسم للبوذا يسلمون عليه ف روحتهم وجيتهم ويحطون له اكل ممنوع على اي احد يجيسه
اكثر المطاعم عندهم نفس اللي عندنا من وجبات سريعه بس ماانصحكم ببيتزاهت عندهم لان فاشل واحلى شي انكم تلاقون ف كل زاويه كوشت يبيع فواكه وماكنت اكل كثر البطيخ من حلاته
طبعا اخذت لي شريحة تليفون من واحد من المجمعات اللي قريبه علينا لان هم نظامهم يبيعون الشرائح ف محلات التليفونات والرقم اللي بتاخذينه بروحج تختارينه يكون مكتوب عالشريحه ومن غير بطاقه شخصيه ولا عباله
خدمة الصرافه تلاقونها ف كل مجمع والريت يكون حلو
اكوا صالونات ومحلات للمساج تلاقونها ف المجمعات لو اخذتوا لفه سنعه وياحلو صالونات الاهتمام بالاظافر عندهم حدها كول والرسم عندهم عالاظافر فن لايعلى عليه يرسمون بالفرشاه وبألوان ماشفت مثلها عندنا وبدقه تبين كأن طبع مو رسم وبديزاينات كثيره وعن خاطري جربت مرتين اما الصالون حبيت اجرب اقص شعري وماشاء الله ف القص حريفين
وكانت لنا جوله ف مطعم كبير ولا اذكر اسمه وشفنا منه بانكوك كلها وكان اكله عباره بوفيه كامل للسي فود
ومن جولاتنا اللي ماتنسي روحتنا للدريم وورلد روعه روعه العاب خياليه ماعندنا منها تقدرون تاخذون تذكره تمشية بس او تمشية ولعب واكل طبعا احنا لعبنا واكلنا بس مو اكثر من اللعب لان شي خيالي العابهم ومالحقنا عالباقي من التعب
على فكره جو بلادهم استوائي ساعه هوا ساعه حر ساعه مطر بالتناوب يعني خلوا المظله معاكم احتياط وتنباع ف كل مكان لحاجتهم لها
راح اترككم مع صور بس مو كثيره لان ماصورت فيها حيل كثر ماصورنا ف جزرها اللي ابيكم تترقبون موضوع وتقرير خاص فيها
مجمع قريب على فندقنا
فنـدقنــا
دريـم وورلــد
ودي انقــل لــكم تجــربتــي بالســفر لتــايلانــد وجــزرها الحــلـوه وكــانــت بنــص 7 ليــما بـدايـة 8
حـدها وناســه وتشــوق
حجــزنا علــى طيــران القــطريــه والخـدمـه كانـت تـوب و7 ساعــات بالطريــج الله يــاهي تــزهق حتــى النــومه صعــبه
طبعــا سفرتـنا كانـت بالليــل ولــما وصــلنـا كان عندهــم نهــار تو الصبــح حسيت انهــا اي شي اول وصولنا بس بعــد ماوصلنا الفنــدق ونمــت وريحــت صحيـت كلــي حيــويه وكــنا ف السفــره انـا وخواتـي 2 وعمــتي وابــوي معلومــه ان ابوي دوم مطيح فيــها وف الصيــن وله تجــارته فيـهم وعمتــي صـار لها 4 مرات زايرتــها يعنـي تنفــع للمجمعــات وفـوق هذا ابـوي من بــاب الامــان ولان مــاكان ويــانا حيـل ف الروحـات واليــايــات حط لنــا مرشـده انفعتنــا دلتنــا على امــاكن حتــى عمتــى ماطبتــها قــبل طبـــعا كـنا ساكنــين بفنــدق هــادي واغلــب اللي فيــه عــوايل من كــويت والامــارات واجانــب وراقــي اسمــه ماجستيــك قــريب علــى فنــدق الماريــوت والمجمعــات واشهــر واونس شــارع اللـي هو شارع العرب اللي مايفضـى من الخليـجييــن والمحلات والمطـاعم العربيه الحلــوه
كـنا مــرات نــروح للمجمــعات مشــي او بالتــاكسي او بوسيلة مواصلات حلوووه عندهم استانسنا عليها اسمها التكتك
طبعا مطاعمهم الغير عربيه ذبح حرام وتتواجد فيها لحوم الخنازير بس علينا ننتبه
من مجمعاتهم الحلــوه
روبنســون يتكون من طابقيــن وعنده اغلب انواع الماركات
سنترال مشابه لروبنسون ف البضاعه والماركات بس يفرق ان ممتع اكثر من ناحية انه يتكون من 4 او 5 طوابق لاني ناسيه بس كل طابق متخصص بشغله واذكر اني رحت له مرتين او ثلاث والطايق العلوي والاخير حده يشوق لان نظام المطاعم فيه غير شكل
طوكيو مجمع حلو دووووم زحمه فيه محلات رخيصه وغاليه بس مافيه ماركات حيل ماشدني غير رسامين الصور وهدوم البحر بس مو ارقى من المجمعات اللي ذكرتهـم قبل
اما ارقى مجمع عندهم هو سيام براقون حده يجنن مليان بأشهر الماركات وبعضها ماعندنا منها بالخليج ومحلاته ومطاعمه غير غير عن اي مجمع ومايكفي يوم 1 له انا مادرته كل لان متعب ويضيع من كبره وطريقة تصميمه بس اخذت منه جنط واكسسوارات ومن هالسوالف
اما للي يحبون الاسوقه الشعبيه عندهم سوق شهير اسمه باتونام حلوه اغراضه لانها ترمز للتايلنديين بنوعها وحتى الاسعار مو غاليه حيل وهذا خذت منه هدوم اللي هي الدراريع اللي يلبسونها هناك من قصير ومشجر وموديلات ع تصميمهم بس حلوه وهالسوق لازم تاخذون الحذ1ر فيه من كبره والناس اللي بعضهم يخوفون فيه ولااحد يستبعد التعرض للسرقه وبتلاقون زنوج فيه على غير باقي الاماكن
بالنسبه للديانه هناك فهي راده عالبوذيه وفيه مسيح بس البوذا اكثر وراح تلاقون ف كل زاويه مجسم للبوذا يسلمون عليه ف روحتهم وجيتهم ويحطون له اكل ممنوع على اي احد يجيسه
اكثر المطاعم عندهم نفس اللي عندنا من وجبات سريعه بس ماانصحكم ببيتزاهت عندهم لان فاشل واحلى شي انكم تلاقون ف كل زاويه كوشت يبيع فواكه وماكنت اكل كثر البطيخ من حلاته
طبعا اخذت لي شريحة تليفون من واحد من المجمعات اللي قريبه علينا لان هم نظامهم يبيعون الشرائح ف محلات التليفونات والرقم اللي بتاخذينه بروحج تختارينه يكون مكتوب عالشريحه ومن غير بطاقه شخصيه ولا عباله
خدمة الصرافه تلاقونها ف كل مجمع والريت يكون حلو
اكوا صالونات ومحلات للمساج تلاقونها ف المجمعات لو اخذتوا لفه سنعه وياحلو صالونات الاهتمام بالاظافر عندهم حدها كول والرسم عندهم عالاظافر فن لايعلى عليه يرسمون بالفرشاه وبألوان ماشفت مثلها عندنا وبدقه تبين كأن طبع مو رسم وبديزاينات كثيره وعن خاطري جربت مرتين اما الصالون حبيت اجرب اقص شعري وماشاء الله ف القص حريفين
وكانت لنا جوله ف مطعم كبير ولا اذكر اسمه وشفنا منه بانكوك كلها وكان اكله عباره بوفيه كامل للسي فود
ومن جولاتنا اللي ماتنسي روحتنا للدريم وورلد روعه روعه العاب خياليه ماعندنا منها تقدرون تاخذون تذكره تمشية بس او تمشية ولعب واكل طبعا احنا لعبنا واكلنا بس مو اكثر من اللعب لان شي خيالي العابهم ومالحقنا عالباقي من التعب
على فكره جو بلادهم استوائي ساعه هوا ساعه حر ساعه مطر بالتناوب يعني خلوا المظله معاكم احتياط وتنباع ف كل مكان لحاجتهم لها
راح اترككم مع صور بس مو كثيره لان ماصورت فيها حيل كثر ماصورنا ف جزرها اللي ابيكم تترقبون موضوع وتقرير خاص فيها
مجمع قريب على فندقنا
فنـدقنــا
دريـم وورلــد
التعديل الأخير:
