تــاجــرااااااات ابي منــــدوبــــة -- او منـــدوب ..

[♥♥ نـــازكـ ♥♥]

السلام عليكم ورحمة الله وبركاتة


تاجراتنا ابي مندوبــــة .. او مندوب افضل من جنسية اسيوية او مصري .. بس افضل مندوبة ..

واذا كان مندوب شلـــون تثــقون فية .. ((تصورون بطاقتة مثلا))

لان تدرون لا تعرفونة ولا يعرفكم اذا كان من اول مرة اتعامل معاه يعني كلش ماكو ثقة

وشلون تتعاملون معاه .. تيمعون كل الطلبات بيوم واحد ويوزعها بيوم واحد

والا كل ما صار في طلب تدزونة بوقتة ...؟

وابي اذا ممكن رخيص اللي تعرف ياليت تساعدني

:tek:

 

[كويتيه برونزيه]

احنا المندوب متعاملين معاه من سنين

ياخذ الطلب ويوصله للزبونه وياخذ الفلوس من الزبونه ويرد يعطيني الفلوس

واذا تبين هذا رقم مندوبي كويتي 55876796

 

[( المـلاك )]

اول شي حبيبتي انا حاليا عندي 10 مندوبين
لانه اكتشفت انه كل المندوبين اللي اتعامل معاهم خرطي
فخذيت ارقامهم هذيل و اقط كل جم طلب بيد واحد منهم
و بتم اختبرهم شهر ليين اطيح على واحد تكانه و سنع و يتم عندي ،،

.

بس بقولج نصيحه اخت
مشت بهالمشوار و مروا عليها كل انواع المندوبين و خذيت دروووس لين قلت بس .

اول شي يفضل انه المندوب ما يكون كويتي
لانه يوم يبت كويتي واجهت مشاكل
من ناحيه الاهل اللي ينطرون الطلب عند الباب
الاخو ولا الابو ولا الزوج و غالبا تنتهي بمشكله
او انه البنات مايرضون الكويتي يوصلهم و عيب و من هالكلام ،
فنصيحه كويتي لا تقربين مع انه ولد الديره و يستاهل بس هالشغله مو له .

و نصيحه ثانيه المصري لا تقربييييييييييييييييييييييييييييييييين .
مع احترامي لهالجنسية
بس جربت كل مندوبين هالفئه
كلهم حراميه و نصابين و الجذب بمخباتهم و الحلف بكل شي علطول وكله جذي و يوصلون الفلوس ناقصه وووو
( اعتذر عن هالكلام بس هذا الواقع اللي صارلي ماكو مصري جربته ما طردته عقب مشاكل و تهديد بالمخافر )

و دوريلج هندي او من هالطقه احسن شي
اصلا لا يعور راسج ولا يطول لسانه و لا يقل ادبه ولا يرفع عينه
و فوق كل هذا يخاف يبوق او يمد ايده

و النصيحه هذي بعد
لا تتعاملين انتي مع المندوب
خلي ريلج او ابوج او اخوج يتعاملون معاه
لاني تعاملت مع مندوبين البنات يذمونهم ذم مو طبيعي
بس انا خليته يتعامل مع ريلي فمشاه سيده
يعني مايخافون من الحرمه بمعنى اصح

و اخر نصيحه لازم تضمنين حقج
الدنيا تخوف اللهم يا كافي
اول شي لما تتعاملين معاه
قوليله عطني بطاقتك المدنية و جوازك و صوريهم
و سيارته كتبيها عندج بالورقه اي موديل و اللون و الرقم
و اخذي رقم كفيله بعد واسمه
و الطلبات تكون فواتير بو طبقتين
وحده لج و وحده له
وبس ضمان اكثر من جذي ماكو



و شلون نطلع الطلبات مع المندوب
على حسب طلباتج
اذا جاهزة تقدرين تنادين المندوب كل يوم وياخذها
او انتي تبين تيمعين كل يومين او ثلاث وتطلعينهم كيفج براحتج وعلى حسب شغلج

.


انشالله تستفيدين من تجاربي
و اعتذر عن الاطاله =)

 

[كويتيه برونزيه]

انا احترم ارائكم بنات

بس اول بدايتي كنت اتعامل مع هندي وكل مايروح عنوان يطول فيه ساعة على مايدل المكان

وغير جذي يدق على الزبونه اكثر من مره علشان توصف له البيت ومايفهم عليها ومايرضى يروح الا مشوار واحد يعني اذا عندي اكثر من طلب مايوصله

والحين بتعاملي مع الكويتي الحمدلله صار يخلص لي شغلي ومرات انصدم انه يبي مني طلبات اسئله حق منو يقول لي زبونه دقت تطلب وقلت لها السعر

يعني صار يرد على اسئلة الزباين وحفظ اسعاري واسلوبه ذرب

 

[♥♥ نـــازكـ ♥♥]

رد : رد: تــاجــرااااااات ابي منــــدوبــــة -- او منـــدوب ..

كويتية بروزنزية الكويتي صعبة شوي احس ما اقدر اخذ واعطي معاه مثل ما قالت اختي ملاك شوي يسبب بعض المشاكل

مــلاك انزين يعني الى الان مالقيتي واحد زين يعتمد علية ..؟

 

[( المـلاك )]

رد: رد : رد: تــاجــرااااااات ابي منــــدوبــــة -- او منـــدوب ..

والله حبيبتي
اليوم الصبح كنسلت 3 بطو جبدي بقى عندي 7 الحين
بس اليوم رفيجتي مدحتلي جم واحد و مدحتهم وايد و بجربهم بعد
بعطيج جم رقم منهم عالخاص ،