تغير حالي فجأة >> ساعدوني لو بدعاء

[some one waw]

السلام عليكم خواتي


مادريي اشلون اشرح مشكلتي
أنا نوعي دايم اتوكل على رب العالمين بكل أموري والحمدالله عايشة بسعادة مع عيالي وزوجي

بس من صار عمري 34 حيل قمت اخااااف وإتشائم وكله افكر باسم الله عليكم بالمرض والموت

مع أني معروف عني الضحك والتفائل وحب العلم حتا أتعلم لغات واحب الرياضة والعناية حتى شكلي اصغر بوااايد عن عمري


فجأة احس بضييييقة غريبة وخوف وأحاتي واااايد متشااااائمة


مادري يمكن عشان كبرت او وفاة ناس من اهلي فجأة مو عارفة اللي قاعد يصيرلي شنو واريت اللي مثل حالتي تساعدني او ادعولي خواتي عالاقل والله تعبااااااانة *

 

[Tom ♥ Jerry]

.


اب اب لي باك

 

[فونتانا]

انا تجيني حالات مثل هيك مع ان عمري 21 بس مرات افكر اني بموت وكذا لدرجة اني اصيح فترة بعدين ارجع لطبيعتي اتوقع اغلب الناس يمرون بهالحاله والسسبب انهم يسمعون فلان مات فلانه ماتت وبعدين يرجعون لحياتهم الطبيعيه
لا تخافين فترة وبترجعين مثل ما كنتي تقبلي مروري ^_^ ولا تفكرين كثير وتخليني الشيطان يوسوس لك

 

[عبالي حبيبي]

حبيبتي طبيعي لماتفقدين احد عزيز تحسين بهالشي لفتره موقته

امااذاالسالفه ملازمه لج من وقت طويل استشيري محتص نفسي

اكيد بيساعدج

وعسى الله يشرح صدرج يارب

 

[mĬŝ∫Řξξm]

حتى انا تجيني هالحاله لكن كلها وساوس من الشيطان
واذا جا على بالك تعوذي من بليس واصرفي تفكيرك في شي حلو
وفي دكتوره نفسيه في احد المواقع تتعالج مثل هالحالاات
وربيي يسااااعدكـ

 

[.الطيب.]

تقربي من الله
اقري القرآن ولا يطيح من ايدج
القرآن يريح القلب .. !

 

[حبيته من قلبي]

انتي نفس حالتي بالضبط بس انا توني عمري 19 سنه

حبيبتي توكلي على ربج بكل أمورج واللي الله كاتبه بيصير بيصير لو شنو .. وعليج بالصلاه والدعـاء

عسى ربي يوفقج ويسهلج امورج ويمسح على قلبج :*

 

[αησмα]

لهي نفسج بالاستغفااار وذكر الرحمن لا تفكرين باشياء انتي تتعبين منها بعدين

ابتسمي وشوفي ندوات دينيه وقصص وتفائلي بالحياه الحلوووه وعسى ربي يستر علييييج ويمسح ع قليبج

 

[متفائله للحياه]

اذا ملازم لك هذا وسواس قهري بالموت والمرض ماابي اخوفك
ببدايه تقدرين تتغلبين عليه انتي تحتاجين الرقيه الشرعيه الوسواس يجي عن طريق العين والحسد كفاك الله عنه
وعليك بالاذكار الصبح والمساء ودايما على وضوء ولازمي الاستغفار وقراء القران حتى وان كان مو ملازمك
يهديك عن الخوف والقلق وكرري حسبي الله على من حسدني واذاني وكرريه شوف انتي تتعبين ولالا
انا مثلك تعبانه واقرا الرقيه وعندي خوف وقلق من المستقبل وماني مرتااحه وعندي وسوسه بالموت
بس الحمد الله اقدر اسيطر عليه بالقران والاذكار
الله يشفيك ويشفي جميع المسلمين يااارب

 

[عسل سل]

شووفي مووضوع اسمه رقية الفاتحه عجيبه
يتغير حالج باذن الله اذا طبقتيهاا
بعد انا عانيت من هالحاااله سنه ونص تقرييبا !!! تخلصت من هالشي اني اتقرب من الله واسوي الي ابيه بنفس الوقت الي يرضي الله طبعا تخلصت من هالشي بأني ابتعد عن المأسي والاحزان الي بالتلفزيون او القصص الحزينه اووكي حتى لو سمعت احاول اتناسا بعدهاا بدلي هالشي الهي بزووجج او بعياالج او باهلج صيري شووي مرحه تتعودين عقب فتره

 

[معزوفة عشق&]

اتعوووذي بالله من الشيطان الرجيم
واتقربي من ربك اكككثر واكثر بالطاعات والتزمي الاستغفار وماعليك ششر ي الغلآلآ ...

 

[فطوم السعوديه]

قلبي يوجعني لما اشوف احد مثل كذا محتاج ومقدر اساعده


لكن اوعديني يا اختي أنك تقرين كلامي وتاخذين وتفكرين فيه

اولا .. سواء اليوم او بكرا او بعد عشر سنين .. كلنا بنموت واذا انتي فكرتي اليوم وبكرا وبعد ساعه بهالموضوع راح فعلا
تموتين وانتي بمكانك ..

هذا الشيطان لقى لك مدخل يخوفك شوفي الايات صريحه بالقران

1. قَالَ فَبِمَا أَغْوَيْتَنِي لأَقْعُدَنَّ لَهُمْ صِرَاطَكَ الْمُسْتَقِيمَ ​
2. ثُمَّ لآتِيَنَّهُم مِّن بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَن شَمَائِلِهِمْ وَلاَ تَجِدُ أَكْثَرَهُمْ شَاكِرِينَ ​

وشوفي هالاية
قول الله تعالى: }إِنَّمَا ذَلِكُمُ الشَّيْطَانُ يُخَوِّفُ أَوْلِيَاءهُ فَلاَ تَخَافُوهُمْ وَخَافُونِ إِن كُنتُم مُّؤْمِنِينَ{([1])


وَلَقَدْ صَدَّقَ عَلَيْهِمْ إِبْلِيسُ ظَنَّهُ فَاتَّبَعُوهُ إِلَّا فَرِيقًا مِنَ الْمُؤْمِنِينَ صدق عليهم إبليس ظنه؛ لأنه قال: لَأَحْتَنِكَنَّ ذُرِّيَّتَهُ إِلَّا قَلِيلًا لأحتنكنهم؛


حطي ببالك أن الدنيا ممر والآخره مقر واعملي للأخره ادعي ربي يهدي سرك وييسر امرك ويشرح صدرك
تصدقي بنيه تفريج الهم والشفاء

لاتجلسين لحالك كثير
اقري قرآآآآآآآن فهو سلوة المؤمن وراحة الانسان

صلي ركعتين بآخر الليل وادعي ربك رغبه ورهبه ادعيه يرزقك حسن الخاتمه والفردوس

لاتحطين همك كله الموت الموت الموت وقتها فعلا بتموتين

وهذا مرض نفسي يحصل لاغلب الناس لكن انتي طولتي فيه واثر على حياتك


الدنيا فانيه وانا اختك قد ماتقدرين انبسطي ويومك محسوب عليك لاتضيعين وقتك بالحسره والدموع والخوف


وبعطيك حلقه من برنامج لدكتور عمرو خالد اتمنى تتابعينه بس انتي شوفي هالحلقه واكيد بتريحك كثير


واسمحي لي طولت عليك​

 

[فطوم السعوديه]

http://www.youtube.com/watch?v=iU7Sl_MAuaU


هذا هي الحلقة ياليت الكل بعد يشوفها مره تجنننننننننن

 

[ربي رجوتك]

شوفي لازم تحطين ببالك ان الموت حق هذا طريق سالكينه سالكينه لا محاله ولنا ولك ولحبايبنا طول العمر وحسن الخاتمه
شوفي انتي هالوسوسه عندك من متى طيب وتذكري الايام اللى عدت وبخير واهلك وعيالك وحياة كلها ولله الحمد على احسن مايرام مو تحسين انك ندمانه على انك قضيتي وقتك بالوسوسه بدل الاستمتاع به حطي ببالك ان الاجل حق وانبسطي لاخر لحظه وفيدي نفسك واللى حوليك وتعوذي من ابليس هو ساس الهموم والانكاد وكل يوم استودعي نفسك وعيالك وزجك وكل حبايبك وكل ماتحبين الله الذي لا تضيع ودائعه وربك الحافظ وما سيصيبك لم يكن ليخطئك ولك العمر الطويل والسعيد ان شاء الله

 

[رشيدية وافتخر]

وانابعد نفس حالتك تقريبا صارلي ٣ سنين بس صارت اخف من قبل الحمد لله
حاولي انك تشغلي نفسك لان الشيطان يوسوس لك زيادة واناقرات عن الاعراض في النت
طلع اكتئاب ولمارحت لدكتور مخ واعصاب شكيت ان مخي فيه شئ لاقدر الله
بس قالي هذااكتئاب ،، الحمدلله على كل حال
اناالحالة هذة تجيني اكثر لماامرض اواسمع اخبار
موحلوةعالعموم
الله يشفيك ويشفيني يارب ونقدر نتغلب ع المرض هذا

 

[شذر44]

والله انا مثل حالتج بالضبط
يااااااااااااااااارب اتشافيناااا




رب اشرح لي صدري ويسر لي امري
لا اله الا الله ومحمد رسول الله ولا حول ولاقوة الا بالله العلي العظيم
استغفرالله للمؤمنين والمؤمنات والمسلمين والمسلمات الاحياء منهم والأموات

 

[some one waw]

جزاااكم الله خير خواتي

ماقصرتوا

 

[sadan]

هلا والله

اسم الله عليج حبيبتي مافيج الا العافيه

تعوذى من ابليس لايصير اقوى منج تقولين كبرتي انت للحين شابه عيل وعليا شيقولون العيايز اللى مالهم احد ولا سند

انا اقولج كثرى قراءة القران وقومي الليل وصلى وادعي وخصوصا الثلث الخير من الليل

وشوفى اعيالج وسعادتج مع اللى يحبونج هذى كلها اوهام

واقرى البقرة كاملة 3 ايام ورا بعض يعنى كل يوم مرة والافضل بالليل بدون مقاطعه

وشوفى حالج عقبها صدقينى

وربى يشرح لج صدرج ويسرلج امرج

 

[هميانـ]

ممكن تعرضتي لصدمة او موقف وتناسيتيه وما واجهتيه
لكن اهم شي لا تحطين في بالج ولا تستسلمين لشعورج السلبي
انفضيه من تفكيرج
وحاولي تشغلين وقتج باي شي تشوفينه بيفيدج

 

[عاشقه الشامري]

تعوذي من ابليس لا تخلين الشيطان يتمكن منش فكري شنو تقدمين لأخرتش وشلون ترضين ربش وتربين عيالش لا تخليني الوساوس

والافكار هذي تأثر عليش كثري من الاستغفار والتسبيح والتهليل خلي ذكر الله على السانش كل يوم وكثري من الدعاء وعسى الله يوفقش

ويهديش ويصلح عيالش ويخليهم لش ويخليش لهم