تغشين أو تغششين ؟؟ تفضلي ناقشينا

[Black-Prestige]

بسم الله والصلاه والسلام على رسول الله ...

(( من غشا فليس منا ))

جم وحده فينا تساهلت بهالحديث ...
جم وحده خافت من مراقب إلي يراقبها في الامتحان وما خافت من رب العالمين ...




يضحكوني بعض البنات .. لمن يغفل المراقب سواء كان استاذ في المدرسه أو دكتور في الجامعه ...
تقعد تلتفت يمين وشمال وتطلب فلانه وعلانه ... وتناست أن رب العالمين مطلع عليها ...

حبيبتي إنتي تستغفلين منووووووو ؟؟؟؟؟؟ ترا ربي وربج فوقج وقاعد يشوفج !!!

وإخزياه ....
ما تستحين من ربج ؟؟
ما تخافين من ربج ؟؟

أعلمي يا إختي العزيزه التي ابتلت بهذه العاده القذرة .. بأن الله لا تغفا عينه

الحذر
الحذر
الحذر

فإن الله يمهل ولا يهمل ...

فضلا عن أنه حرام ...
إهو مجاهره بالمعصيه !!

تغش ؤمو هامها أحد !!!

في البعض منكم يعتبره شي عادي وتناسى أن إهو حـــــــرررررراااااام !!!!!!!!!

والله شي يحز بالخاطر ...

إذا كنتي دارسه وسهرانه وتعبانه شلون ترضين انج تتساوين مع وحده ماتدري عن الدنيا ؟؟ وتأخذ منج الاجابه بارده مبرده على بو أنها رفيجتج !!!!!!!!
( وتعاونوا على البر والتقوى ولا تعاونوا على الإثم والعدوان )


وقال تعالى (الزمر 9): {قل هل يستوي الذين يعلمون والذين لا يعلمون}

أعلمي يا إختي بأن الله عز وجل غني عن العالمين ....


صج هالمشكله أو بالأحرى (( المعصيه )) منتشره بشكل كبيــــــــــــــــــر !!!!!!!
والمصيبه الناس موووو هامهم !!

تدرين يا إختي أن لمن تسقطين وما تنجحين خير من انج تنجحين بالغش !!
ما تدرين إذا نجحتي بالغش وباجر اشتغلتي ونزلج راتب راح يكون مال حرااااااااام !!!!!!
ترضين تآكلين وتوكلين عيالج مال حرام ؟؟؟

لا تقولين لي أنا كسبته من وظيفه محترمه !
حبيبتي إنتي نجأحج ما ترتب على معصيه ؟ إلي آهي الغش ؟؟؟

بتمر الأيام وبتنسين إلي سويتيه بس ترا رب العالمين ما ينسى !!!

لا تقولين عادي مره وحده .. خلاص ما أعيدها !
معصيه فوق معصيه فوق معصيه .. لي متى ؟؟
يا من تفعل هذا الفعل المشين ...

هل إنتي ضامنه انج تعيشين لي نهايه الامتحان ؟؟
هل إنتي ضامنه ان ما اييج ملك الموت ويأخذ روحج وأنتي على معصيه ؟؟؟
هل إنتي ضامنه الجنه ؟؟؟
هل إنتي مستعده للموت ؟؟؟

ولا نسيتي الدين ونسيتي أن في حساب وعقاب ؟؟؟

إلجريئه واللي ما تخاف أبيها تجاوب على هالأسئله إلي سألتها ....


ولا تنسين ان رب العالمين أهلك أقوام سابقه قبلنا وكانوا يسون مثل ما نسوي احنا الحين ...

وللأمانه عشان ما تقولون عني هذي ملاك نازله من السماء .. لا أبدا وعلى فكره أنا كنت أغش وأغشش !!! بس والله وبالله العظيم ما هانت علي نفسي ولمن فكرت عدل صج افتشلت من إلي قاعده اسويه ....

مو فتشلت من استاذ !!! مو افتشلت من أمي ... !!!

لااا .... افتشلت مِن مَن يعلم مافي الصدور


الحين لو أحد سوالج معروف ...
شنو بتسوينله ؟؟ أكيد بتشكرينه ....

ورب العالمين إلي نعمه علينا لا تعد ولا تحصى جذي نسوي ؟؟؟ جذي نشكر ؟؟؟


( ان الله شديد العقاب )

سمع سليمان بن عبد الملك صوتَ الرعد فانزعج، فقال له عمر بن عبد العزيز: يا أمير المؤمنين هذا صوت رحمته فكيف بصوت عذابه؟



بدال هالجهل إلي تسوينه أقريلج جم كلمه حق الامتحان ....

ولا أقولج ...

ليش تروحين الجامعه وتدرسين دامج بتغشين .. !!!!
رايحه تلعبين ؟؟
ولا ما تعرفين قيمه الـــــــــعـــــــلــــــــــــم ؟؟؟؟؟


والله ؤبالله أن وحده كانت قاعده يم إختي بامتحان (( منقبه )) وقاعده تغش !!
لي هالدرجه وصل الاستهزاء !!!
الحجاب دين وإخلاق قبل لا يصير زي تمشين فيه عالموضه ؤعلى الأغلب ( أهم يمشونج )

حبيبتي ترا العلم والدراسه مو بس شهاده وتستلمين راتب وخلاصة!!
لا ..
الشهاده تكون بالعقل ...
الشهاده انج تكونين مثقفه ولج مكانه وهذا كافي انج تكونين فخوره بنفسج


(من سلك طريقا يلتمس فيه علما سهل الله له طريقا إلى الجنة وإن الملائكة لتضع أجنحتها رضا لطالب العلم وإن طالب العلم يستغفر له من في السماء والأرض حتى الحيتان في الماء وإن فضل العالم على العابد كفضل القمر على سائر الكواكب إن العلماء ورثة الأنبياء وإن الأنبياء لم يورثوا دينارا ولا درهما إنما ورثوا العلم فمن أخذه أخذ بحظ وافر)




ترا الغش مو شجاعه !! بالعكس الغش دليل على ضعف الشخصيه وانعدام الثقه بالنفس

ليش تهووووووون عليج نفسج عشان جم درجه ؟؟؟؟

والله
والله
والله

أنا مو قاعده أقول هالكلام إلا من حرقه قلبي على ما وصلنا له اليوم ....

وأخيرا إختي قبل لا تعصين ..
لا تنظرين إلي صغر المعصيه ..
بل انظري الى عــــــظـــــــمـــــــه من تعصين .....
ترا معصيه صغيره تجر معصيه أكبر منها ...

وياريت الموضوع ما يتم نقله الئ المنتدى الإسلامي ... لأني أنا مو مسويه كوبي بيست !! أنا كاتبه هالموضوع و طارحه هالقضيه للنقاش ... مابي بنات يدخلون يشكرون ويطلعون بس .. أبي نقاش .. أبي البنات إلي يغشون يتفضلون ويشرحون لنا وجهه نظرهم .... !!!!!


اللهم لا تؤاخذنا بما فعل السفهاء منا


وحبيت أذكركم بتذكير بسيط ....

{فمن يعمل مثقال ذرة خيرا يره ومن يعمل مثقال ذرة شر يره }

 

[Angel-Lady]

شكرا اختي على الموضوع و يعطيج العافيه و ان شالله بميزان حسناتج :]

كل فكره كنت حاطتها في بالي ان اكتبها و اوضحها بالموضوع ذكرتيها فجزاج الله خير ما خليتي لي شي عشان اتفلسف p:

بذكر موقف صار لي ايام الجامعه :]

كان عندنا امتحان و وحده من البنات كانت معروفه بهذي الامور لا تبي و لا لها خلق تدرس و تترجى الكل ان يغششها

مره طاحت معاي بمادة و طبعا من البداية الكورس يبدا التمصلح. و انا عادي عندي افهم و اشرح ما عندي مشكله لكن فعلا ناس عليها افكار عجيبه تفضل هذي الاشياء على التعلم للاسف

المهم لما يا وقت الامتحان قاعدة تترجاني اقعد يمها او اهي تقعد يمي قلت اوكي ما عندي مشكله فقالت نقعد ورا فقلت ما عندي مانع اي مكان فاضي المهم اقعد و امتحن فقالت عفيه غششيني اول شي ضحكت توقعت تتغشمر لاني معروفه لا اغش و لا اغشش فطنشت و لا رديت عليها فكررت علي فقلت لها من غضنا فليس منا طبعا تغير الويه و قالت لي اوكي بس خليني اشوف منج فقلت لها انا ما راح اغير طريقة مسكتي للورقة الي يريحني بوقت الامتحان راح اسويه فسوري ما راح اقدر اذا انتي قدرتي و مصره اتغشين كيفيج لكن ما راح اغير شي

فعصبت و قالت افا صج نحيسه و هدتني و مشت اتدور وحده غيري

ضحكت منها صراحه، انا مو مستعده اغير اخلاقي و مبادئي عشان امتحان و لا عشان وحده

و الدنيا بنعيشها مره وحده و نتحاسب عليها فالافضل انعيشها بما يرضي ربنا مو الناس لان بالنهاية راح ينادينا ربنا يوم القيامة و يحاسبنا

و يوم القيامة ما راح اتقولين اهي خلتني اغششها او اهي بتزعل او غيره

اذا كانت صديقتج بتزعل منج بشي تعصين فيه ربج... يعني ما ادري احس صعبه اعتبرها صديقه

الصاحب ساحب مثل ما خلتج اتغشين و لا اتغششين راح تسحبج لشي ثاني فالوحده اتحط بالها و اتفكر عدل بعقل بعيد عن العاطفه

:] *

 

[نوره 99]

كلامك جد والله يكتب لك اجر كل كلمة حق كتبتيها
الحمدلله انا تربيتي تمنعني من الغش .. خالطت زميلات يغشون بس الحمدلله قدرت ااثر فيهم ما يأثرون فيني
بس تذكرت موقف صار لي بالجامعه وللحين مانسيته
كانت وحده من زميلاتي ماشاء الله ممتازه
وبأيام الأمتحانات تجي لقاعة الامتحان بدري
المهم لاحظت شلة البنات الغشاشات كلهم صافين وراها وكانت فكرتهم ان كل وحده تغش من اللي وراها
حاولت أنبهها ماعطتني وجه
والعدد كل ماله يزيد
قبل مايبدأ الامتحان بدقايق القاعه شبه اكتملت وكل وحده خذت مكانها
فجأه قامت زميلتي من مكانها ودورت اقرب مكان فاضي وجلست فيه وهم يطالعونها ويطالعون بعض مذهولين
بدل مايلعبون عليها لعبت عليهم ماشاء الله عليها .. وعطتهم درس ويارب ماينسونه

 

[تذكر خافقي رمحك]

انا اول كنت اغش واغشش
بس يوم دخلت 12 ماقمت اغش
ومرات اغشش
اما االحين بالجامعة لا اغش ولا اغشش

الله يغفرلنا كنا ندري ان حرام ونسويه
والمشكلة الابلات القدوة يشجعون عالغش

 

[يسحرني بنظراته]

موضوعك حساس هههههههههههه لانة يذكرني بنفسي يوم كنت بالثانوي
كنت فنانه بالغش تشوفين كل تنورتي حقت المدرسة كتابات حتى ابوي يوم شافها استغرب
وقام يخز ويسألني !!!!! وش هذا قلت هذي كتابات اغاني واشعار وانا اكره الاشعار وابو الاشعار ههههه
استغفر الله العظيم الحمد لله تركت هذي العاده وبطلتها

 

[ترانيم القصيم]

لا حول و لا قوّة إلا بالله ,, يا أخواتي يا حبيبات قلبي يا فذات كبدي ,, يا قرّات عيني ^__^

أنـا جالسة أقرآ الردود ..

و لاحظت شي أحزنني والله ,, :eh_s(2):

لاحظت آللي تدخل و تقول كنت أغش و تسولف و تقول لنا عن معصيتها لرب العالمين

ليه يا حبيبتي ليــه ؟ :eh_s(2): ليـه ما نتقي الله يا الحبيبة الغالية العسولة الطيبة :eh_s(17): ^__^

وش نستفيد لمّا نعلم الناس إننا عصينا ربنا في يوم من الأيام :eh_s(2):

أول شي حنـا سوينا إثم و عصينا الله كوننا جاهرنا بالمعصية .. و المجاهرة بالمعصية حرام

بالإضافة إلى ذلك إننا ما احترمنا ( ستر رب العالمين سبحانه و تعالى علينا ) ,, :eh_s(2):

و الشي الثاني : نبي نطيح من عيون الناس ,, لأن المعصية عمرها ما كانت و لا بتكون شي يشرّف أو فخر ..

فليـه نجاهر ؟ الله يسامحنـا و يغفر لنا و يتوب علينا ..

يا غالية يا طيبة .. ^__^ اسمعيني شوي :

إذا ربي ستر عليك أجل وشّوله تسعين في فضيحة أمرك

حتّى لو تبتِ استري على نفسك لا تجاهرين يا عسل .. حرام و ما يجوز حبيبة قلبي فديتك ^^

يكفيك إن المجاهرين من شرار النّاس كما ورد في الحديث الشريف

تكفون حبايب قلبي لا عاد تعودونها ,, لا أحد يجاهر بمعاصيه .. دام ربي ستر عليكم ,, ليه تنتهكون هالستر ؟

الستر نعمة حبايب قلبي صح ؟ ^__^ ليه ما تشكرون الله عليها و تحمدونه ؟

قال صلى الله عليه و سلم :

( إن من شرار الناس المجاهرين , قالوا :

يا رسول الله ! و ما المجاهرون ؟ قال :

الذي يذنب الذنب بالليل فيستره الله عليه ، فيصبح فيحدث به الناس فيقول :

فعلت البارحة كذا و كذا فيهتك ستر الله عنه )

و قال عقِبَهُ : - صحيح ، تفرد به عن مبشر السعدي أبو بكر بن عياش - .

 

[عادت ذكرياتي]

الله يهدينا إلى سواء السبيل ....

ما عندي رد للأسف بس ما حبيت أدخل من غير رد

 

[اميرة الورد $]

اسأل الله لي ولكم الهدايه ..​

 

[نوسه الشطي]

احنا قبل والله يدام الابلات وعادي يعني ما يقولون شي ههه كنا نبدل الاوراق ,,
الحمدلله بحياتي ما غشيت بس غششت ,,
انا الحين بطاليه كل يوم العصر ايمع اخواني وعيال الفريج ادرسهم هههه << ماكو شغل
استغربت مره من وحده ب2 ابتدائي تقولي كتبيلي شنو اللي بالاملاء بهالورقه وانا باجر اغش منها .. صدمتني

 

[PuPa^^SWeeT]

انا الحمدلله لا عمري غشيت ولا غششت



علشان جذي ماكان عندي صديقات وايد بالمدرسة


بس مبدئي اهم من الصديقات المصلحة


الحمدلله


انا ليلحيين الدروس والمعلومات اللي درستها ليلحيين ذاكرتها


وبالنهاية صار عندي صديقات صدوقات واايد

 

[شوشو الشقيه]

يسلمو انا اغشش الناس

 

[*المــــلكة*]

الله يشهد علي لما كنت اروح الأمتحان قبل بالمعهد اذا كنت مو دارسه اعطي الأستاذ الورقه فاااضيه ورفيجاتي يعصبون علي يقولون لي قعدي نغششج الأمتحان كله بس ماكنت اغش واذا بنت تناديني تبيني اغششها اسوي روحي مااسمعها​

 

[^LILY^]

حمدالله ما اغش
وانا انسان اضعف في اي لحظه
بس اذكر عمري ان مابني على سحت فالنار اولى به
والسحت الشي الحرام وهذا الشي الحرام اهو معاشي
يعني معاشي حراااام
اكل واشرب بفلووس حراام

تدرون شنو ناقصنا " الاخلاص "

والصراحه اكره اللي يغشوون
لان اذكر معي بنت بالثانويه وقت الاختبارات
تجي اول وحده وتبرشم
وكانت تاخذ اعلى دررررررجه
لا واللي يقهر انها داشه معي نفس الكليه " الشريعه " والى الان تغششششش

 

[Ai-chan]

لما كنت في المدرسة
كنت طالعة الأولى في الصف
فكنت أغشش غصباً عني

البنات كانوا يخلوني أقعد ورا و يعطوني استيكرات صغيرة
عشان أكتب الأجوبةو أوزع عليهم

بس في الجامعة مستحيل نغش أو نغشش
و لا يا ويل ويلنا

 

[فلنتينو]

والله اعترف
اني اغش واغشش

والله يساامحناا

 

[سفيره الكويت]

الموضوع هذا مشعب وانا عندي وجهه نظر فيه..!

احيانا الطالب لا يحتاج لهذه المواد وخاصه انه لن يستفيد منها عمليا او على ارض الواقع والله يقول لا يكلف نفسا الا وسعها ووزاره التربيه

تتعمد وضع ضغوط على الطلاب لنكن صريحين بالتالي الموضوع مشعب واعتقد والله العالم انه الشخص غيير مخطىء على هذا .!

 

[لبيه يالسعوديه]

والله كنت اغش ولغشش
وشوفو اتعضوا ياابنات وربي وربي ليه 3 سنوات ما انقبلت في الجامعه كله من الغش يااارب سامحني يارب

 

[Black-Prestige]

Angel-Lady

العفوو حبيبتي ولو ..
زين سويتي وفعلا لازم ما تغيرين مبادئج عشان رفيجه ..
وفعلا الصاحب ساحب ومثل ما قلتي الواحد يفكر بعقله بعيدا عن العاطفه ..

أشكر لج مرورج العطر إختي

نوره 99

لنا ولج الأجر ان شاء الله
وزميلتج مشالله عليها زين سوت فيهم

أشكر لج مرورج العطر إختي

تذكر خافقي رمحك

كفو عليج والله يثبتج ان شاء الله ويعفو عنا ويغفر لنا بإذن الله

أشكر لج مرورج العطر إختي

يسحرني بنظراته

الله يغفر لج ان شاء الله

أشكر لج مرورج العطر إختي

ترانيم القصيم

مشالله عليج دوم متألقه بأسلوبج الراقي
ربي يحفظج ان شاء الله
وبصراحه أعجز عن الرد كلامج كفى ووفى
أشكر لج مرورج العطر إختي

عادت ذكرياتي

أمين يارب تسلمين حبيبتي

أشكر لج مرورج العطر إختي

اميرة الورد $

أمين يارب

أشكر لج مرورج العطر إختي

نوسه الشطي

ههههههه زين تسوين خوش شغل والله
إمبي 2 ابتدائي عاد !!
الله يستر على عيالنا

أشكر لج مرورج العطر إختي

PuPa^^SWeeT

كلامج على رإسي وصح لسانج يوم قلتي مبادئج أهم من صديقات المصلحه !!
إنتي إلي بتحاسبين على أعمالج مو صديقتج إلي بتحاسب
مشالله عليج وربي يدوم المحبه بينج وبين صديقاتج

أشكرلج مرورج العطر إختي

شوشو الشقيه

الله يسلمج ..
والله يهديج

شاكره لج مرورج العطر إختي

*المــــلكة*

زين تسوين .. والله تسلمين ورقتج فاضيه أبرك من الغش ... يسعدج ربي ان شاء الله

شاكره لج مرورج العطر إختي

^LILY^

تسلمين يا قلبي عالتوضيح قلتي إلي أنا ما عرفت أصيغه ...
صدقيني إذا آهي خذت أعلى الدرجات باجر ربي بيحاسبها وبتندم أشد الندم .. ليش تبيع آخرتها عشإن جم درجه ..!!! ولا دخلت كليه الشريعه !! I'm speechless صراحه !!

شاكره لج مرورج العطر إختي

Ai-chan

إمبي !!!!!!!! شلون بعتي تعبج !!
والله انقهرت منهم !!!

شاكره لج مرورج العطر إختي

فلنتينو

الله يهديج حبيبتي فكري ألف مره قبل لا تقبلين على شي مثل هذا
لا تهون نفسج عليج
الله يسامح الجميع ان شاء الله

شاكره لج مرورج العطر إختي

سفيره الكويت

اسمحيلي إختي إقولج ..
عذر أقبح من ذنب !!

"احيانا الطالب لا يحتاج لهذه المواد وخاصه انه لن يستفيد منها عمليا او على ارض الواقع"

ألدراسه تفتح المخ وتخلي الواحد يشغل مخه ويفكر ويتطور بحياته ويخلي انسان راقي بدليل من رسول الله لمن عظم قيمه العلم ..

"والله يقول لا يكلف نفسا الا وسعها ووزاره التربيه تتعمد وضع ضغوط على الطلاب"

هذه مشكلتكم !!! ما تبحثون عن العيوب إلي فيكم !! اطلعون ألف عيب وعيب عن وزاره التربيه !! روحي امريكا ولا اليابان شوفي شلون يدرسون !! وهذيل لا هم مسلمين ولا شي واحنا المسلمين المفروض عارفين احنا ليش مخلوقين ؟؟؟ ترا العيب فينا احنا لو والله لو يقولونلكم 1+1 يساوي جم ؟؟ بتقولون أن العيب من وزاره التربيه !!
لي متى هالجهل وهلكسل !!!
دامج تقولين هالكلام ليش تدرسين ؟ قعدي بالبيت وقولي أنا مو عاجبتني ألدراسه
روحي شوفي افريقيا فوق الفقر إلي أهم عايشين فيه قاعدين يروحون ويتعلمون !! وأنتوا أهني قاعدين تدلعوون

"لنكن صريحين بالتالي الموضوع مشعب واعتقد والله العالم انه الشخص غيير مخطىء على هذا .!"

حبيبتي الحلال واضح والحرام واضح !!!!! لا تفتين من مخج حرااااام حرااااام حرااااام ؤعلى فكره الغش في أنواع مو بس الغش بالدراسه !! لو وحده قليله إيمان قرت كلامج بتروح تطبقه !! وكل ذنب تسويه راح تأخذين نفسه !!!

وهذا اقتبأس لاختي ليلي

مابني على سحت فالنار اولى به
والسحت الشي الحرام وهذا الشي الحرام اهو معاشي
يعني معاشي حراااام
اكل واشرب بفلووس حراام

ترضين تآكلين بفلوس حرام ؟؟؟

لا تزعلين من كلامي هذا الحق !

لبيه يالسعوديه

الله يسامحج يارب وان شاء الله تنقبلين بالجامعه وتعيشين باقي حياتج بسعاده

أشكر لج مرورج العطر إختي