تعّعّآلـوؤآ بّنآت ‘ محّحّحّــتــآرّهه .؟

[يَ ربححه فيني]

السلام عليكم ورحمةة الله وبركاته شلونكم بنات إن شآء الله بخير
هّذآ الموضوع لِ آختي مآعندها يوزر فإستخدمت مالي آخخخليكم معهآآ آحححين :eh_s(7):



وآي بنات مادري شقولكم ححدي منقهره ومصدع راسي قلت السالفه لامي قالت لي شي واختي
رايها غير وانا جد محتاره حححدي ..!! ولاني مرتاحه ....!! سمعووآ السالفه .؟


زوجي داايم يتعبث بالايفون ححقي ويشككني دايم بنفسي لدرجة انه يقرآ الواتسب مع اهلي ورفيجاتي
انا تعبت من هالسالفه وحطيت لوك حق الايفون هو كالعاده جاا يشوف المحادثات إنصدم من القفل الي
حاطته ؟ اول شي زعل بعدين قتله ان في صور رفيجاتي وهلي يكونون مو لابسين حجاباتهم او شي
وانت مايصير تشوفهم عاد هني الرجال ماعنده حجه قال دامج حطيتي قفل انا بحط بعد
( على فكره انا ولاعمري تعبثت بتلفونه ولا ابي اساسا)


المهم مرت السالفه ومر إسبوعين عالموضوع ذيك المره جا بيخمد وقبل لاينام كان ماسكه
انا لقطت الرقم ونطرته لين ينام اول مانام رحت الصاله وتعبثت اول شي (الصور-الارقام)
مالقيت فيهم شي
وبعععدين لقيت عنده برنامج بارلنقوو او شي المهم إنه مال الشات والمغااازل
ولا الاقي نكه إسمه وإسم أبوه .! آهممم شي ؟؟؟
المهم خليت الشات رحت للواتس اب لقيت قروب اهوو وربعه واخوانه اخوانه 3 و2 من ربعه
واحد من اخوانه متزوج ومرته حااامل وانا اعرف مرته حماتي ؟؟؟
المهم داز لرجلي صورة حرمه (بنت ومن نفس القبيله الا احنا منها) قال شوفها شرايك فيها
رجلي شنو تتوقعون رده كاتب ((( اعنبووو الزززين ياااناااااااس آآخ ي قلبي))))) حرفيااا بنات
انا جدتني صدمه انا احلى منها بوااجد الي بصوره مغطيه نص وجههها ومطلعه نص صدرههها
ومليااانه المهم إنهم يعرفونها ويعرفون اهلها ومن بنته وعادي الوضع يرسل صورها لربعه واهله
تخخخيلوآ اخوه هذا يقول لرجلي هذي انا بسافرلها يقول انها دقت تبي فلوس منه (طراره؟؟؟)
وهو حاتم الطائي بيسافر ويتعنى على شانها ومرته مادرت عنه ولاعن سوالفه
والمشكله ان في تناقض بالموضوع ((( شلون يرسل صورها وينشرهآ عند ربعه
~~ وبعدين يروح يقول انا بسافر أعطيها الفلوس))) رجلي رد عليه قاله ( أقول إستريحححح) !!!


الان انا في وضع غغريب
- شلون اقول لرجلي واصارحه ان كشفت هالاشياء وتقريبا رجلي ماسوى كثر
الي سواه اخوه
- اعللم حماااتي عن السالفه ولا اسكت اخاف اذا قتلها تقول هذي تبي تفرق
بيني وبين رجلي بذااتا ان شخصيتها إهي جذي ماتصدق الحححريم بسسس شششلووون .؟
- كنت راح اخذ رقم اخوه وادق عليه اكلمه اقوله يضبط حاله لا اعلم زوجتها بس باسلوب ثاني



الحين :-
آمي تقول = الرجال عمرهم خونه لاتحاولين يابنتي فيهم غضي الطرف ومالج شغل في غيرج
آختي قالت لي شغله وحده = ( من سكت عن الحق شيطان آخرس )
وانا مدددري شنو آقول ساعدوني قلبي متقطع على حماتي اكثر منه علي

 

[بتبوتااا]

لاااا تدخلين ياقلبي نصيحه مني طووووفي والله يهديهم

 

[toofaa79]

انا رايي لا تدخلين بحياة غيرج يمكن الله يهدية ويرجع لربة ويخاف الله في مرته احسن من انج تقوليلها وتخربين حياتهم على نزوات وبنات رخيصة

 

[toofaa79]

وبعدين انتي ليش عندج حماس انج تولين لحماتج ان رجلها خاين اكثر من اهتمامج بمشكلتج انتي اساسا اكبر ان رجلج عندة محادثات وبرامج مغازل ويشوف صور حريم وانتي غيرتج من حماتج غطت على غلط رجلج

 

[toofaa79]

تقولين لحماتج *

 

[Beyoncee]

حبيبتي دعى الخلق للخالق
كل واحد يعرف شنو قاعد يتصرف
لاتتدخلين بين اى اثنين

 

[Pinky -cat]

حبيبتي يمكن مجرد كلام يقوله حق رفيجه اللى يكلمه تدرين الرياييل يحبون التفاخر ويحب يتكلم بهالاسلوب ويا ربعه

على بونه انا ريال ببيتي وما يهمني احد ولا اخاف من مرتي عرفتي بس ترا هاذا مجرد كلام يقوله وبداخله يدري

وعارف انج الزين كلة وانج الزوجة المحترمة واهيا تم بنت مو زينة دام افعالها جذي والحل وياه انج حبيبتي

تشيلين اللوك مال تلفونج واذا صج ما تبين يشوف مسحي بدون لا يعرف لان حرام تزرعين الشك بينكم على شي

تافه وانتي مو مسويه شى واما عنه فلا تقارني روحج فيه بكل صغيرة وكبيرة ويصير تحدي منو ييقهر الثاني لا غلط


بعدين ترا انتي اللى عايشة ويا الريال وانتي ابخص فيه مو اهلج ولا اختج سوري بالكلام بس انتي اللى تقدرين تخلين

عيونه عليج انتي اهتمي وخلي اسلوبج راقي وحلو وحطي قران او تكلمي بالدين يعني ذكريه بالدين وانشالة ينسا هالاشياء

الغلط ولا تنسين الاستغفار داومي عليه


وربي يهدي الحال

 

[منال $]

لا تدخلي بشي ما بيخصك وتجيبي وجع الراس الك ولبيتك
وبالاخير كلهم راح يلوموكي لانك فتشتي من وراه
الباب الي يجيك منة الريح سدة واستريح
المشكلة راح تكبر لو تدخلتي
اهتمي بشؤونك بس

 

[jowree]

انا مثل الحجيه بالراي مالج شغل و كلن عقله براسه و يعرف خلاصه انتي لج شغل بنفسج و بس
و نصيحه لا تتعبثين بخصوصيات ريلج مثل ما انتي ما تبينه يقرا مسجاتج اهوا بالمثل​

 

[$$king moon$$]

نفس ماقالوا حبيبتي
حلي مشكلتج ومالج شغل فيها

 

[المرتاحة]

سمعي كلام امج اهي رايها اعقل و احكم.. ترى الركاده زينه

بعدين الساكت عن الحق شيطان اخرس ما تنقال في مثل هالمواقف.. وخصوصا الكلام احتمال يكون على ضحك مو فعلا صاير

انتي اللي راح تشيلين ذنب طلاقهم لا سمح الله اذا فتنتي

 

[بقلبي انت]

مالج شغل فيهم اهم شي زوجج

 

[العز انا]

ريحي راااااسج
ونصيحه لا تعاتبين زوجج ولا اخوه ولا حماتج لان بتنقلب السالفه ضدج
واولهم زوجج

 

[صحكة الايام]

لا تتدحلي معهم

 

[*E.B.D.A.3*]

شوفي حبيبتي
موضوع حماتج، لو انج تمونين عليها جان قلتلج روحي قوليلها!
بس بما انكم ماتمونون على بعض
ترى ماكو شي يضمنلج انه ماينكر جدامها ويمسح الصور والمحادثات ويقولها شوووفي! ماكو شي! وهاذي بس تجذب وتبي تفرق بينا!
عاد حزتها الفاس مو بس راح يطيح بالراس، الا يمكن يطيح فوق بيتج ويهدمه لج!!!

فخليها على صوب لان صعبه تساعدينها، ولا تخافين، هالاشكال ربي يفضحهم مهما طال الزمن.

ثانيا موضوع زوجج
لطالما مالقيتي اي دليل مادي يدل على انه على علاقه مع وحده بشكل مباشر بمعنى
محادثه .. رقم تليفون ، مسجات
بقولج انتي بالسليم الى الان وانشالله ماكو شي جايد.
لكن، فتحي معاه الموضوع بهالشكل :
مايشك بالناس الا الي يرى الناس بعين طبعه !!!
من تمسك تليفوني ركضه على الوتسب ومحادثاتي مع رفيجاتي،
على طووول خايف اني اكون مسويه شي من وراك،،، ليش؟؟
هل انت قاعد تسوي شي من وراي ؟؟؟؟
هل في بلاوي بالوتسب مالك ؟؟؟؟
هل عندك برامج مشبوهه خايف اني انا استخدمها مثل ما انت تستخدمها؟؟؟؟

قوليله ماعندي مشكله اترك تليفوني 24 ساعه بين ايدك بس على شرط
تلفونك انت 24 ساعه بين ايدي !!
عشان نكون واضحين جدام بعض !!!

 

[رقـة الاحسـآس]

لا تدخلين فمشكله حماتج
خليها تحل مشاكلها مع زوجها بروحها
والله يهديه و يهدي ريلج

 

[Bedor-al.3taiby]

طبعا مـِْ♡̨ـِْا تقولين لَهَـِْ♡̨̐ـِْا
حتَيےّ لْۆ اهيه درت بتقول ياريتني مادريت
تخربين عيشت العالم لَيــِْ♡̷̴̬̩̃̊ـِْش ؟
اهم شي عليج بنفسج ماعليج م̷ـــِْט غيرج
شوفي أَۆلْ شي مُشُگلتج مع زوجج

 

[ريمي اميري]

كوونن الله يعاافيك انتي هههههههههههههه

لا من جد انا من اري الوااالده ( الله يخليها لكم ) اولا بقولك ليش
انتي بديتي بالغلط شكووو فتفتشين جوال زوجك؟؟!!! هذاااا شي بينحسب عليك
ثاني شي واهم شيييييي الرجل عاااتاااااااااا ما يحب ينكشف ويكون مكشوف للناااس
بذات زوجته بيكرهك ويحقد عليك وتصير بينك وبينه مشاااكل ,
خلينا نقووول قلتي لحماك ولا لحرمته ,, بتصير ادهى وامررررر ,,, بتكبر وبيدري الكل وبيجرون معهم
على وشششش على سااالفه مزززح بمزززح ولا يمكن جد انتي عليك من زوجك ...
من تدخل بما لا يعنيه لقى مالا يرضيه حبوووووووووووووبه اعرف انك تبين توعين بنت الناااس
بس انتي ماتدرين يمكن هي اصلا كااااشفته وساااكته ؟؟!!!@@@ فاااااا لا تدخلين هذاااا رايي
ويمكن رد زوجك كان مجااامله لاخووه فهمتي ,, اخيرا الله يهدي النفووووووس ويستر عليك​

 

[ام كوثر2007]

كلام الوالده عين العقل .. هذيل امهاتنا اللى صج ما يبون خراب البيوت .

وحبيبتي انتي مالج شغل بمرت حماج والله لو تشوفين الخيانه بعينج لا تتكلمين


لانج بتكونين بنظر الناس خرابه بيووت ..


واللى حصل مع ريلج .. شي عادي يحصل بين الشباب بالتلفونات يدزون حق بعض سوالف وصور وافلام الله خير عقولهم طايره بالهسوالف بينهم وبين بعض

ندعيلهم بالهدايه ..

وسالفه تلفونج ما اشوف له داعي تحطين قفل فيه بجذى انتي سمحتي له انه يقفل تلفونه بعد والمساله تحولت لمساله عناد بينج وبينه


دام ما في صور حق اهلج ولا حق رفيجاتج .. والمفروض اساسا انتي ما تخلين صور اهلج ورفيجاتج بتلفونج لانج مره متزوجه .. ما يجوز ..

وعسى الله يسهل لج امورج .

 

[سكوون انثى]

نصيحة مني لآتتدخلين فيهم

بعدين تصير مشاكل ويقولون إيه من ورا رأسها
وزوجج حط القفل بيقول ليش تعبثين بجوالي ؟ وانتي مو راضية اعبث بجوالج

ونصيحة مني لا تقعدين تعبثين بجواله بتتعبين نفسياً

الحمدلله دام هو ماقصر معاج ومسوي لج كل حقوقج اتركي الاشياء الباقية

ولاتيبين المشاكل بيدج

واسمعي كلآآم آمج !