تعيين يديد وتعبانه من الحمل

[مسؤولة تعيين]

السلام عليكم حبايبي انا تعيين يديد من اول الكورس وحامل وللاسف ان كيس الحمل عندي نازل ومحتاجه راحت لان سبق لي الاجهاض فشن ووو اسوي اروح المنطقه اوقف تعييني واشرح حالتي والا شسوي انا صار لي 10 ايام مداومه بس

 

[السحر؛؛؛الحلال]

حبيبتي اذا مداومه الكورس الثاني فاتكلي على الله ووقفي تعيينج لان اساسا راح تكرفين ومالج تقرير
انا داومت الكورس الثاني مثلج وماعطوني تقرير, وفوق هذا الزم ما عليج صحتج ,, والله يوفقج يا رب

بس اسمعي راي البنات أحسن يمكن استجد شي ويكون لصالحج والله يوفقج مره ثانية.

 

[مسؤولة تعيين]

دكتورتي بتكتب لي تقرير حق المجلس الطبي بس ياريت احد يفيدني

 

[برنسيسة2007]

حبيبتي انسي يرحمونج وديري بالج علا اللي في بطنج
غيبي وجيبي طبيات ولاتخافين ترا سهاله لو تغيبين ثلاث شهور بطبيات ولا طول السنه عادي بس اهم شي راقبي الله ان طبياتج تستحقينها
وفي اثناء غيابج اخذي مجلس طبي يعطونج اجزه مده معينه بدون طبيات ولاتنحسب من مرضياتج
او اخذي رعاية اسره(وهي اجازه بدون راتب مدتها سنه وتقدرين تقطعينها)
يعني اذا ولدتي تقطعين رعاية الاسره باجازة وضع ثم اجازة امومه
عموما ترا شي طبيعي ان الناظره ترفضها والافضل لاتكلمينها انتي
غيب اسبوع وخلي زوجج يروح لها ويكبم بالكلام الطيب انج تعبانه وماتقدرين اتداومين وتبين احازة رعاية اسره وياخذ زوجج النموذج من السكرتاريه ويعبيها وتوقعه الناظره


موفقه ي الغاليه الله يثبت حملج ترا وااايد اجهضوا بسبب الاداره اللي ماتحم
ديري بالج علا جنينج

 

[PuPa^^SWeeT]

عاادي



غيبي


وروحي اخذي مجلس طبي



جذي ولا جذي بتتعبين عالفاضي

 

[¤§ زيتونة §¤]

حبيبتي

الله يقومج بالسلامه ويتمم حملج على خير


طلبي مجلس طبي احسن من الطبيات والغيابات

وان شاءالله بيعطونج لو فترة ترتاحين عالاقل

موفقة

 

[Miss independent]

انا صار معاي جذي
كنت تعيين يديد
غبت فجأة وحسبوه انقطاع وحولوني عالمجلس الطبي
دشيت وسوولي فحوصات و قدمت تقاريري ملوت الخاص
وعطوني مجلس طبي بالضبط ٣ شهور سبحان الله اليوم الي بيخلص فيه ولدت
لان لازم كل ٣ شهور تجديد
وبعدها اخذت وضع شهرين وامومة شهر وداومت شهر ٦
داومت اسبوعين وعطلنا