تعيين جديد وآريد المشوره اخواتي المعلمات

[^_^NANOSA^_^]

السلام عليكم

انا مدرسه جديده ابي اعرف شلون استقبل اول الاسابيع مع الابلات

وعلاقتي معاهم وخاصه هم اكبر مني ومتزوجات وانا سنقل توني نونو :eh_s(16):

بس شكلهم حبوبات توني اول يوم اليوم .. ومكتبي شلون ارتبه عطوني مكتب يعني كويس

وشغلي شلون ارتبه .. بليز عطوني افكار خاصه مدرسات الرياضيات

وطريقة التعامل مع البنات اعرفها .. لي تجارب حلوه ومدروسه بدقه في الميداني ..

وبعد شنو مطلوب من المعلمه الجديده ..

اي هذا الاشراف الاداري ومدري شنو .. شنو هذا ؟

والاحتياط جم مطلوب مني اخذ ؟ وجم مطلوب مجاملةً أخذ ؟

وجم مره تدخلي الموجهه اذا تعيين جديد بالاسبوع ولا بالشهر ؟ وجم مره تدخل علي رئيسيه القسم ؟

اتمنى المشوره منكم اخواتي ولكم جزيل الشكر والتقدير :eh_s(7):

 

[المـــــها]

هلا حبيبتي الفففففف مبروووك
علاقتج بزميلاتج خليها ودية و سطحية
و اهم شي اذا حشوا بأحد جدامد مالج شغل فيهم و اهم شي رئيسة القسم لاتتذمرءن منهاا او من احد جدامهم
و مكتبج رتبيه حسب ذوقج
حطي درج لكتب المراحل اللي تدرسينم و درج لدفاتر التحضير و درج للاقلام و الاواق و الادوات المكتبية
حطي وسائلج بخزانه
رئيسة القسم تدش كل اسبوع و الموجه اتوقع مرتين بالكورس
و الناظرة مرتين بالكورس
الاولى استكشافية و الثانية تقيمج عليها
و بالتوفيق ياعمري

 

[^_^NANOSA^_^]

شكرا على المعلومات حبيبتي .. اشكرج وااايد ..

واتمنى تفيدوني اكثر بعد .. اختكم جديده في التعيين والمدرسه ..

 

[اشلون يعني &]

وأهلا بالنو نو
اكبر غلط هو انج ماتقدرين قيمة نفسح
وأنكروه انهم خبره وكبار
حبيبتي حالج من حالهم لاتشوفين انج توج جديده
تصرفي على انج امهم هههه بالمختصر تقمصي دورقديمة لها مكانتها وصدقيني راح يحترمونج

ولا تسولفين واجد ولا تعطينهم وجه عامليهم بالحسنى فقط

 

[كادي كيك]

حبيبتي الله يوفقج أهم شئ ونصيحة مني لاتسمعين لاحد يذم جدامج بالادارة ولازم تعرفين ان الانطباع الاول هذا مهم يعني اسم عليج لوفيج الموت لاتغيبين ولاتتأخرين عن الدوام وقد ماتقدرين لاتستأذينن لان الادارة مهما كانت سيئة تقدر الابلة الا جذي وبتعاملها معاملة خاصة حبيبتي اصنعي نفسج من البداية خليج نشيطة مو بالضرورة تلاقين احد يساعدج من القسم لكن الله يكتب لج رئيسة قسم سنعة ترى اهي اهم وحدة وإذا صارت زينة كلشئ بصير زين خلي علاقتج رسمية مع الكل قائمة على الاحترام ولاتتكلمين وايد عن الا يصير لج من مواقف انت ماتعرفين الا حولج ولاتضمنين أحد المجتمع المدرسي مجتمع صعب والتعامل مع الحريم أصعب يعني ملاحظات رئيسة قسمج سواء سلبية او ايجابية شئ خاص فيج ماله داعي احد يعرف لو حصل لج مشكلة مع الطلاب أو الطالبات حاولي تحليها بنفسج لاتلجأي لرئيسة القسم إلا في الضرورة علاقتج مع طالباتج خليها صارمة من البداية علشان يحترمونج وتضبطين الحصة وبعد شهر ارخي معاهم وليني وخلي علاقتج فيهم حلوة يعني حزم مع رحمة ورأفة وإذا أنت ابتدائي مسكي أعصابج ولاتضربين مهما حصل القوة موبالضرب وإلا يضرب ماعنده ضمير حرام هذولا أطفال وهم ضعاف تحتج
حبيبتي أهم شئ لازم تعرفينه رئيسة قسمج الناظرة الوكيلة لو حبوج احترموج لاتحاولين تتقربين وايد ترى في حدود وبتشوفين في كل مدرسة مجموعة رازة فيسها ونفسها24 ساعة بالادارة سوري بس بتلاقين الكل يذم فيهم وحتى الادارة وإن جاملتهم واستانست منهم في بعض الاحيان إلا أنها تتشكى منهم وتتضايق حبيبتي حاولي مثل ماقلت لج تخلي علاقتج حلوة وايد برئيسة قسمج بس هم بحدود اعتمدين على نفسج بكل شئ لا تعتقدين ان أحد بساعدج كثر نفسج بحثي في النت بتلقين كل شئ استعيني بمدرسات من خارج المدرسة من أهل الخبرة ماأبي احطمج بس لاتتوقعين المساعدة من أحدبالمدرسة فالاغلبية يريد التميز والانفراد بذلك دون غيره وبالتالي يبخل بما لديه من خبرة متناسيا مصلحة الطلبة عموما حبيبتي أهم شئ لازم تعرفينه مابتتعرفين على شخصية كل واحدة حق المعرفة إلا بمرور 3 سنوات فلا تثقي ألا بنفسج
طولت عليج أتمنى إني أفدتج

 

[sadan111]

على البركه .. موفقه