تعيين جديد راتبي 956 دينار

[^_^NANOSA^_^]

السلام عليكم

آنا تعيين جديد ولله الحمد ونزلي راتبي 956 صح جذي ينزل راتبي ؟

وشنو سالفه الكادر ؟؟ يعني متي ينزلي آنا كادر مثل باقي المعلمات ؟ هل سنه ولا سنين ولا متى ؟

وشكرا مقدما معلماتي علي الرد .. بارك الله فيكم جميعاً ..

 

[".شاعريه."]

الله يبارك لج فيه
لاتنسين الصدقه


بس انتي معلم هاء ؟؟

 

[سحر الشرق@]

مبرووك

 

[M!sS.mar8adosh]

الله يباركلج فيه

ما عندي فكره على عن سؤالج

 

[نونا 3000]

الله يباركلج فيه تستاهلينه

 

[طالبة1990]

هذا هو مع الكادر

بس لمعلم هـ


المفروض انج معلم د يعني ١٠٧١


ومن معلم هـ الى د

يبي لج ثلاث سنين واخر سنتين امتياز

واللي يقولج انها سنة جذااب


لان حزتها بيقولون لج انتي تعينتي هـ وما اعترضتي


يا انج ترضين بالامر الواقع

او انج ترفعين قضية بالمحكمة الادارية حالج حال مئات المعلمين الجدد اللي بدوا باجراءات القضية



ترا السالفة مو سالفة فرق معاش

السالفة سالفة مسمى وظيفي وترقيات راح تتأخرين فيها


لانهم معينينج حالج حال اللي معاهم دبلوم تجاري



واللي توظفوا شهر ١١ معاشهم ١٠٧١

واللي بعد تشكيل الحكومة واقرار الكادر ٩٥٦

 

[beauty rose]

قصدج 965 مو 956
مبروووك

 

[طالبة1990]

لا صح ٩٥٦


ال ٩٦٥ ونص هذا مع كادر موضي قبل كادر جمعية المعلمين

هذا المعاش القديم للتعيين الجديد


بس التربية عكس الناس

الناس تزيد معاشاتهم واهمه ينقصونها

 

[ابلة غزالة]

ما عندي خبر
ان شاء الله البنات التعيين الجديد يفيدونج


موفقه

 

[أم*سلمان]

آب


آب

لعيونج

 

[^_^NANOSA^_^]

شكرا لكم على الاجوبه بنات ،، اوكي فهمت السالفه ،، الشكوي لله شنسوي بعد معلم هـ معلم هـ .. الحمد الله

يعني الحين مع الكادر تعيين جديد 956 ومسماي معلم هـ

 

[مـزآج ــــية]

عليج بالعافية

بس سؤال نزل لج المعاش عقب شهر من داومتي و لا شهرين؟

 

[@الليدي لين@]

يقولون خلاص بيعدلون القرار وراح يصيرون التعيين اليديد د مو هـ

 

[beauty rose]

استغفر الله شهالتخبيص !
الامومة بعد ما ينزل لها كادر

الحين معاش معلم د مع الكادر الاخير جم ؟

 

[Luve Rain]

الله يستر لمن اتوظف يعني جم راح يعطوني 956 ؟؟ ولا هذا بس فالبدايه ارجو الرد

 

[UMSAROON]

لا صح 956


ال 965 ونص هذا مع كادر موضي قبل كادر جمعية المعلمين

هذا المعاش القديم للتعيين الجديد


بس التربية عكس الناس

الناس تزيد معاشاتهم واهمه ينقصونها

الحمد لله نعمه يارب اتديمها علينا

 

[مشتطـه]

استغفر الله اشفحوكم الناس على كادركم وصار لخبطه

 

[^_^NANOSA^_^]

مزاجية ... اي بعد شهر نزلي دوامت 25 ونزل 25 بالشهر

اللهم لك الحمد والشكر والف شكر لك يارب ،،

 

[randomy]

المفروض ماتحطيم جم راتبج!!

استغرب منكم انتم الوحيدات يالمدرسات تعلنون عن الراتب بالارقام!!!

عمري ماسمعت عن موظفه غير المدرسه تسطرلنا راتبها جم!!!

 

[^_^NANOSA^_^]

هو .. بسم الله شفيج اختي الله يهداج ويصلحج .. وشفيها يعني ؟ وليش نمشي على نظام الخش والدس ؟

شايفة فيها شيء غلط ؟؟!!!!!