تعينت الكورس الثاني شلون على الدوره ؟ :)

[أستثنـآئيهـ]

السلام عليكم ..
آنآ تعيين كورس ثآني
لآزم آخذ دورة التعيين الجديد متى ؟

وشلون أعرف مكآن الدوره.. تو أدري اني لآزم آخذهآ مع التعيين الجديد ..
بلييييز اللي عندهآ معلومه عن هالشي تقولي بلييييييز

أتمنى تفيدوني

 

[fri2010]

يقولون اللي تعينو كورس ثاني ما لهم دورة!

 

[أستثنـآئيهـ]

متأكده واللي يعآفيج ؟

 

[مبايلي كويتي]

اشلون دريتي انج كورس ثاني
متى قدمتى
وليش مو كورس اول

 

[أستثنـآئيهـ]

شنو شلون دريت .؟
آنآ مدآومه بمدرستي كورس ثآني
؟؟؟
ليش مو كورس أول ؟
لأني مقدمه ع الديوآن شهر 3 اللي طآف وتعيّنت

 

[fri2010]

منال القلب تقول انها تعينت كورس ثاني و ما خذت الدوره

 

[طالبة1990]

اول ماتداومين يبلغونج الادارة ان عندج دورة

وكل اللي يتعيتون كورس ثاني ياخذونها بداية الكورس الاول مع التعيين الجديد

هالشي صار مع رفيجاتي وحدة تعينت الكورس الثاني سنة ٢٠١٠ والثانية تعينت الكورس الثاني ٢٠٠٩

يعني انا وانتي همن بتحوشنا هالدورة

 

[مشغوله و محتاسه]

مبدئيا لازم تاخذونها
اللي ما اخذها العام ياخذها هالسنة


بس متى تنزل الاسامي ما ادري ..

الافضل تستفسرون اول يوم دوام و تتاكدون

 

[أستثنـآئيهـ]

أهآ أوك ..
عيل أنطرهم يبلغوني ..
مشكورين حبيبآتي

 

[ملآمح يوسفيه]

,
انا متعينه شهر 11 ما اخذت دوره
يعني تحوشني الدوره ؟!!

 

[** رش رش **]

انا تعيين كورس ثاني و من اكثر من ست سنوات و ما اخذت الدورة و لا احد قالي آخذها

 

[سراب فوفو]

حبيبتي أنا بعد تعينت كورس الثانى شهر ٣ مثلج بس محد دق على من منطقه يقولون لي عن الدوره ? ورفيجاتي اللي معاي كانو قالو لهم بدق على منطقه يوم الأحد *

 

[معلمة مصدومة]

مااعتقد ان لج دوره انا تعيين شهر تسعه قبل سنتين بس احنا الدفعه اللي فتح لنا الديوان استثنائي اسبوع وسجلنا وداومنا لان كنا خريجات صيفي ورفيجاتي بالميداني اللي تخرجو شهر سبعه خذوها بس احنا الله رحمنا ودام انه مادزوا شي لمدرستج مااظن لكم دوره

 

[طالبة1990]

اللي تعينوا الكورس الثاني

يروحون المنطقة ياخذون استمارة يعبون البيانات وياخذونها معاهم للدورة


واظن هالسنة المنطقة مادزت شي للمدارس

يعني انتي من نفسج اذا تبينها او مالج خلق تداومين بمدرستج

روحي المنطقة


اما اذا ماتبينها لانها حجي فاضي وهذذرة

قعدي مكانج وخلج بمدرستج


عن نفسي رحت اليوم المنطقة وخذيت الاستمارة وحضرت الدورة

*

 

[طفلة المطر]

انصحكم تاخذونها

اليوم المراقب قال لازم تاخذون هالدوره تفيدكم حيل

تكلموا عن اشياء مهمه حيل وتفيدنا

كلها اسبوع والدوراات هذي مهمه حيل

هالكلام قالوه المراقبين ومدير عام المنطقه التعليميه

 

[سدددن]

اللي لهم دوره دزوا اسماؤهم للمدارس

في مناطق اطلبوا اللي تعينوا الكورس الثاني

و في مناطق ما طلبوا بس يبون التعيين اليديد

 

[أستثنـآئيهـ]

^^

أممم
أمس محد بلغني .. أن نآزل أسمي بالدوره
معنآه مو طآلبيني

 

[موني موون]

استثنائية انا نفسج و اليوم رحت المنطقة اسأل الي لازم اسألها مو مداومة جان اروح دوامي بعد خفت أتأخر :s

 

[أثير88]

وانا نفسكم تعينت الكورس الثاني
والمنطقة ما دقوا ولا شي ولا حتى المدرسة
وصلهم شي عن الدورة
اتوقع ما في لنا دورة

 

[سراب فوفو]

أنا يوم الأحد دقو علي من توجيه وقالو لى عن دوره بس ماعطونى ورق مثل ماتقولون وكان في وايد ابلات اللى تعينو من كورس اللى طاف وفي جدد