تعليم الحمام

[نجمه السيد]

صباح الخير في مثل هذا اليوم ولدت يعني ولدي كمل سنتين ابي اعرف كيف اعلمه الحمام خصوص اني عصبي هجدا كيف أمسك روحي بديت المح له ماما يالله نروح الحمام ننظف بدئه رب مني خصوصا اذا كنا بيت اهلي

 

[ريح قهوه]

شوفي انا اهيئهم اول شي يعني يكونون لابسين الحفاظه واقول لهم فيه بول سويت بالحفاظه بول او كيكي اهنيه افهمهم اول شي ان اذا سوو يعلموني وعقب عاد اعلمهم سوو بالحمام مو بالحفاظ ومازالت الحفاظه عليهم لحد ما اخلي سالفت الحفاظه تدش براسهم ودايم اشجعهم انتم كبار حفاظه يع ومن يجي اليوم اللي اقول خلاص اليوم الحفاظه مافيه اهنيه عاد يكونون مستوعبين شنو راح يصير واكيد مره مرتين يوصخون علي نفسهم وكل ساعه اوديهم للحمام اسبوع اذا كان شاطر واسبوعين اذا شديد ويقطها وخلج لينه انا حدي عصبيه بس ابتمالك عشان مايخافون واذا وصخو ابتسم واقول لا مو اهنسه بالحمام

 

[نجمه السيد]

والله اني جالسه تحاتي من الان خصوصا باقي هالشهر وعلى ذو الحجه الجو براد وشكلي بعلمه بعد الشتاء يكون افضل اله

 

[floor]

مرحبا اختي نجمه
صدقيني الموضوع بسيط بس يبيله طولت بال وصبر ولازم اسبووع ماتطلعينه من البيت وتلبسينه اندر وير التعليم تحصلينه عند سنتربوينت من داخل فوطه ومن برا نايلون اخذيله 2 او 3 ينغسلوون و يمنع التسريب
هيئيه قبلها بكم يووم وشجعيه بعدين بلشي تلبسينه ولا تردين له الحفاظه وكل ساعه اقل دخليه الحمام وخليه يعلمج اذا انحسر ويروح للحمام واسبوع وهو متأقلم الطفل ذكي بس يبيله صبر
سهالات عقبال ماتشوفينه معرس ان شاءالله

 

[floor]

مرحبا اختي نجمه
صدقيني الموضوع بسيط بس يبيله طولت بال وصبر ولازم اسبووع ماتطلعينه من البيت وتلبسينه اندر وير التعليم تحصلينه عند سنتربوينت من داخل فوطه ومن برا نايلون اخذيله 2 او 3 ينغسلوون و يمنع التسريب
هيئيه قبلها بكم يووم وشجعيه بعدين بلشي تلبسينه ولا تردين له الحفاظه وكل ساعه اقل دخليه الحمام وخليه يعلمج اذا انحسر ويروح للحمام واسبوع وهو متأقلم الطفل ذكي بس يبيله صبر
سهالات عقبال ماتشوفينه معرس ان شاءالله

 

[opera]

انا ولدي عمره الحين 3 سنوات ومو راضي يتعلم ترا قاطه الحفاضه من 3 شهور تقريبا وللحين ما يقولي ابي اروح الحمام

انا كل نص ساعه اوديه وتعبت

 

[مذهلة2013]

حاولي تشجعينه يعني
تحطين عند باب الحمام استكرز
وكل ماقالج ابي اروح للحمام
تعطينه استكرز على ايده
يكون حافز له او تعطينه لعبه صغيره

 

[نجمه السيد]

والله من جم يوم حاولت اجلسه على المرحاض الله يكرم السامع بس ماعرف له وقام يصرخ

 

[كتكوته حبيبي]

انا بعد بعلم ولدي بس اخاف مايفهم عمره سنه و10 شهور شهرين ويكمل سنتين شاريه كل شي نونيه او قيصريه عندي ثنتين بس شكلي بشتري قاعده المرحاض احسن وانظف مو كل شوي بقعد اغسل القيصريه اهوا يحب الحمام ولما اقوله يالله حمام يركض عالحمام بس اهوا فباله يتسبح يحب السبوح ان شاء الله الاسبوع الياي ببدي اعلمه لان مابقى الا جم شهر واولد وابي افتك مابي البس ثنين حفاظه ابي يشيل عمره تهقون يتعلم بهالعمر وﻻﻻ

 

[قلب زوجي وولدي]

الله يعينكم حاسه فيكم بدايتها صعبه خصوصا لو الطفل عنيد

ولدي الاول بديت معاه من سنه ونص وكان وايد عنيد أسلوبي حلو شجعته
ما أصرخ ولا اعصب ولا أطق ضليت علي هالحاله ٣ شهور قلت ما عليه صغير

بس بعدها عرفت انه فاهم ويعاند ما يبي يروح الحمام اهني عاد تنرفزت طقيته
جم مره بعدها صار سيدا وصار يطلب الحمام بالاثنين طبعا قلبي عورني اني طقيته
بس قلت ما عليه كله عشان مصلحته لانه عرفت انه فاهم بس يعاند ويوم صار عمره
٣ سنين علمته علي الليل كانت أسهل بالنسبه لي قدر يتحكم بنفسه تعبت اسبوع او اسبوعين
بعدها مشاءالله قدر يمسك نفسه طبعا يسويها مرات بس الحمدالله نادر

والحين خلاص الحمدالله صار تمام بكل شي عمره ٣ ونص



اما ولدي الثاني بديت معاه سنه و ٩ شهور يوم شفته متقبل الموضوع
علمته اول اسبوع كل نص ساعه حمام ثاني اسبوع كل ساعه حمام أوديه
ثالث اسبوع عاد اهني حاولي تاخرين الساعات عشان يقدر يمسك نفسه
يعني كل ساعتين ونص او ٣ ساعات بعدها الحمدالله صار اهو يطلب مني
الحمام وان شاءالله بعد جم شهر ابلش معاه الليل


كل شي سهل بس باوله شوي صعب خصوصا لو كان عنيد ومو متقبل الفكره

 

[قلب زوجي وولدي]

اذا قطيتي الحفاضه لا تردينها ثاني كلش

لانه بتصير أصعب عليج

واهو بيشوف انج مو جاده

 

[نجمة فجر]

من عمر بنتي سنتين لين الحين سنتين وتسع شهور مو قادره تستوعب الحمام
دلعت
سايست
حطيت استكر
فهمتها شوي شوي
صرخت
طقيت
مو نافع ولا شي اخر شي انا بكيت تمللت احس اني في امتحان صعب البيت تدمر ماتعلم وحتئ لو سوت ما تقول سويت عادي الموضوع


الحين اعلم الثنتين يمكن تتشجع من اختها

 

[هيبة ملك]

انا ولدي يعرف. الحمام. ويعرف يروح. له. يعني. البولة يروح. لكن. الكبيره. لا الا يبي حفاظه
ويعرف متى تجي. بس مايبي الحمام

عجزت مادري شسوي. له

ياليت اللي. عندهم خبره يفيدوني

 

[سور المدينه]

انا ولدي يعرف. الحمام. ويعرف يروح. له. يعني. البولة يروح. لكن. الكبيره. لا الا يبي حفاظه
ويعرف متى تجي. بس مايبي الحمام

عجزت مادري شسوي. له

ياليت اللي. عندهم خبره يفيدوني

نفس بنتي بالضبط تخاف