تعقيم جرح العملية القيصرية...

[عفوية]

مرحبا كويتيات ...

انا وللله الحمد ولدت بعملية قيصرية وصارلي 10 أيام ...
واليوم رحت موعدي وشالت الدكتور الخياط وقالت خلاص مارسي حياتج الطبيعية ..
بس الصراحة ماعطتني معقمات ولا مطهرات ولا مرهم ميبو او اي شيء؟


عادي ولا الدكتورة نست مثلاً ..انا الصراحة كنت مستعجلة وقتها وطلعت بسرعه عقب ذكرتني امي
تقول ليش ماعطتج معقم .. يطهر الجرح ..


ف بلييييز يا بنات القيصرية ... شنو احسن مطهر للجرح واشلون استخدمه وجم مرة؟
ووشنو عنايتكم بالجرح ؟ من ناحية السبوح عادي يحوشني ماي وصابون صوب الجرج ولا خطر؟


والله محتارة ... ساعدووووني

 

[tho tho]

رد : تعقيم جرح العملية القيصرية...

حبيبتي انا قبل سنه ولدت قيصريه
الصراحه ما استخدم كريمات و معقمات و راجعت بالمستشفى
و الدكتوره ما قالتلي شي

 

[عفوية]

uuuup
اشدعوى ولا وحده والدة قيصري؟؟؟

 

[** محبوبه**]

رد : تعقيم جرح العملية القيصرية...

أنا والده بقيصريه تقريبا من سنه ماعطوني مطهر ولا شئ أما بالنسبه لسبوح لما أتسبح ألف على منطقه الجرح نايلون الشفاف مال الأكل عشان مايجيه الماي ليمن كملت 20 يوم أتسبح عادي وأننشف منطقه الجرح عدل من الماي برقه وأن شاء الله أستفدتي من ألي قلته

 

[ليان حياتي]

رد : تعقيم جرح العملية القيصرية...

الدكتور يكتبلج مطهر الكحول تنظفين الجرح من 3 الى 5 مرات باليوم وتحطين كريم عالجرح مرتين باليوم لمدة 5 الى 7 ايام

 

[ليان حياتي]

رد : تعقيم جرح العملية القيصرية...

صج نسيت بالنسبة للسبوح عادي تتسبحين بس شوي شوي عالجرح

 

[H.A.K.W]

انا لما ولدت قيصريه ماعطوني شي
بس وصوني اني اخلي الجرح ناشف.

وقت السبوح حطي فازلين عالجرح عشان مايحوشه ماي
واذا بغيتي تقدرين تستخدمين مطهر بيتادين علبته خضرا تلاقينه بالصيدليه

 

[راقية باخلاقي]

اضع لكن هنا قائمة بأهم احتياجات المرأة بعد الولادة
من اغراض خاصة للإعتناء بمنطقتي العجان والخياطة القيصرية ..
* شاش معقم
* سائل البيتادين الطبي
*غسول مطهر ( تصفه الطبيبة )
* صابون طبي بمعدل حموضة PH7 ( من الصيدلية )
* Under wears للاستعمال لمرة واحدة ثم تلقى
*فوط صحية كبيرة شديدة الإمتصاص
* مجفف الشعر لإستعماله فى تجفيف المنطقة اذا كانت رطبة
*المغطس البلاستيك sitz bath
* عوامة سباحة تنتفخ بالهواء لإستخدامها فى حال شعرتي بالم عند الجلوس ( لمن اجرت شق العجان)
* الزنجبيل ( لمن ستلد قيصرية )
* مناديل الورقية للتجفيف .

اوضح هنا انكِ لستي فى حاجة لإستخدام الملح للتطهير ,
ولا اى اعشاب او خلطات او غيرهم بشأن تنظيف او تطهير المهبل
فكل ما ستشتريه من خلطات هو مضيعه لوقتك وإهدار لمالك دون داعي !
والأهم هو انه قد يؤجل شفاء الندبة وسقوط الغرز وحدوث التهابات فى المنطقة ايضا ليس لها داعي!
تحياتي ,,

 

[العفاسيه]

غريب اتذكر الدكتوره حرصتني عالجرح بعد اسبوعين من الولاده انظف الجرح بماي وصابون عشان مايلزق عليه الوسخ بعدها ابخ عليه بخاخ بيتادين المعقم

 

["*آآآنؤؤؤقهـ*"]

ولدت وبمستشفى اخر يوم شالو اللزقه ونظفه لي الدكتور وعقب اسبووع رجعت موعدي شال الخيط
وشال اللزقه ونظفه وصفلي كريم للجرح وبخاخ بيتادين ومطهر امسح فيييييه الجرح بشاااش لمدة اسبوع
مرتين باليووم

 

[ام الحلوااات]

الــحـــمـــد للـــــه عــلــــى ســـــــلامــتـــج ومـــبـــروووك مـــا يـــبـــتـــي
بــاالــنــســبــه لــجـــرحـــــج راجــــعــــي دكــتـــورتــــج وااايــــد احــســـن وادرى بــحـــالــتـــج​

 

[ابي فزعه]

يوووه بنات شفت الموضوع بالصدفه انا قيصريه وكبس
وماقالتلي الدكتور عقمي ولا علمتني بأيش اعقم
تكفون وشلون الكبس نفس الخياط بالتعقيم

اللي سوترعمليتها كبس تردلي ارجوووووكم

 

[جوريه 4]

اول شي الحمدلله علي سلاامتج نصيحه علي طوول امسحي بمناديل مطهره حتي بالصيدليه تلاقينها فيها كحول اللي ينظفون فيها سره البيبي وليمن تسبحين عادي وحطي بخاخ بس مااعرف اسمه بخته جنها عنابيه تجفف المنطقه واهم شي تبتعدين عن العطور وامي كانت قبل مايجوني الناس اخذ مره بشاش وامسح بطني بدون مااجيس الجرح واحط بشاش ثاني مره كل مادش علي احد قمت اشمه لانت مو زين وحافظي علي نفسج

 

[ابي فزعه]

ي عمري جوريتي الله يجزاك خير
تيب عادي اقتصر ع المسحه الطبيه فقط ولا لازم البخاخ?

 

[جاتيم]

يوووه بنات شفت الموضوع بالصدفه انا قيصريه وكبس
وماقالتلي الدكتور عقمي ولا علمتني بأيش اعقم
تكفون وشلون الكبس نفس الخياط بالتعقيم

اللي سوترعمليتها كبس تردلي ارجوووووكم

هلا حبيبتي انا والده مرتين قيصري وكل عملياتي كبس تجميلي

كانت مثل البلاستر عليه وقبل لا اطلع من المستشفي شالوة

وما يحتاج اي شي اهم شغله تكون المنطقه ناشفه عشان ما تلتهب عمليتج

صاحبة الموضوع,,راجعي دكتورتج هي بتفيدج اكثر فديتج

 

[ابي فزعه]

جاتيم يعني مو لازم التعقيم?
معليش غثيتك ي روحي

 

[جاتيم]

جاتيم يعني مو لازم التعقيم?
معليش غثيتك ي روحي

لا بالعكس حبيبتي فديتج

شوفي هو التعقيم شغله حلو ومفيدة واتخلي العمليه نظيفه

بس انا بعملياتي الكبس ما استخدمت المعقم الا ثاني عمليه وبعد تقريبا سنه ونص اخر شي عمليتي صار فيها التهاب لاني
ما كنت اهتم فيها وما انشفها عرفتي

انتي اهتمي بعمليتج اذا خذيتي شور نشفيها عشان لا اتعرق

واذا بتسخدمين معقم روحي عند دكتور زين ويعطيج معقم للجروح

بين فتره وفتره نظيفها مجرد انج تمسحين علي العمليه بالمعقم

 

[ضحكتي ماركة ]

اب اب لعيونج

 

[ابي فزعه]

تسلمولي ي رب

 

[فرحتي2.2]

للاسف ماقدر افيدج