تعقدت من فيديو ولادة وما ابي احمل !!

[بعدك طيب !]

السلام عليكم .. ترددت وايد قبل لا اكتب هالموضوع لكن بما انكم حسبة خواتي قلت باخذ رايكم بهالشغلة ..

بنات انا تزوجت من 9 اشهر واخذت اللي احبه ولله الحمد بعد صراع طويل مع الأهل سواء اهلي ولا اهله والحين الحمدلله انا وزوجي بعيون اهالينا احلى حبيبين :ggdw:


بنات انا قبل زواجي بشهرين تقريبا ً شفت فيديو ولادة طبيعية حق وحدة وشفت اشكثر اهي تعذبت بالولادة وشفت البيبي شلون يطلعونه - سبحان الله - ومن يومها يا بنات وانا تعقدت من شي اسمه حمل وولادة ومو قادرة انسى هالفيديو او اشيله من بالي ..

انا صارحت زوجي بهالشي وعصب علي قالي اياني واياج تطالعين هالشغلات مرة ثانية ..

موضوعي الحين اني مو قادرة احمل !! .. وشايله هالفكرة من بالي وكل ما قالي زوجي انه يبي ولد او بنوتة او انه بخاطره يسمع كلمة يبه اقوله وشلون على ولادتي اخاف تعورني !!!!!

يزعل علي ويقعد ايام ما يحاجيني بس عشان يبيني اشيل هالفكرة من بالي اللي انا مو قادرة اشيلها الحين خير شر !!!!

بنات انا آلام الدورة تذبحني وتخليني اطيح بالفراش يومين ولا ثلاث .. فـ ما بالكم اني هالمرة احمل واشيل بيبي 9 اشهر ببطني ويجي موعد الولادة واتعذب :krkrkr::krkrkr:

الحين قولولي شلون اشيل هالفكرة من بالي واتأقلم وابدأ افكر اني لازم احمل واصير ام ؟؟!!

:bbbiu:

تكفون ساعدوني ابي اغير هالنظرة وهالفكرة :eh_s(2):

 

[_زينه_]

ماكوووو مثلي خوااااااااااااافه

سبحان الله يقولج وقت الولاده جسم الام يفرز ماده مادري شنو اسمها يخليها تنسى الالم كله والتعب عقب الولاده

ماتسمعين بنات او حريم يقولون لج الولاده جنها حلم ؟؟؟؟؟؟؟؟؟

انتي حطي الكمااااام ونامي ماتحسين بشي الا لما يقولولج قومي مبروك ولدتي

عقبال مانسمع خبر حملج

 

[_زينه_]

لا تخافين انا توني والده من شهرين

كنت اطلق 15 ساعه طلق صناعي تخيلي وعذاااااب امجع شعري واشمخ نفسي وصراخ اخر شي قالوا عمليه البيبي مو راضي ينزل وكنت اسمعهم وانا أأشرلهم لااا لاا يعني مابي عمليه

واهما ينقلوني من غرفة الولاده الطبيعيه لي غرفة العمليات ابجيييييييييييي واصاااااااااااااااااارخ

والله ماحمل مرا ثااااااااااانيه بصراخ

والحين انطر متى اكمل سنه من ولادتي عشان احمل لووووووووووووووول

والله هال15 ساعه جنها دقيقه سبحان الله

 

[جمالي ايطالي]

الله يهديج ليش تشوفين جذي


لاتحاتين انتي توكلي على الله واحملي وشوفي بعدين شنو شعورج..... ودج تحملين على طوووووول

 

[مناير البيت]

ليش تشوفين هالمقاطع حق التخرع !!

ابشرج ترا ثالث رابع يوم من الولادة تنسين كل الام الولادة وماتتذكرين شئ من الالم

هذي من رحمة ربي فينا والاطفال نعمة من الله ,, حتى الامهم والام الحمل تنسينها لما تشوفينه بحضنج يشمشمج ويدور صدرج ​

 

[رومانسية زماني]

ماافي اجبن واخووف منى كنت نفس تفكيررررك بس لمااشوف عيالي حوولي ضحكهم لعبهم اقوول يستاهل يصير فينى كذاا الم وصرااخ وتعب عشاانهم .. هذي احلى نعمه بلكووون وكنت داايماا اقول كيف يقدروون هالحريم يجيبوون 5 او 6 اطفال مااصدق مااتعورهم الولاده اثااري دارت الاياام وصرت من يكمل البيبي 3 سنوات احن وانسى الولاده واقول ابغى بيبي رغم انه نساااتي جداا صعبه عندي اصعب من الولاده الولاده كم سااعه بس النسااة شهوووور

شيللي هالفكره من رااسك وربي يرزقك ويفرحك انتي وزوجك ..وتذكري كلامي يوم تشوفي البيبي بحضنك راح تقوولي كله عشانك يهوووون ربي يرزقك وكل محرووم

 

[لاتكابر غلطتي]

حياتي هذي سنة الحياه ..
واذا خايفه من هالفيديوو
ودي اوريج فيديوو ولاده وربي انه الام تضحك
ومستانسه واهلها حواليها ولا حاسه بشي ..
لان غازينها ابره ظهر ..
والطب تطور ماعاد فيه شي اسمه يعووور ..
ومو من حقج تحرمين زوجج من ذريته ..
وربي يرزقج

 

[@سيدة نفسي@]

انا والدة من شهرين ونص ,, والله والله اني نسيييييييييت حمالي وولادتي الحين

سبحاااااااااااان الله ,, مع اني متتتتتتتتتت من التعب بالحمل وبالولادة بس

رحمة رب العالمين فينا شي عظيم لأن لولا المرة مااستمرت الحياة

 

[داناو]

واااااااااااااي انتي نفسي خوافه
بس انا صرت اذكى منج وماشفت هالفيديو مع ان رفيجاتي بالدوام كانو يشوفونه ويصارخون
من المنظر ومن قدرة الله سبحانه باخراج انسان من انسان
بس شوفي دام انج شفتيه ... وطاحت الفاس بالراس..هههههههههههه
مالج الا اذا صارت حزة ولادتج تطلبين ابره ظهر لانها رحمه للخوافه واللي ماتتحمل الم.. وفعلا ماتدرين شلون ولدتي لانج ماراح تحسين بشي ابد... واحملي بلا دلع ياحلوووو العيال يهبلون
بس احنا بنات الكمام ههههه.... نبي نحس ونبي الاجر... لان بالاحساس بالالم تمحى ذنوبج سبحان الله

 

[ام زهقانه]

ليش تشويفينه انا شفته مت وف الحين فيه مخدر ابرة ال كل شي ظهر اشوي من قبل طبيعي

 

[نـعـومـه]

اول شي غلط تشوفين هالسوالف

وثاني شي حرام عليج صارلج ٩ شهور متزوجه وللحين حارمه زوجج من الانجاب !!!!

عادي الوحده تأجل فكره الحمل ٤ ٥ ٦ شهور اكثر من جذي وايد ولاا يمكن ماتقطعين الموانع وماتحملين الا بعد اشهر

تعوذي من بليس وكلنا خوافات بس شنسوي سنه الحياه

 

[بعدك طيب !]

مشكورين بنات على مشاركاتكم فديتكم كلكم ..

شلون اقدر اتخلص من هالعقدة ؟؟

خصوصا ً انه زوجي للحين شايل علي وصارله 3 ايام ما يكلمني بينا وتساب بس

يقولي لما تتسنعين اكلمج

وانا وعدته اني راح اعطيه فرصه لما يجامعني ينزل الـ شيسمونه داخل عشان احمل خصوصا ً انه اهو صابر علي كل هالفترة ومدلعني واثناء الجماع ما ................... داخل فهموها تكفون والله استحي *_^

مشكورين بنات الله يوفقكم ويرزقكم كل اللي ردو علي واللي قروا موضوعي واللي مادروا عني ربي يوفقكم ويسعدكم دنيآ وآخرة

 

[نـعـومـه]

ليش تشويفينه انا شفته مت وف الحين فيه مخدر ابرة ال كل شي ظهر اشوي من قبل طبيعي

ياريت ماتشيشون بعض على ابره الظهر لانها موزينه

 

[بعدك طيب !]

حبيبتي نعومة مشكورة فديت قلبج

بس كلهم يقولون ابرة الظهر ترحمج من الالآم ؟؟

 

[Miss-ipad]

حبيبتي
ليش تشوفون جذي حرااااام مايجوز تشوفين عورة غيرج.....ا(استغفري ربج من اللي شفتيه)
بس والله ان الأمومة والحمل يخليج تنسين العوار,,,,,أنا عن نفسي خواااافه حيييييييل بس قبل أولد كنت ادعي بكل دعاء وأقرى البقرة والله ان ربي يسر لي وماحسيت بشي كلش الحمدلله
كل وحدة شافت جذي لو تستغفر ربها عن اللي شافته وتابة والله ان ربي بيرزقها من حيث لا تحتسب
الوحدة فينا لازم تحسن الظن بالله وراح تشوفون أشلون ربي يسخر لج كل شي ويسهله لج لانج احسنتي ظنج بربج
وتقبلوا كلامي....أحبكم يابنات كويتيات

 

[ندى العبير]

كأنج نفسي بحملي بولدي اختي تبي توريني فيديو ولادة

الحمد لله ما شفته اعيش هالشي ومادري شنو صاير تحت

ولا اشوفه خوووووووووووافه حدي

 

[mooma]

اخوووف مني ماااكو
انا اشوووف الولااده و ابجي اقول حق ريلي مابي اولد و شلون حملت !!
و شفت ولاده قبل لا اتزوج و تصروعت
بس لو اهي بتخرررع جذي جان نسل بني ادم انقطع و الناس ما قاعده اتييب اثنين و ثلاث و اربع و اللي عندهم على 10
و الله يخلي الكمام اللي ينسيج و ينومج
و الحين ابرة الظهر تشولفين و اهم يشتغلون ما تحسين بشي !!

 

[غضـب]

ياريت ماتشيشون بعض على ابره الظهر لانها موزينه

ليش ؟
شنو اعراضهــآ ؟

 

[يا كويتنا]

شوفي انا الحين حامل بخامس بطن


والله الذي لا اله الا هو اني ناسيه الولاده اللي فاتت ومشتاقه بس الم البيبي بحضني


انتي بس اتجيبين جاهل باجر بتتحسفين وتضحكين علا روحج

ماكو احلا من هالشعور

 

[مكشكش مدندش]

ماتحتاجين اقناع ولارح كلامنا يحرك شي داخلج تدرين
ان الامومه اجمل غريزه انتي بنفسج رح تدورين الحمال لوتأخر حملج
هذي فطره بالمراه وغزيزة لاانا ولاالخوات انتي اللي بتدورين الحمال
ولولاسمح الله قال الدكتور ماممكن تحملين بتشوفين نفسج تدخلين اقسى العلاج
لوفيه عذاب بس تشوفين الطفل بين ايدينج اللهم لاتحرم خواتي الكويتيات من كلمة ام
وارزقهم يارب ولاتحرمهم وانتي اولهم