تعـــــــــــــــــــــــــالوا بنات أم أسامه تبيكم

[فانسي نايت]

بنات حبايب قلبي أول شي ببتدي بدعاء لكم كلكم ،، يارب يارب يارب ترزق كل بنات تأخر الانجاب و ترزق كل محروومه يارب ترزقهم بالذريه الصالحه و تعوض صبرهم خير يارب


بنات طبعا اختي سوت عملية الحقن المجهري و فشلت و لله الحمد و الشكر،، الحين الدكتور قالها تسوي أشعة صبغة الشهر الياي عشان بيشوف وضع الأنابيب شلون عشان يعطيها مجال للحمل الطبيعي

واحنا واايد خايفين و نحاتي، منو جرب أشعة الصبغه ؟ هل تعور؟ وصج تفتح الانسداد اذا كان موجود ؟ لاتبخلون بنات علي بمعلوماتكم،، و انشاء الله كله بميزان أعمالكم يارب






ناطرتكم مو اطنشوووووووووووووووووووووووووون _03ba:

 

[$غــ(ز)ــل$]

الله يعووضها ان شااءالله
شوفي اهو على حسب في بنات يعورهم وفي بنات عادي
اهو مثل عوار الدوره


انا راح اتكلم عن نفسي .. انا الحمدالله مافيني شي بس الدكتور طلبها مني
بس صج صج صج تأأأأأأأأأأأأأألمت حييل لدرجة اني قمت اشاهق من كثر البجي
واللي زاد الطين بله ان السستر الهبله كانت مسويه شي غلط موضابطته عدل لان اسمع الدكتور زفها وقالها ليش حاطه هذا بس انا ماكنت منتبهه لان كنت اتألم .. وتخيلي طلعوا الجهاز وردوا حطوه مره ثانيه عادوا من جديد


بس والله اللي دخلت قبلي ماسمعت لها حس ماشاءالله ماتعورت
بس انا صراخي وصل المستشفى كلها فضيحه


في ناس سوووها وماشاءالله تبارك الرحمن ماحسوا بشي
واهي اساسا 5دقايق بس

واذا اختج خايفه خل تسويها مع بنج عشان ماتحس بعوار
بس يقولون ماتسوا بنج لانها بسرعه تخلص

ادري قرقت عليج بس حبيت اوضحلج كل شي


وبالتووووووووووووفيق لاختج

 

[فانسي نايت]

هلا غزوول حبيبتي

اول شي مشكووره على الرد الأكثر من الرائع الله يجزاج خير و يشافي ريلج يارب و يرزقج الذريه الصالحه

الدكتور قالها انتي لازم بنج قالها انتي متوتره جدا و قلقه و حتى لو ماعورج بتبجين و بتسوين فيلم و ان شاء الله ناويه على البنج و الله يسهل عليها يارب


بنات بنسمع تجاربكم وينكم :ggdw:

 

[WaChoCha]

اذا خايفة تسويها ابنج
انا قالت لي الدكتورة ما احتاج لانها ما تعور وايد والحمدلله عوار عادي مثل عوار الدورة والدكتورة كانت ايدها خفيفة اللهم لك الحمد
كان عندي انبوب فيه التصاقات بسيطة هذا اللي عورني بس الحمدلله كل شي كان زين

عسى ربي يرزقها ان شاءالله

 

[$غــ(ز)ــل$]

مشكووووووووووره حبيبتي على الدعوه
دام قالها الدكتور بنج خلاص خل تتوكل على الله
واذا لاسمح الله انبوبها مسكر راح ينفتح باذن الله


وان شااءالله البنات يعطووونج تجاربهم

 

[فانسي نايت]

wachocha

عسى الله يرزقج الذريه الصالحه يارب ،، مشكووره على ذكر تجربتج

غزوله
حبيبتي الله يسمع منج وان شاء الله تنفتح الانابيب عندها يارب،، مع ان الدكتور مو معطيها أمل قوي لان الانبوب حملت عليه و كان حمل خارج الرحم بس ربج قادر على كل شي و الله كريم ان شاء الله خير

 

[~ذات السُبحه~]

هلا حبيبتي
مشكوره على الدعاء الطيب
ويارب الله يرزقكم بالذريه الصالحه
انا سويت اشعة الصبغه مرتين
والحمد لله رب العالمين كانت الانابيب عندي كويسه واموري عال العال
بصراحه فيها الم بس الصبر زين
وقولي لها لاتخاف تتنفس بعمق وبهدوء وتريح اعصاابها على الاخر
وتتخيل اشياء جميله وان كله الم بسيط وبينتهي كل يهون عشان تشوف الضنى
وانا ان شاء الله راح اسويها هالشهر عشان نطمن بعد
والله كريم يرزقنا جميع

 

[*سبحان الله*]

ام اسامه

انا سويتها بس سويتها ببنج نص ساعه وقعدوني وتكشف اذا في سدد او لا وسويتها بميه دينار بالعرف على طول رحت بدون موعد ولا شي قسم الاشعه وجاني دكتور وسواها بس خليها تسويها ببنج اريح واحسن لان المها فضيع

 

[eemee]

انا سوزيتها اشعة الصبغه بدون بنج في دار الشفا والصج ينقال وايد تعور بس حسب ما فهمت يختلف الالم من وحده لي الثانيه واكو اشيا ما تبين بالاشعه لازم منظار وامس سويت المنظار والله يعين حدي متعوره الله يوفقها ويسهل عليها انشالله

 

[bint_al8omar]

الله يرزق اختج الحمل جلا غير اجلا يارب

 

[دمعه امل]

اختي لا تحاتين
ان شاء الله سهالات
وهو ع حسب الدكتورة اللي تسوي لج
ولازم في الم بسيط
انا سويته بس دكتورتي وااايد زينه وشاطره ف هالمجال
اهم شي حالتج النفسيه واهو كلش عادي بس لازم الم بسيط كلش
والحمد طلع كل شي سليم
وان شاء الله انتي كل شي سليم يارب

 

[كويتيه مذهله 87]

المفروض اول شي يسويلها الاشعه بعدين يسوي الحقن هذا اي دكتوور الي مايعرف شي؟




حبيبتي مشكووره علي الدعااء وربي يرزقج كل محرومه وكل وحده تبي بيبي

ثاني شي الاشعه سهااالاااات يدخلون انبوب فيه زيت يدخلونه وشووفوون بالاشعه يبين معاهم اا فيه سدد او ملتهبه وفيه بنج بس مايسو لان العوار خفيف ويتحمل

 

[فانسي نايت]

ذات السبحه ، سبحان الله، ايمي، بنت النور، دمعة أمل
حبايب قلبي مشكورين ماقصرتوا بعد عمري ع الردود الحلوه،، الله يطمن بالكم و يرريحكم دنيا و آخره يارب و يالله انك ترزق كل وحده الذريه الصالحه يارب

كويتيه مذهله

اهيا حالتها غريبه تحمل بس كله خارج الرحم، و خارج الرحم الله لايكتبه عليكم و لا على أحد ان شاء الله مهما أوصفلج ماراح تخيلين
المهم الدكتور قالها مابي أعرضج لتجربه يمكن تكون محبطه لان فرصتها بالحمل خارج الرحم كبيره لان عندها من أول عرفتي، واهي تبي الحمال قال نسوي الحقن و ان شاء الله الله يرزقج و عقب نشوف وضع الأنابيب ، بس الحمدلله ما ضبط معاها الحقن عاد قالها بشوف الانابيب اذا لقيت واحد مفتوح بنخليج طبيعي و هذا احتمال ضعيف لان حملت عليهم بالجهتين عرفتي ،،، والله يرزقها يارب

 

[كويتيه مذهله 87]

الله يرزقها يااااااااارب
انزين انا اختي حملت خارج الرحم والدكتوره قالتلها سنتين لا تحملين لان احتمال تحمل خارج الرحم فأذا عدت السنتين يصير حملها طبيعي ان شالله


خل تسوي الاشعه تتوكل علي الله ماتخوف صدقيني جنها فحص عادي

 

[فانسي نايت]

كوكو <<< الله يرزق اختج ان شاء الله و يرزق اختي و كل محرووومه يارب

 

[رووح حبيبي]

انا سويتها بمستشفى الفروانيه
ما خذت دقايق
بس الم مو طبيعي
الله يسرها لها ويكتب لها اللي فيه الخير

 

[فانسي نايت]

روح حبيبي ان شاء الله تفرحينا قريب بخبر حمالج يارب و الله يعوض عليج و يرزقج الذريه الصالحه قولي آميــــــــــــــــــن

 

[bnt_kwt]

انا جربتها اهي تعور بصراحه
بس برايي انها ما تحتاج بنج كلش
يعني شي محتمل مو شي كلش كلش ما تتحمله

لا تخافون ولا تحاتون وخل تتوكل على الله وتسويها
وفي موضوع بالقسم عن اشعه الصبغه خل ادوره لج شوفيه وخل اختج تلقي نظره عليه

وما تشوف شر

 

[bnt_kwt]

كل شي عن اشعه الرحم الملونه حياكم يا كويتيات
http://www.q8yat.net/showthread.php?t=234048

 

[فانسي نايت]

بنت الكويت يزاج الله خير و ان شاء الله في ميزان أعمالج ياعمري

انا قريت التقرير و حتى اختي خليتها تقراه و ان شاء الله الشهر الياي الموعد و الله يسهل يارب

مره ثانيه مشكوووره ياقلبي و عسى الله يرزقج الذريه الصالحه يارب