تعطير ملابسج وملابس عيالج

[تولة مسك030]

عبالي بس انا اللي الكومفورت مايضل عالملابس ,, وعبالي طريقتي بالغسيل غلط .. يعني العيب بالكومفرت

صح انا مره جربت داوني الاسود والذهبي ريحتهم قويه بس همن ماتظل بالملابس مثل مايحطون بالدعايه 15 يوم مادري اشكثر

عموما انا احط شوي بماي الكوي عطر

واحنا بعد نتعطر كلما لبسنا حتى اليهال متعلمين عالعطور

اي ومره شريت من سنتر بوينت مثل ظرف ورق داخله كور صغار يطلع ريحه على سينامون وتفاح احمر حطيته بكبت الجواتي مال ولدي ..والله اصبغت الجواتي كلها ريحه حلوه وظل فتره طويله ..

انا بعد لازم اعطرر عيالي بالكولونيا لانهم صغار العطور اللي تخنق
الكولونيا افضل لهم
فديتج بس بغيت اعرف هالظرف اللي من سنتر بوينت ياليت اختي تحطين صورته
لاني تحمست لهاا
واشكرج ع المرور عزيزتي اوبرا
يعطيج العافيه :eh_s(7):

 

[تولة مسك030]

بعد عمري الله يخليهم لج يارب وتفرحين فيهم

بالنسبة لطريقة التعطير

انا اروح محلات الفلبن عندهم شكثر كلونيات وااااااااااايد حلوة
و ثابته و شميهم كلهم تلاقين كلونيات تهبل جنها عطور
اختاري على ذوقج اي كلونيا
وفرغيها بمرش
ورشي منها على الملابس قبل الكوي وقبل مايلبسونها
تثبت العطر وتخلي الريحه نظااااااافه حتى لو ماتعطروا
والكبت فضيه و نظفيه بديتول ريحة الديتول تهبل
و رشي منه بالكلونيا اللي اخترتيها
وحطي بخور وسكري الكبت واهوه فاضي
وخليه البخور ساعه لما ينطفي الجمر
وتالي طلعي المبخر
و رشرشي الملابس بالكلونيا
ورتبيها بالكبت بسرعه وسكري عليهم
راح تمسك فيهم ريحة النظافة

لان ساعات احس البخور يغمت على الملابس والكبت مسكر مادري يمكن؟؟؟؟

هذي افكار اتمنى فادتج ياقلبي
تحياتي

امييييييين يارب فديتج ويخلي لج احبابج يارب
حبيبتي طريقتج وااايد حلوووة والفكرة ممتازة
على فكررة كلونيات عيالي رووعه وصناعه فلبينيه ورخيصه بس
والله ريحتهااا تيينن حتى مرة وحده شمت ولدي قالت اشم ريحه نظافه فيه ههههههههههههههههه
فكرة المرش عجبتني وشكله بطبقهاا جريب
مشكووووووووورة ياقلبي على الافكار الجميلة
ويعطيج العااافيه :eh_s(7):

 

[تولة مسك030]

اي وفي صابونة لايف بوي بالليمون
تينن اهيا معقمة و معطرة بنفس الوقت
ريحة الليمون نظييييييييفه تحسس بانتعاش و نظافه حدها
ممكن تبشرينها و تحطين منها شوي مع صابون غسيل الملابس بكل غسلة
تمسك ريحة الليمون و النظافة بالملابس

+ كمفورت وداوني حلوين للشطفة الاخيرة للملابس

فديتج هم فكرررررة حلوووة
بطبقهاا وبدعيلج
ربي يسعدج ياقلبي :eh_s(7):

 

[تولة مسك030]

والله ماني شاطره به السوالف والا كان قلتلج

ياعمري تواااجدج ومرورج يكفي ياحلووووة :eh_s(7):

 

[تولة مسك030]

حــــــبوبـــــة...
عنــــــدج خـــــلطة اكـــــوا لونه بنفــــسجي تلـــــصق بالمـــلابس

رشي بعـــــد الغــــسيل والكـــــوي مفعـــــوله حـــــــللو

اي حلوووة استخدمها للفراش
واايد عجيييبة
وفكرررتج حلوووة
ياجووووري
ربي يسعدج مشكووورة على المرور :eh_s(17)::eh_s(17):

 

[تولة مسك030]

هذي الشموع من زهور الريف روائحها كثيييير حلوه تنحط بفواحه وتذوب بس انا اقصها واحطها بين الملاب وريحتها تصير روووووووعه

فكرررة حلوووة ياصوفي
وان شاء الله اطبقهااا
مشكورررة :eh_s(17)::eh_s(17):

 

[تولة مسك030]

انا بقولك طريقتي في تعطير ملابسي وملابس زوجي ..
اجيب رشاش مويه اللي نستخدمه مع الكوي واضيف له مويه وغطاء كامل من كمفورت وارشه عالملابس لما اكوي
وبكذا تثبت الريحه وارصها ف الدولاب وابخرها ببخور (فور ايفر من درعه )
وملابسي الداخليه احط عليها مسحه خفيفه من مسك العروس من عبد الصمد القرشي

طريقه المرش مع الداوني مجربتنهاا بس مفعوله بسيط انا ابي ريحه تثبت اكثر
وطريقة بخور فور ايفر بجربهاا ان شاء الله
مشكوووورة يا معزوفة عشق
وربي يسعدج :eh_s(7):

 

[حصة2010]

جربى كولونيا البنت القديمةةةة ثم ضعى البخورررر المعول والله روعةةةةةةةةةةةة

 

[تولة مسك030]

مشكووورة حصه ع المعلومة
وتسلمين على المرور

 

[روان_الكويت]

داوني الازرق تجنن ريحته

 

[mrs.abk]

اختي تحط الداوني بماي الاوتي

أنا أخذ ماي معطر للاوتي وأخلطه بماي عادي وقطرة دهن معطر ( يعني عطر اسكادا بس دهن أو عطر بربري بس دهن .. تلاقينهم بمحلات العطور )

وعادي أدخن الثياب أغلبها ما عدا ثياب اللدوام أو السوق ..

وأنا من النوع اللي أتدخن قبل لا أروح أي زوارة أو حفل حريم بس ما أتعطر ولا أتدخن للدوام أو السوق

 

[اهذريبك~]

اذا غسلتي الملابس خلاص حطيهم بطشت ماي و كمفورت و بعدها نشفي الملابس و عطري الملابس باكوا الورديه مع بخور واو