تعرفين شي عن حضانة مرتقى..دشي

[+بسبوسة+]

شلونكم ياعسل


بليز بنات انا دخلت ولدي السنة الياية حضانة مرتقى

ودي اتطمن شلون مستواهم؟؟

يدرسون اليهال؟زلا مافي استفاده بس لعب؟؟

خاصة اني بدخله مدرسة ثنائية اللغة
يحفظون قرآن؟؟؟

ودي ابدى ادربه ادرس انجليزي ولا قرآن بس موعارفة شنو
منهجهم؟؟

انا ودي أأسس ولدي عدل اهم ينفعون ولا اشرايج؟؟​

 

[ro3ah]

والله مادري انا حاطه قبلج الموضوع من اسبوع انطر احد يرد مافي اي رد الظاهر محد حاط عيالها فيها
بسألج جم الرسوم اذا ممكن؟

 

[أم فرووحة]

اللي اعرفه خوش حضانه..بس انا محتاره بينها و بين حضانة السلام ثنتينهم يم بعض

مرتقى الانجليزي عندهم اقوى من القرآن

و حضانة السلام القرآن و الاخلاق اقوى من الانجليزي

هذا اللي امحيرني بالاختيار

 

[+بسبوسة+]

روعة
.......

ومازلنا ننتظر!!



ام فروووحة...
حضانة السلام جنها معسكر..
مترووووسة يهال والمبنى قديييييييييييييييييييييييييييييييييييييييييييم

هذا الي اعرفه..

 

[МίSs StyLe]

اختي بسبوسة .. الحضانة روووعة ..

انا مدخلة ولدي فيها .. والصراحة وايد استفاد ..

انا حضرت له جم حصة .. المدرسة تكلمهم انجليزي طول الحصة .. ووناسة ..قصص .. اناشيد .. و كلمات ..مهارات حياتية وتلوين ..

حتى هو بعض المرات يكلمني انجليزي .. بس طبعا جمل بسيطة ..

وعندهم حصة عربي .. و قرآن .. يتكلمون فيها عربي .. ويحفظون قرآن .. وادعية ..و يتعلمون قصص الانبياء .. ومحفظون اناشيد .. و اسماء الله الحسنى ..

يعني وديه و انتي متطمنة ..

وبالنسبة للاخت اللي سألت عن الرسوم بالسنة 1100 دينار .. تقريبا .. والله نسيت بس بهالحدود.. ​

 

[+بسبوسة+]

مشكووووووووووووووووووووورة حبيبتي

طمنتيني

 

[حلم الطفولة]

الحضانه مستواها أعلى من المدارس الخاصه ,, ممتازه ولاتاتين حبيبتي.