تعرفين تسوين شعرج بطرق حلوة ! تعالوا نتبادل خبرات

[FiOnKa]

السلام عليكم بنوتات

شلونكم يا حلوين

بدايه طبعا كلنا نحب التغيير و اغلبنا نعرف نسوي شعورنا بطرق حلوة ,, و واايد منا تشوقه تسريحات

بنات و نتساأل شلون مسوين هالتسريحه الحلوة و نكون مستحين نسألهم ,, المهم اللحين بهالموضوع

اللي ان شالله بيعجبكم نبي كل وحده تقول لنا طرقها بعمل تسريحاتها او طريقتها بالاستشوار و خلونه

نتبادل خبرات ::


انا راح ابدي و اقول لكم طريقتي بالاستشوار ,, بدايه ::

1. احط على شعري سيرم و اهو رطب و على قمة الراس احط فوم عشان ينفش الشعر و يكثفه

2. انشف شعري كله من الماي و امشطه

3. تالي اقسمه الى سبع خصل

4. استشور وحده من السبع خصل بالاستشوار العادي

5. اول ما اخلص من الخصله اخذ الستريتار و اخذ خصله صغيره من شعري و امشطها بمشط ضعيف

و امشي الستريتار عليها ببطئ ليمه تصير بالنتيجه المطلوبه

بهالطريقه بس يكون الستريت ورة المشط

6. اكمل على كل شعري بهالطريقه

( او اذا ابي الفير ) نفس الطريقه اخذ خصله صغيره و الفها عالفير و اخليها 30 ثانيه و اهدها و ارش

سبريه عشان تثبت .. و بعد عندي طرق وايد بس ما راح احطهم الا ليما اشوف تفاعلكم الحلو :ggdw:

بنات اللي عندها فيديو حق تسريحات حلوة خل تحطه عشان تفيدنه ​

 

[FiOnKa]

بنات شدعوه 14 وحده داشه الموضوع و وله وحه ردت

 

[المزيونة^]

مشكورة و يعطيج الف عافية على الموضوع بس انا شعري بوي

 

[ريماس الحلوه]

خوش موضوع بس انا ادور التسريحات

 

[kadi@}--]

والله انا ساعات استشور شعري عادي و اسوي بف خفيف ... و المه لي ورا كله ... و ساعات الم جزء منه ... يعني كل يوم شكل ... يطلع شكله نايس ... و ساعات احط فووم و الف اطرافه بس ... و يطلع كيوت ..

 

[ريماس الحلوه]

خوش موضوع بس انا ادور التسريحات

 

[FiOnKa]

المزيونه و ريماس الحلوة و kadi@,, مشكورين حبايبي عالمرور

---
http://www.youtube.com/watch?v=ee_rDSvOSnY&feature=related

بنات شوفوا هالرابط انا وايد عجبتني التسريحه بس طبعا بإمكانه انه نسويها اضبط من جذي لانه اهو مو

مسويها مرتبه ,, انا سويتها بس سويت الذيل حصان اللي سواه ببدايه التسريحه انزل شوي و خذيت

الغره اللي فرقتها ببدايه التسريحه و سويتها بف من جدام و كبرت البف مال التسريحه شوي ,صارت

واايد حلوة و على فكرة ترى حييل سهله ,, و حلو بعد انكم تحطون اكسسوار من تحت او ورده ,,تدرون

هالتسريحه ذكرتني بتسريحه ناديه لطفي ايام الستينات يا حلات هالايام ستايلهم كان صج حلو

بنات بليز اللي تعرف طرق حلوة حتى لو بسيطه لا تبخل علينه فيها خلونه نفيد بعض ​

 

[وردة-الكويت]

انا شعري قصيته يعني ماينفع معاه الا العنقوص انا افله عرفتي


بس اخ لو ملحقه علي قبل مااقصه

لوووووووووووول




مشكوره

 

[FiOnKa]

وردة الكويت ,,

حساااسفه انج قصيتي شعرج ,, تصدقين عاد انا قبل ما اقعد 3 وله 4 مرات بالسنه اقص شعري

بس اللحين لا قمت استانس على الشعر الطويل بس اقص اطرافه عشان ما يتهتمل ,, لانه احس اغلب

التسريحات تناسبه و غير هذا ملفت اكثر ,, يالله ما عليج طولي شعرج و تفنني فيه

حيااتي شكورة عالمرور

 

[لوالو_q8]

هلوووو
يونس الموضووووع
اناا اذا بسوي سترييت استشور شعري بالاستشوار العادي وبعديين امشي الستريتنر عالاطراف عشان يطلع حلوووو
واسوي بف 3 طبقات خفيفه فوق بعض عشاان ما يطيح البف

واذا بسوي ويفي نفس الطريقه بس بالفير والف خصله خصله وشعري اللي تحت ما الفه وايد عشان لا يقصر شعري هههههه

وطبعا تسريحتي المفضله اهي السلك
ادهن شعري اللي جدام بكريم من بودي شوب حق السلك وبعديين امشطه كله واسوي عنقوووص مشدوووود
واحط فوقه سبريه عشان يثبت ويطلع عجييييييييييب

 

[FiOnKa]

لوالو_q8

اهلين حبيبتي طرقج مقاربه لطرقي انا جذي البف لازم اسوي 3 طبقات و اسوي الخصلتين اللي

عالجنب بعد ,, و احيانا اسوي مثل طريقتج بالسليك اني اسوي ذيل حصان و امشط الشعر كله لي

وره و تالي ارش سبريه عشان يثبت و يعطي لمعه حلوه ,, بس شنو انا شعري ما يكون سليك اكون

مسويه بف خفيف من وره و بعد في فكرة حلوة تاخذين الفير اللي يسوي لفات كباار و تلفين طرف

العنقوص عليه و تالي تحطين سبريه و تخلينه بيصير شكله يشوق جنه مال بابايات لول و حلو انج ليما

تسوين شعرج بهالطريقه تربطين الشعر من فوق على الشباصه بشريطه كيوت منقطه او شغله حلوة

مشكورة عالرد الحلو و المفيد ​

 

[فروحة الحلوة]

تصدقين انا ما اعرف شنو السيرم؟
ولشنو نستخدمة؟
وشكرا

 

[روان_الكويت]

انا بعد احط سيريوم مال لوريال واستشوره وبعدين امشي عليه بالستريت بس مو دايما لانه هالطريقه اتعب ويبيلها وحده فاضيه وانا مال خلق عشان شذي قاعده افكر جديا بموضوع ان اسوي الكيراتين لشعري عشان افتك من السشوار والستريت
مشكوره اختي علا موضوضوع

 

[LOLO_COOL]

مشكوووووووووووره حبيبتي عالطريقه

تسلمين يا قلبي :>:>:>

 

[BlueGirl]

أنا هالتسريحات اللي دايما اسويهم
ستريت مع بف و قذله خفيفه (اللي تصير مقصصه ماعرف شسمها).
او بف و فرق على جنب مع اكسسوار عشان يمسكه و ما يخترب.
كيرلي واسع مع باند او كسسوار بدون قذله + مثبت.
ويفي بف مع باند او اكسسوار + مثبت.
اشده كله ذيل حصان و بف خفيف.

الاشياء اللي استخدمهم :
الفير و الستيتر و السيرم و المرطب ..

و مشكوورة على الموضوع

 

[FiOnKa]

السلام عليكم

فروحة الحلوة اهلا حبيبتي ,, السيرم اهو عبارة عن ماده تحطينها على الشعر عشان تحميه

من حرارة الاستشوار ,, و الطريقه تحطينه على شعرج قبل لا تستشورينه , و اهو رطب او جاف

بس انا اشوف انه يفضل رطب .

- - -
روان_الكويت اهلا حبيبتي و الله زين تسوين احسن انج تسوين كيراتين .. و تدرين انا ساعات احس

انه مالي خلق اسوي شعري بس شسوي مضطرة لاني مو متحجبه فلازم اسوي شعري

- - -
LOLO_COOL العفوو حياتي والله يسلمج من الشر

- - -
BlueGirl اهليين قلبي ستايل القذله المقصصه مع البف كان ستايلي قبل سنتين تقريبا لول , بس انا

اللحين صايرة احب اخلي شعري قطعه وحده ما اقصصه , بس تدرين ولهت على هالستايل احسه

يحلي الويهه , و الصراحه كل ستايلاتج حلوه و احس ستايلج نعوم و يشوق .

- - -

مشكورين كلكم حبايبي على الردود الحلوة :eh_s(8):​

 

[eman_21]

بلو قيرل قوليلي شلون تسوووووووووووين الكيرلي عفيه ..
بالنسبه لتساريح انا دايما احب اروح الصالون لان ما عندي وقت ..

 

[لوالو_q8]

فيوونكا
ايي صح حلوه طريقة الفير اخر الشعر ولا مره جربته
بس احس جني رايحه المدرسه لوول

 

[لوالو_q8]

ايمان سوييه بالفوم
اول ما تتسبحين مشطي شعرج وحطي الفوم وشعرج رطب وعفسييه

وبس خليه ينشف

 

[FiOnKa]

eman_21 , اهلين ايمان انا بقولج طريقتي بعمل الويفي الكبار

1. يكون شعري رطب اخذ شويييه فوم و احطه عليه

2. انشف شعري من الماي و اقسمه و استشورة استشوار عادي

3.و اول ما اخلص من كل خصله اخذ الفير الكبير من كليرز كون اير , و الف شعري عليه و اول ما

اخلص ارش سبريه و اكمل على كل شعري جذي , و بس

- - -

لوالو , لول , نوو ترى حده كيوت يشوق حق الصبح , بس شنو انا اسوي بف صغير

فيصير واايد حلو

- - -

مشكورين حبايبي عالمرور ​