تعديل الحاجز الانفي عند الاستشاريه بشائر العبدالله

[مذهلة 78]

بسم الله الرحمن الرحيم

حابه انقل لكم تجربتي مع الدكتوره بشائر بمستشفى زين

بنات انا من زمان اعاني من الشخير والتصبب من خشمي ولما اقوم من النوم لازم احس

بصداع فتره نص ساعه وطبعا بنات مشكلة الشخير مسويتلي ازمه مع ان ريلي مسكين ما اشتكى

بس مهما كان مره تشوخر حييييييل صعبه المهم خذيت تحويل من المستوصف ورحت مستشفى زين

طبعا الدكتوره طلبت مني اشعه مقطعيه وسويتهااااا والنتيجه طلعت التالي ان فيني انحراف بالحاجز الانفي

مسكر ناحيه اليسار وعندي جيوب وتضخم بالقرنيات قالتلي خلاص موعد عمليتج 25/5 الدخول بكون

بتاريخ 24/5 وبنات دخلت وامس الصبح كانت عمليتي الدكتوره حطتلي بلاستيكات وبنفس الوقت

فتايل طبعا امس طول اليوم صراخ من الفتايل و ما خليتهم الا لما يوو شالوهم المغرب الساعه 7 تقريبا

وخف العوار واليوم من الساعه 7 الصبح الدكتوره عندي تسألني عن حالتي وعطتي موعد الاسبوع الياي

عشان تشيل البلاستيكات وطلعتني اليوم ويهي ما ورم ولا زرق ونفسيه الكتوره تينن

الله يخليها ويحفظهاااااااا

​

 

[صمتي قدر]

الله يشاافيج يارب
وانشالله تتخلصين من الشخيير

 

[مذهلة 78]

الله يسمع منج

 

[$نرجس$]

الحمدالله على سلامتج

 

[my dreams]

الحمدالله علي سلامتج

عاد انا نفسج مسويه جيوب انفيه وبعد معاناه شهر علي ماتنفست عدل

عندي الفتحه اليمين مسدوده اذا صكرت اليسار ماتنفس
ولا يقولي عندج انحراف بالحاجز الانفي !!!!!!!! انزين ليش ماسويته ؟؟؟؟؟. بس الحمدالله تنفسي تعدل اول كلا مسدود وعايشه عالبخاخات

بغيت اسالج اشلون يتعدل الانحراف ؟؟؟؟؟ يبردون العظم ولا شنو ؟؟؟

 

[my dreams]

ويييي ليش موقووووفه ؟؟؟؟؟

 

[تحدوه البشر 305]

مرحبا اخت مذهله ,,
انا بعد اسبوعين عندي عمليتي عند الدكتوره بشائر العبدالله ,, تعديل الحاجز الانفي وتضخم القرنيات
جم مدة العمليه ؟ ,, ومافي مشكله اسويها اذا عندي ظروف صحيه ( الحيض ) لان ماسالتني عند الموعد ,,
وتغير شكل الانف بعد تعديل الحاجز .؟
واسفه طوولت عليج .., يعطيج العافيه

 

[بيض مفيوح]

اب اب اب

 

[مذهلة 78]

مرحبا اخت مذهله ,,
انا بعد اسبوعين عندي عمليتي عند الدكتوره بشائر العبدالله ,, تعديل الحاجز الانفي وتضخم القرنيات
جم مدة العمليه ؟ ,, ومافي مشكله اسويها اذا عندي ظروف صحيه ( الحيض ) لان ماسالتني عند الموعد ,,
وتغير شكل الانف بعد تعديل الحاجز .؟
واسفه طوولت عليج .., يعطيج العافيه

حبيبتي تقريبا مدتها اقل من ساعه ولازم تقولين لها عن الحيض لان في دكاتره يأجلون العمليه بس انا نفس يوم عمليتي نزلت علي الدوره والحاجز ما يتغير لا تحاتين

 

[Dreamy G!rl]

الحمدلله على سلامتج حبيبتي
و يارب ترتاحين الحين و يرتاح ريلج

 

[ام عيالي]

مذهله تغير شكل الخشم ولا الشغل كان من داخل بس
هالدكتوره كويتيه
هالدكتوره اتسوي تجميل للخشم
اسه كثرت اسإله

 

[رقـة الاحسـآس]

الحمدلله ع السلامه

 

[ام عيالي]

ها مذهله وينج حبيبتي

 

[مذهلة 78]

مذهله تغير شكل الخشم ولا الشغل كان من داخل بس
هالدكتوره كويتيه
هالدكتوره اتسوي تجميل للخشم
اسه كثرت اسإله

هلا حبيبتي لا الخشم ما تغير كلش والشغل كان من الداخل وهالدكتوره كويتيه واتوقع تسوي تجميل لانها استشاريه