تعتقدون هالمشرع ناجح ؟؟ ابي خبراتكم

[NaNa88]

السلااام عليكم

بنات انا ودي اييب قمصان وتوبات شغل هندي وباكستاني يعني كلها شك وتطريز وشغل يعني قطع ثقيله تقريبا بمستوى زينيا الصالحيه ومودا ان ويمكن يكونون احلى من غير مبالغه ,, بس المشكله لما بييب هالبضاعه تتوقعون تمشي اذا كان سعرها غالي شوي لانه اقل بدله يمكن تطلع علي ب 60 دينار هذا من غير الشحن

اللي بعرفه منكم يعني انتوا لو شفتوا بدله توب ويا بنطلونها وراقيه وفيها شغل شك وتطريز ممكن تشترونها اذا كانت ب 100 او 130 ؟؟ وطبعا في اشياء بتكون اقل يمكن على 60 و70 و80 على حسب سعرها

انا قاعده اشوف مودا ان مشالله اسعاره غاليه وشغلهم ماشي الله يتمم عليهم لان شغلهم حلوو بس تتوقعون انا اذا يبت نفس البضاعه تقريبا تمشي ولا بتطيح بجبدي ويقولون غاليه ؟؟
ولو يبتهم وين اقدر اعرضهم بمكان حلو وعليه اقبال ؟ صراحه انا الحين قاعده اشوف بالمعارض توبات ماتسوى على 70 و 80 :flower: ,,ولو كان موسم اعياد ورمضان تهقون يمشي شغلي

لو نفرض انه اسعاري تبدي من 60 لي 150 مع العلم تكون بدله كامله توب وبنطلونها ؟؟ بليييز بنات ابي خبرتكم ورايكم يعني لو تكونين انتي اللي بتشترين ممكن تشترين بهالسعر اذا كانت البدله تسوى ؟

 

[over love]

الله يوفقج ويفتحها بويهج أن شاءالله

عن نفسى اشوفه ناجح وصدقينى كل بضاعه لها شاريها الغالى او الرخيص

عن نفسى اشترى بهالأسعار وأغلى بعد حق رمضان وغيره اذا كانت القطعه فخمه مو بس بالشكل حتى بالخام والفنيشنق مرتب اى اقط عليها

توكلى على الله بس أستخيرى اول

 

[Dr.Nouf]

لو نفرض انه اسعاري تبدي من 60 لي 150


اي ممكن ؟!


بس اذا اغلى ، الناس تشتري ماركات افضل =)


,

 

[NaNa88]

بعد عمري مشكورين على ردودكم الحلوه ماقصرتوا على ردودكم الحلوه :*
over love بعد عمري والله اييي ان شاء الله ناويه استخير بإذن الله
Dr.Nouf حبيبتي ماقصرتي لا ماعتقد بيكون اغلى من 150 هذا اغلى شي

 

[NaNa88]

up up

 

[S.O.S]

ان شاء الله ينجح
لو انا زبونه والقى شغل راقي مثل ما وصفتي بضاعتج اكيد بشتري
وانا اشتري شغلات اغلى من جذي وانصدم آخر شي انها ما تسوى حتى 10 دنانير.. بس شنسوي .. الشكوى لله
موفقه حبوبه
واذا بلشتي بمشروعج مو تنسينا .. عطينا خبر عشان نشوف شغلج ونكون زباينج ان شاء الله

 

[كلنا عشاق لكن]

رد : تعتقدون هالمشرع ناجح ؟؟ ابي خبراتكم

إية أشتري إذا إعجبوني ليش لأ
ولو معاهم إكسسواراتهم بعد شي حلو بس السايزات ركزي ع السمول هههه​

 

[NaNa88]

بعد عمري والله ماقصرتوا :**
sos حبيبتي ان شاء الله لي عزمت ماني ناسيتج ولج خصم بعد
فلانه القاسمي ماقصرتي حبيبتي ايي لاتوصين

انا ودي اييب حق عيد الاضحى بس المشكله ماكوو وقت مايمدي

 

[zain-alq8]

انا من النوع ايلي اشتري هالاسعار اذا عجبني بس ماحب الخبه وايد ...وترا فييه بنات اشوفهم بالمعارض يبيعون نفس اسعارج واغلا ومايسوون كلش وهم ماشي شغلهم ..على فكره ترا ارزاق وانتي ونصيبج ..الله يوفقج واذا يبتي البضاعه قوليلي ....واستخيري ماخاب من استخار الله سبحانه ضروري هالشي ...

 

[NaNa88]

مشكووووووره حبيبتي zain-alq8 :*
بنات مشكورين على كل مشاركاتكم الحلوه والله فادتني وايد
انشالله بستخير واشوف اللي الله كاتبه

 

[alhnan]

اهو من ناحيه السعر غالي او لا ماكو مشكله
بس المشكله الذوق
اذا شكلهم لبس هنود ما ينلبس لان اكثر شي اشوف بالتراث الهندي موديل بنجابي وهالسوالف ما يناسبنا
لان لنا قصه وستايل معين ممكن ناخذ منهم الخام لكن ستايل القصات غير
انا ماشفت المحلات اللي تقولين عنهم مدري اذا ستايلهم ماشي او لا
وبالنسبه للمعارض مناسبه جدا حزة المناسبات السنويه

وباالتوفيق

 

[فوشيه عجيبه]

up

up

up

 

[NaNa88]

alhnan
مشكورره حبيبتي :* لا اهوا مو ستايل هنود اللي ماينلبس واغلبهم تكون توبات طويله يعني تنفع حق متحجبات

فوشيه عجيبه بعد عمري ماقصرتي رفع الله قدرج ان شاء الله

 

[toto2006]

go ahead

 

[سراااب]

حلوو فكرتج حلوة وموفقة انشالله بس إذا بلشتي لا تنسينا خلينا نشوف ونشتري منج انشالله

 

[NaNa88]

حبايبي والله توتو وسرااب مشكورين على مشاركاتم اللي فادتني
وكل اللي دشوا موضوعي وعطوني رايهم او حتى رفعوا الموضوع الله يرفع مقدارهم انشالله
انشالله بستخير والله يوفقني ويوفق الجميع يارب