تعتقدون لوسويت باجر تحليل دم هرموني بيبين ان كنت حامل والا لا

[شمعة^الحب]

هاي بنات انا كانت دورتي 5-12 اخذيت كلوميد وابر تنشيط اقدر باجر اسوي تحليل دم هرموني بيطلع شي تعتقدون

 

[c a t w o m a n]

نطري لي الدورة الياية بنفس اليوم إذا تأخرت سوي تحليل أو اليوم إيللي عقبه يبين معاج انشالله

 

[iLLuMinaTion]

الله يرزقج

 

[نمله ممصوعه]

لا ما اعتقد يبين الحين تو الناس .. لانج لازم تحسبين 14 يوم من تاريخ نزول الدوره
علشان البويضات اللي تكون نازله ..

انطري لي 5-1 وراح يبين ان شاء الله .. وان شاء الله تكونين حامل
وبتوأم

 

[tmtmt]

الدكتوره قالتلي
الهرموني يبين معاج لو قبل موعد الدوره ب ١٠ ايام

الله يكتبلج الي فيه الخير والصالح

 

[نـور الكويت]

عسى الله يرزقج ويرزقنا يارب العالمين ..

 

[LiL MaMa]

رد : تعتقدون لوسويت باجر تحليل دم هرموني بيبين ان كنت حامل والا لا

و الله ماعندي فكره

الله يرزقج

 

[شمعة^الحب]

شكرا خلاص باجر بحلل انشالله ادعولي

 

[+ Gloom +]

رد : تعتقدون لوسويت باجر تحليل دم هرموني بيبين ان كنت حامل والا لا

حبيبتي انشالله يبين لان اخر موعد لج يوم 5-1 يعني بعد 5 ايام و100% راح يبين اذا في حمل او لأ ويارب توم حبيبتي

 

[أهداب]

رد : تعتقدون لوسويت باجر تحليل دم هرموني بيبين ان كنت حامل والا لا

اي حبيبتي الحين يبين

 

["*آآآنؤؤؤقهـ*"]

رد : تعتقدون لوسويت باجر تحليل دم هرموني بيبين ان كنت حامل والا لا

يبين
ان شاءالله حامل

 

[ويـــزا]

السلام عليكم
انا نفس حالتج بالضبط
بس انا دورتي كانت 1 / 12 وهم ماخذه كلوميد
سويت امس تحليل هرموني وقال لي سوي بعد اسبوع احسن عشان تكون النتيجه اكيده
فنطري احسن لج من تتعنين مرتين وبنفس الوقت يكون موعد الدوه طاف

 

[ام كوشه منكووشه]

رد : تعتقدون لوسويت باجر تحليل دم هرموني بيبين ان كنت حامل والا لا

ان شاءالله يبين لان مابقى شي على موعد دورتج اليايه

وعلى فكره ترا حتى الاختبار المنزالى يبين اذا فيه حمل او لأ قبل الدوره اب 6 اياام انا مجربته والحمدالله ضبط معاي

يالله يارب يفرح قلبج بالنتيجه وتكونين حامل ان شاءالله

 

[قطرة مطر83]

رد : تعتقدون لوسويت باجر تحليل دم هرموني بيبين ان كنت حامل والا لا

الله يرزقج بالذريه الصالحه

 

[شمعة^الحب]

خلاص اليوم بشتري تحليل المنزلي واستخدمه اول مااصحى من النوم الصبح وبعدها اسوي تحليل دم اشوراي وانشالله يابنات باجر ابشركم اني حامل يارب وفرح قلب ريلي